ក្រសួងវប្បធម៌និងវិចិត្រសិល្បៈ ក្រោមការគាំទ្រពីមូលនិធិអន្តរជាតិសម្រាប់ភាពផ្សេងៗគ្នានៃវិញ្ញត្តិវប្បធម៌(IFCD) របស់អង្គការយូណេស្កូ (UNESCO) ចាប់ផ្តើមអនុវត្តគម្រោង «ការពង្រឹងប្រព័ន្ធអេកូឡូស៊ីសេដ្ឋកិច្ចច្នៃប្រតិដ្ឋកម្ពុជា៖ ការរៀបចំគោលនយោបាយជាតិ និងការបង្កើតមជ្ឈមណ្ឌលគាំទ្រសាកល្បង»។
បាត់ដំបង ៖ ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅថ្ងៃទី៣ ខែសីហា ឆ្នាំ២០២៦ នេះ បានចាត់ប្រតិភូសាខាកាកបាទក្រហមកម្ពុជាខេត្ត ដឹកនាំដោយ លោក ផេង សិទ្ធី អនុប្រធានអចិន្ត្រៃយ៍សាខាកាកបាទក្រហមកម្ពុជាខេត្តបាត់ដំបង រួមជាមួយមន្ត្រីប្រតិបត្តិសាខា បានចូលរួមរំលែកទុក្ខដ៏ក្រៀមក្រំបំផុតជាមួយក្រុមគ្រួសារសព លោកពលបាលទោ ប៉ិច សត្យា ដែលបានពលីក្នុងបុព្វហេតុការពារបូរណភាពទឹកដីតាមបណ្តោយព្រំដែនប្រចាំទិសបឹងត្រកួន ខេត្តបន្ទាយមានជ័យ ។
បាត់ដំបង ៖ អភិបាលរងខេត្តបាត់ដំបង លោក យឹម សៀប បានលើកបង្ហាញថា ភាពជោគជ័យរបស់យុវជនមិនមែនស្ថិតលើចំណេះដឹងតែមួយនោះទេ សំខាន់ត្រូវមានសុជីវធម៌ គុណធម៌ សីលធម៌ ឥរិយាបទន់ភ្លន់ សុខភាពការទំនាក់ទំនង ការសាងកិត្តិយស និងកេរឈ្មោះល្អ គឺជាកត្តាសំខាន់ ដើម្បីធ្វើឱ្យគុណភាពនៃជីវិតកាន់តែជោគជ័យ ។
បាត់ដំបង៖ ក្រុមការងារមន្ទីរព័ត៌មានខេត្តបាត់ដំបង នារសៀលថ្ងៃទី០៣ ខែសីហា ឆ្នាំ២០២៦ បានចុះពិនិត្យមើលទីតាំងចំនួនពីរ ដើម្បីត្រៀមរៀបចំយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នាពេលខាងមុខនេះ ទីតាំងទី១ ស្ថិតនៅបរិវេណវិទ្យាល័យសង្កែ ស្រុកសង្កែ និងទីតាំងទី២ ស្ថិតនៅបរិវេណវិទ្យាល័យសម្តេចតេជោ ហ៊ុន សែន ភ្នំសំពៅ ស្រុកបាណន់ ខេត្តបាត់ដំបង។
បាត់ដំបង ៖ រដ្ឋបាលស្រុកឯកភ្នំ បានរៀបចំយុទ្ធនាការដាំកូនឈើក្រោមប្រធានបទ «ផ្ទះ ១ ខ្នង ដើមឈើ ១ ដើម» នៅភូមិទួលស្បូវ ឃុំសំរោងក្នុង ស្រុកឯកភ្នំ ខេត្តបាត់ដំបង ដោយមានអ្នកចូលរួមសរុបចំនួន ៦១៩ នាក់ កាលពីថ្ងៃសៅរ៍ ទី ១ ខែសីហា ឆ្នាំ ២០២៦។
