ព័ត៌មានតាមបណ្តារខេត្ត

កំពង់ចាម៖ ផ្លូវបំបែកត្រើង ស្ថិតក្នុងស្រុកកំពង់សៀម ខេត្តកំពង់ចាម ដែលជាចំណុចប្រសព្វដ៏សំខាន់មួយនៃកំណាត់ផ្លូវជាតិលេខ៧ ពេលនេះបានប្រែមុខមាត់ថ្មីយ៉ាងស្រស់ស្អាត និងមានរបៀបរៀបរយ បន្ទាប់ពីដំណើរការស្ថាបនាត្រូវបានបញ្ចប់ជាស្ថាពរ។

ឯកឧត្តម អ៊ុន ចាន់ដា អភិបាលនៃគណៈភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត នៅថ្ងៃទី១ ខែសីហា ឆ្នាំ ២០២៦ បានដឹកនាំមន្ទីរ/អង្គភាពជំនាញ អាជ្ញាធរមូលដ្ឋាន និងអ្នកពាក់ព័ន្ធ អញ្ជើញចុះពិនិត្យស្ថានភាពទំនប់ទឹក ស្រោចស្រប ពោធិតាត្រេស ស្ថិតក្នុងឃុំតាំងក្រសាំង ស្រុកបាធាយ ដើម្បីត្រៀមឆ្លើយតបក្នុងស្រោចស្របដំណាំស្រូវទៅតាមតម្រូវការរបស់ប្រជាកសិករនៅតំបន់នោះ សំដៅធ្វើយ៉ាងណាឱ្យដំណាំស្រូវទទួលបានទិន្នផលខ្ពស់។

កំពង់ចាម៖ ដោយទទួលបានការអនុញ្ញាតពីប្រធានលេខាធិការដ្ឋាន សមាគមអតីតយុទ្ធជន និងនិវត្តជនកម្ពុជា (អ.ន.ក) ខេត្តកំពង់ចាម កាលពីថ្ងៃទី២៨-២៩ ខែកក្កដា ឆ្នាំ២០២៦ កន្លងទៅ ក្រុមការងារលេខាធិការដ្ឋាន អ.ន.ក ខេត្ត បានចុះរៀបចំកិច្ចប្រជុំណែនាំស្ដីពីការធ្វើបច្ចុប្បន្នភាពទិន្នន័យសមាជិកនៅតាមមូលដ្ឋានភូមិ ឃុំ-សង្កាត់ និងក្រុង-ស្រុក ឡើងវិញ នៅទូទាំងខេត្តកំពង់ចាម។

ភ្នំពេញ៖ ក្រសួងធនធានទឹក និងឧតុនិយម បានប្រកាសពីបច្ចុប្បន្នភាពស្ថានភាពធាតុអាកាសនៅព្រះរាជាណាចក្រកម្ពុជា ចាប់ពីថ្ងៃទី៣ ដល់ថ្ងៃទី៥ ខែសីហា ឆ្នាំ២០២៦ ដោយបញ្ជាក់ថា ព្យុះសង្ឃរាទី១៣ ឈ្មោះ ដូលហ្វីន (Dolphin) T2613 នៅតែបន្តមានឥទ្ធិពលយ៉ាងខ្លាំងលើរបបខ្យល់មូសុងនិរតី ដែលកំពុងបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ និងលើដែនសមុទ្រកម្ពុជា។

(កំពង់ចាម)៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម រួមជាមួយ ឯកឧត្តម ខ្លូត ផន ប្រធានក្រុមប្រឹក្សាខេត្ត និងមន្ត្រីជំនាញពាក់ព័ន្ធ នៅថ្ងៃទី០២ ខែសីហា ឆ្នាំ២០២៦ នេះ បានអញ្ជើញចុះពិនិត្យស្ថានភាពជាក់ស្តែងនៃសំណង់ទ្វារទឹក «ទំនប់កែប្រែ» ស្ថិតក្នុងឃុំស្រក ស្រុកកំពង់សៀម ដែលបានរងការបាក់ស្រុតមុខឈ្នាងទ្វារទឹកម្ខាងដោយសារគ្រោះធម្មជាតិ កាលពីយប់ថ្ងៃទី៣០ ខែកក្កដា ឆ្នាំ២០២៦ កន្លងទៅ។

(កំពង់ចាម) ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន ព្រមទាំងឯកឧត្តម លោកជំទាវតំណាងព្រឹទ្ធសភា បានអញ្ជើញនាំយកទៀនចំណាំព្រះវស្សា ប្រគេនដល់ព្រះសង្ឃដែលគង់រង់ចាំព្រះវស្សា ចំនួន ៥២វត្ត ក្នុងស្រុកស្ទឹងត្រង់ ខេត្តកំពង់ចាម ។

