សាខាកាកបាទក្រហមកម្ពុជា ខេត្តស្ទឹងត្រែង ចុះសួរសុខទុក្ខ និងនាំយកអំណោយមនុស្សធម៌ ជូនគ្រួសាររងគ្រោះដោយអគ្គិភ័យ និងស្ត្រីសម្រាលកូនក្នុងស្រុកថាឡាបរិវ៉ាត់
ខេត្តស្ទឹងត្រែង៖ នារសៀលថ្ងៃពុធ ទី២២ ខែកក្កដា ឆ្នាំ២០២៦ ឯកឧត្តម សាយ ព្រលឹង នាយកសាខាកាកបាទក្រហមកម្ពុជា ខេត្តស្ទឹងត្រែង សហការជាមួយអនុសាខាស្រុកថាឡាបរិវ៉ាត បានចុះសួរសុខទុក្ខ និងនាំយកអំណោយមនុស្សធម៌ទៅប្រគល់ជូនប្រជាពលរដ្ឋចំនួន ២គ្រួសារ ដែលកំពុងជួបការលំបាក ក្នុងនោះរួមមាន គ្រួសាររងគ្រោះដោយសារអគ្គិភ័យ និងស្ត្រីទើបសម្រាលកូនមានជីវភាពទីទ័លក្រ ស្ថិតក្នុងឃុំសំអាង ស្រុកថាឡាបរិវ៉ាត។
