មន្ទីរសុខាភិបាលខេត្តបាត់ដំបង បើកកិច្ចប្រជុំមួយ ក្នុងការភ្ជាប់ក្រុមឆ្មប និងគ្រូពេទ្យ នៅតាមបណ្តាមន្ទីរពេទ្យបង្អែក មណ្ឌលសុខភាព ដើម្បីការថែទាំមាតា និងទារក ប្រកបដោយសុវត្ថិភាព

បាត់ដំបង ៖ ដើម្បីលើកកម្ពស់គុណភាព និងសុវត្ថិភាពនៃការថែទាំមាតា និងទារកឱ្យកាន់តែល្អប្រសើរនោះ មន្ទីរសុខាភិបាលនៃរដ្ឋបាលខេត្តបាត់ដំបង នាថ្ងៃទី០១ ខែកញ្ញា ឆ្នាំ២០២៦ បានរៀបចំកិច្ចប្រជុំក្រុមសម្របសម្រួលសម្ព័ន្ធឆ្មប ហៅកាត់ថា MCAT ត្រូវបានរៀបចំធ្វើឡើងនៅស្រុកប្រតិបត្តិថ្មគោល ដើម្បីពង្រឹងការសម្របសម្រួល និងការងារជាក្រុម រវាងមណ្ឌលសុខភាព មន្ទីរពេទ្យបង្អែកស្រុក មន្ទីរពេទ្យបង្អែកខេត្ត និងមន្ទីរសុខាភិបាលនៃរដ្ឋបាលខេត្តបាត់ដំបង ។