(កំពង់ចាម) លោក ពូន រុន ប្រធានក្រុមការងារចុះជួយមូលដ្ឋានឃុំដងក្ដារ ស្រុកស្ទឹងត្រង់ នៅថ្ងៃទី០២ ខែសីហា ឆ្នាំ២០២៦ បានដឹកនាំក្រុមការងារនាំយកគ្រឿងឧបភោគ បរិភោគ សម្ភារប្រើប្រាស់ និងថវិកា ទៅចែកជូនដល់ប្រជាពលរដ្ឋដែលមានជីវភាពខ្វះខាតចំនួន ១០គ្រួសារ ស្ថិតនៅក្នុងភូមិថ្មី ឃុំដងក្ដារ ស្រុកស្ទឹងត្រង់ ខេត្តកំពង់ចាម ដើម្បីជួយសម្រាលទុក្ខលំបាក និងជីវភាពរស់នៅប្រចាំថ្ងៃរបស់ពួកគាត់។

កំពង់ចាម៖ នាព្រឹកថ្ងៃទី១ ខែសីហា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំប្រតិភូចុះទស្សនកិច្ចសិក្សាស្តីពី «ការអនុវត្តកញ្ចប់សម្ភារអំណាន និងគណិតវិទ្យាថ្នាក់ដំបូង» នៅសាលាបឋមសិក្សាថ្លុកជ្រៅ ស្រុកកងមាស ដោយមានការចូលរួមពី លោក Flavio Bonetti តំណាងអង្គការ UNESCO ប្រចាំកម្ពុជា ថ្នាក់ដឹកនាំក្រសួង អាជ្ញាធរដែនដី និងដៃគូអភិវឌ្ឍន៍ជាច្រើនរូប។

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានរម្លឹក និងណែនាំដល់អ្នកសារព័ត៌មាន មិនគួរភ័យខ្លាច ការរីកចម្រើននៃបញ្ញាសិប្បនិម្មិត (AI) នោះទេ ប៉ុន្តែ ត្រូវចេះប្រើប្រាស់ AI ប្រកបដោយការទទួលខុសត្រូវ។ ទំនួលខុសត្រូវចុងក្រោយបំផុតចំពោះភាពត្រឹមត្រូវ និងសុក្រឹត្យភាពនៃព័ត៌មានដែលបានផ្សព្វផ្សាយ នៅតែជាបន្ទុករបស់អ្នកសារព័ត៌មានជានិច្ច។ ដូច្នេះ អ្នកសារព័ត៌មានត្រូវតែចោទជាសំណួរជានិច្ចអំពីភាពត្រឹមត្រូវនៃអត្ថបទព័ត៌មានដែលបានសរសេរដោយ AI ពីព្រោះ AI មិនមែនជាអ្នកទទួលខុសត្រូវនោះទេ តែអ្នកសារព័ត៌មានខ្លួនឯង ជាអ្នកទទួលខុសត្រូវ។

កំពង់ចាម៖ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាម នៅព្រឹកថ្ងៃទី១ ខែសីហា ២០២៦បានអញ្ជើញជាអធិបតីក្នុងពិធីសម្ពោធដាក់អោយ​ប្រើប្រាស់ជាផ្លូវការអគារទីស្នាក់ការគណបក្សប្រជាជនកម្ពុជា​ឃុំសណ្តែក​ និងពិធីប្រកាសញ្ជូលសមាជិកបក្សចំនួន​ ៦៤៨នាក់​ ស្ថិតក្នុងឃុំសណ្តែក​ ស្រុកបាធាយ។

ខេត្តកំពង់ចាម៖ ក្នុងឱកាសនៃពិធីខួបចម្រើនជន្មាយុគម្រប់ ៧៤ឆ្នាំ ឈានចូល ៧៥ឆ្នាំ របស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដែលនឹងប្រព្រឹត្តទៅនាថ្ងៃទី៥ ខែសីហា ឆ្នាំ២០២៦ ខាងមុខនេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋទូទាំងខេត្តកំពង់ចាម ព្រមទាំងក្នុងនាមខ្លួនឯងផ្ទាល់ បានផ្ញើសារលិខិតគោរពជូនពរយ៉ាងជ្រាលជ្រៅ និងស្មោះស្ម័គ្របំផុត ចំពោះសម្តេចតេជោ។

ព្យុះសង្ឃរាទី១៣ ឈ្មោះ ដូលហ្វីន (Dolphin) T2613 នៅតែមានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះ ដូលហ្វីន នេះទេ ។