សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា អញ្ជើញទទួលបដិសណ្ឋារកិច្ចស្វាគមន៍ ដំណើរទស្សនកិច្ចផ្លូវរដ្ឋរបស់ ឯកឧត្តម មីន អោង ឡាំង (Min Aung Hlaing) ប្រធានាធិបតីនៃសាធារណរដ្ឋសហភាពមីយ៉ាន់ម៉ា មុនជំនួបកិច្ចប្រជុំកំពូល នៅវិមានសាមគ្គីភាពនៃព្រឹទ្ធសភា នាព្រឹកថ្ងៃទី១១ ខែកញ្ញា ឆ្នាំ២០២៦។
បាត់ដំបង៖ប្រជាពលរដ្ឋមានជីវភាពខ្វះខាត និងរងគ្រោះដោយជំនន់ទឹកភ្លៀងចំនួន១ ៣៩៨គ្រួសារបន្ថែមទៀតនៅក្នុងស្រុកចំនួន៤រួមមាន៖ស្រុកមោងឫស្សី ថ្មគោល ឯកភ្នំ និងសង្កែទទួលបានអំណោយជាគ្រឿងឧបភោគបរិភោគជាបន្តបន្ទាប់ពីរដ្ឋបាលខេត្តបាត់ដំបង។
បាត់ដំបង៖ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា បានបង្ហាញមោទកភាពចំពោះយុវជនត្រឹមជាសិស្សរៀនថ្នាក់ទី១០ ប៉ុន្តែមានសមត្ថភាពជជែកដេញដោល និងនិយាយជាសាធារណៈបានយ៉ាងល្អប្រសើរពិតជាទំពាំងស្នងឫស្សី និងជាធនធានមនុស្សដ៏មានសក្ដានុពលរបស់ប្រទេសជាតិសម្រាប់ថ្ងៃអនាគត។
បាត់ដំបង: ប្រជាពលរដ្ឋក្រីក្ររងការប៉ះពាល់ដោយជំនន់ទឹកភ្លៀងចំនួន១០១គ្រួសារ រស់នៅភូមិដាក់សសរ សង្កាត់អូរម៉ាល់ ក្រុងបាត់ដំបង ទទួលបានអំណោយមនុស្សធម៌ពីក្រុមការងារចុះជួយភូមិដាក់សសរ ដោយប្រព្រឹត្តទៅនារសៀលថ្ងៃទី៣ ខែតុលា ឆ្នាំ២០២៦ នៅបរិវេណសាលាបឋមសិក្សាដាក់សសរ ដោយមានការចូលរួមពី លោកស្រី ឡាច សុគន្ធាវី អនុក្រុមការងារចុះជួយភូមិដាក់សសរ តំណាងលោក សុវណ្ណ វិទិត្យា ប្រធានក្រុមការងារចុះជួយភូមិដាក់សសរ និងភូមិបឹងរាំង និងសហការី ព្រមទាំងអាជ្ញាធររដ្ឋបាលសង្កាត់ជាច្រើនរូបទៀត។
ខេត្តបាត់ដំបង៖ ព្រឹកថ្ងៃសៅរ៍ ទី៣ ខែតុលា ឆ្នាំ២០២៦ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញអមដំណើរ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងថ្នាក់ដឹកនាំ ព្រមទាំងមន្ត្រីបច្ចេកទេស ចុះពិនិត្យ វឌ្ឍនភាពស្ថានភាព និងការដាក់ឱ្យដំណើរការបម្រើសេវាសុខាភិបាលឡើងវិញ នៅមណ្ឌលសុខភាពព្រែកហ្លួង ខេត្តបាត់ដំបង បន្ទាប់ពីរងផលប៉ះពាល់ ដោយសារទឹកជំនន់។
