
កម្មវិធី ព័ត៌មានជាតិ (ថ្ងៃអាទិត្យ ៦កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៦)
កម្មវិធី ព័ត៌មានជាតិ (ថ្ងៃអាទិត្យ ៦កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៦)

កម្មវិធី ព័ត៌មានជាតិ (ថ្ងៃអាទិត្យ ៦កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៦)













បាត់ដំបង៖ លោក នូវ ឫទ្ធី អភិបាលរងស្រុក និងជាតំណាងលោក សើ សាម៉េត អភិបាល នៃគណៈអភិបាលស្រុករតនមណ្ឌល ខេត្តបាត់ដំបង បានអញ្ជើញចូលរួមជាសាក្សីក្នុងពិធីចុះកិច្ចសន្យាជួសជុលបន្ទប់បណ្ដុះបណ្ដាល និងមណ្ឌលប្រឹក្សាអាជីព ដែលទទួលការគាំទ្រពីអង្គការសម្រេចសុបិនកុមារ (Children's Dream Organization) នៅវិទ្យាល័យ ហ៊ុន សែន ត្រែង ស្ថិតក្នុងឃុំត្រែង ស្រុករតនមណ្ឌល។


បាត់ដំបង៖ នៅរសៀលថ្ងៃទី១៤ ខែវិច្ឆិកា ឆ្នាំ២០២៦ លោកជំទាវ ហួត ច័ន្ទង នាយិកានាយកដ្ឋានទំនាក់ទំនង និងក្រុមការងារ រួមដំណើដោយឯកឧត្តម ផេង សិទ្ធី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តបាត់ដំបង ព្រមទាំងនាយកសាខា អនុសាខាកាកបាទក្រហមកម្ពុជាស្រុកថ្មគោល បានអញ្ជើញចូលរួមរំលែកទុក្ខដ៏ក្រៀមក្រំបំផុត និងនាំយកគ្រឿងឧបភោគបរិភោគ ថវិកាមួយចំនួន ព្រមទាំងលិខិតចូលរួមរំលែកទុក្ខ របស់សម្តេចកិត្តិព្រឹទ្ធបណ្ឌិតប្រធាន ជូនក្រុមគ្រួសារ នៃសពព្រឹន្ទបាលឯក ភិន លីណាន់ យុទ្ធជនក្រុម២ វរសេនាតូច ៣៧១ កងពលតូចអន្តរាគមន៍លេខ៧ កងទ័ពជើងគោក ដែលបានពលីជីវិត កាលពីថ្ងៃព្រហស្បតិ៍ ៣កើត ខែកត្តិក ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែវិច្ឆិកា ឆ្នាំ២០២៦ ក្នុងបុព្វហេតុការពារបូរណភាព ទឹកដីតាមបណ្តោយព្រំដែនកម្ពុជា-ថៃ។


បាត់ដំបង ៖ ដើម្បីផ្គត់ផ្គង់ទឹកស្អាតឱ្យបានដល់តំបន់ជនបទ តាមសំណូមពរ និងតម្រូវការប្រើប្រាស់ទឹកជូនប្រជាពលរដ្ឋនោះ រដ្ឋាករទឹកបាត់ដំបង បាននិងកំពុងដំឡើង និងតភ្ជាប់បំពង់មេបញ្ជូនទឹកស្អាតខ្នាត ២២៥ មិល្លីម៉ែត្រ ប្រភេទ HDPE មានប្រវែង ៣,០០០ម៉ែត្រ នៅតាមបណ្តោយផ្លូវជាតិលេខ៥៧ ឆ្ពោះទៅកាន់តំបន់ទីប្រជុំជនភ្នំសំពៅ ស្ថិតក្នុងឃុំភ្នំសំពៅ ស្រុកបាណន់ ខេត្តបាត់ដំបង ។


បាត់ដំបង៖ នាព្រឹកថ្ងៃទី១៤ ខែវិច្ឆិកា ឆ្នាំ២០២៦ នេះ មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំពិធីអបអរសាទរ «ទិវាទឹកនោមផ្អែមពិភពលោក ១៤ វិច្ឆិកា ឆ្នាំ២០២៦» ក្រោមប្រធានបទផ្លូវការ «អន្តរាគមន៍ឆាប់រហ័សក្នុងការបង្ការ និងគ្រប់គ្រងជំងឺទឹកនោមផ្អែម» ក្នុងគោលបំណងជំរុញសកម្មភាពអន្តរាគមន៍ឱ្យបានទាន់ពេលវេលា ការពារ និងកាត់បន្ថយអត្រាឈឺ និងស្លាប់បណ្តាលមកពីជំងឺទឹកនោមផ្អែមនៅក្នុងសហគមន៍ ។
