កសិដ្ឋានអានហ្កូសថ៍ ផាសថូរៀល ​ឯ.ក ​នៅស្រុកអង្គរធំ ​ខេត្តសៀមរាប ​ចិញ្ចឹមគោជាង ​២០០ក្បាល​ ​និងកំពុងពង្រីកការបង្កាត់ពូជបន្ថែម ដើម្បីត្រៀមផ្គត់ផ្គង់ទៅកាន់ទីផ្សារ

ខ្លោងទ្វារទន្លេអុំ គឺជាច្រកទ្វារបុរាណដ៏ល្បីល្បាញ និងមានភាពរស់រវើកបំផុត ស្ថិតនៅទិសខាងត្បូងនៃកំពែងក្រុងអង្គរធំ ក្នុងខេត្តសៀមរាប។ វាជាច្រកចូលចម្បងដែលភ្ញៀវទេសចរភាគច្រើនត្រូវឆ្លងកាត់ នៅពេលធ្វើដំណើរចេញពីប្រាសាទអង្គរវត្តសំដៅទៅកាន់ប្រាសាទបាយ័ន។

បងប្អូនប្រជាពលរដ្ឋរស់នៅសង្កាត់ក្របីរៀល ក្រុងសៀមរាប នៅតែបន្តថែរក្សាវប្បធម៌កែច្នៃផលិតផលធ្វើដោយដៃយ៉ាងស្ទាត់ជំនាញ ដូចជា កន្ត្រក ស្មុក និងឧបករណ៍ប្រើប្រាស់ផ្សេងៗ ដោយប្រើប្រាស់វត្ថុធាតុដើមក្នុងស្រុកមានដូចជា ដើមផ្អាវ ដើមល្ពាក់ ដើមផ្ដៅ ស្លឹករំចេក និងស្លឹកត្នោតជាដើម។ ការផលិតនេះធ្វើឡើងទៅតាមតម្រូវការទីផ្សារ ដោយផ្ដោតលើចលនា «ភូមិមួយ ផលិតផលមួយ» ដើម្បីលើកស្ទួយជីវភាពគ្រួសារ និងសហគមន៍។ រូបភាព៖ លោកឡៃ បញ្ញា

ខ្លោងទ្វារខ្មោច គឺជាខ្លោងទ្វារខាងកើតរបស់អង្គរធំ ស្ថិតនៅចំផ្លូវខាងមុខប្រាសាទបាយ័ន សម្រាប់ដង្ហែរសាកសពរបស់អ្នកដែលរស់នៅខាងក្នុងបរិវេណអង្គរធំ ដើម្បីយកទៅបូជា ឬចោលទៅក្នុងទឹកស្ទឹងនៅបរិវេណផ្នែកខាងក្រៅនៃទីក្រុង។

ក្នុងចំណោមប្រាសាទបុរាណដែលស្ថិតក្នុងតំបន់អង្គរ ប្រាសាទមេបុណ្យខាងកើត ក៏ជាបុរាណស្ថានមួយដែលផ្ដល់ភាពទាក់ទាញដល់ទេសចរមិនតិចដែរ។ ស្ថិតនៅក្នុងវង់ទស្សនានៃក្រុមប្រាសាទវង់ធំ និងជាសំណង់ដែលសង់លើផ្ទៃដីប្រមាណមួយហិកតាបួនជ្រុង មេបុណ្យខាងកើត ជាអតីតអារាមហិណ្ឌូសាសនា ដែលព្រះរាជាខ្មែរព្រះនាមរាជេន្ទ្រវម្ម៌ទេវ-ទី២ (រាជេន្ទ្រវរ្ម័ន-ទី២) បានកសាងដើម្បីឧទ្ទិសថ្វាយដល់អទិទេពក្នុងព្រហ្មញ្ញសាសនាសម្រាប់ជាបុណ្យកុសលដល់បុព្វការីជនរបស់ព្រះអង្គ នាគ្រិស្តសករាជ ៩៥២។

ដោយទទួលបានការគាំទ្រ និងឧបត្ថម្ភពីយុវជន តាំង គឹមឡេង ព្រមទាំងសប្បុរសជននានា តាមរយៈព្រះគ្រូបញ្ញាវរញាណ រ៉ប រ៉ែម ព្រះគ្រូសូត្រស្ដាំវត្តត្បែង បានដឹកនាំពុទ្ធបរិស័ទក្នុងឃុំត្បែង ស្រុកបន្ទាយស្រី ខេត្តសៀមរាប រៀបចំវេចនំអន្សមចំនួន ១,៥០០ ដើម្បីយកទៅប្រគល់ជូនវីរកងទ័ពដែលកំពុងឈរជើងការពារទឹកដីនៅជួរមុខ។ សកម្មភាពនេះបានប្រព្រឹត្តទៅនាព្រឹកថ្ងៃទី២២ ខែសីហា ឆ្នាំ២០២៦ នៅក្នុងបរិវេណវត្តត្បែង។