ព័ត៌មានតាមបណ្តារខេត្ត
ទាំងអស់មន្ទីរព័ត៌មានខេត្តកណ្តាលមន្ទីរព័ត៌មានខេត្តកំពង់ចាមមន្ទីរព័ត៌មានខេត្តកំពង់ឆ្នាំងមន្ទីរព័ត៌មានខេត្តកំពង់ធំមន្ទីរព័ត៌មានខេត្តកំពង់ស្ពឺមន្ទីរព័ត៌មានខេត្តកំពតមន្ទីរព័ត៌មានខេត្តកោះកុងមន្ទីរព័ត៌មានខេត្តបន្ទាយមានជ័យមន្ទីរព័ត៌មានខេត្តប៉ៃលិនមន្ទីរព័ត៌មានខេត្តពោធិ៍សាត់មន្ទីរព័ត៌មានខេត្តព្រៃវែងមន្ទីរព័ត៌មានខេត្តព្រះវិហារមន្ទីរព័ត៌មានខេត្តព្រះសីហនុមន្ទីរព័ត៌មានខេត្តមណ្ឌលគិរីមន្ទីរព័ត៌មានខេត្តរតនគិរីមន្ទីរព័ត៌មានខេត្តសៀមរាបមន្ទីរព័ត៌មានខេត្តស្ទឹងត្រែងមន្ទីរព័ត៌មានខេត្តឧត្តរមានជ័យមន្ទីរព័ត៌មានរាជធានីភ្នំពេញ
សិល្បៈនិងវប្បធម៌
ឯកឧត្តម សៅ សារ៉ាត់ និងលោកជំទាវ ស្វាយ ដួងកែវ អញ្ជើញនាំយកទេយ្យទាន និងបច្ច័យ វេរប្រគេនព្រះសង្ឃក្នុងពិធីបុណ្យកាន់បិណ្ឌវេនទី១៤ នៅវត្តស្រង់មានជ័យ
ខេត្តប៉ៃលិន៖ នាព្រឹកថ្ងៃទី១០ ខែតុលា ឆ្នាំ២០២៦ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន និងលោកជំទាវ ស្វាយ ដួងកែវ បានអញ្ជើញនាំយកចង្ហាន់ ទេយ្យទាន និងបច្ច័យ ទៅវេរប្រគេនព្រះសង្ឃ ក្នុងវត្តស្រង់មានជ័យ ស្ថិតក្នុងភូមិភ្នំស្រង់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ក្នុងឱកាសនៃពិធីបុណ្យកាន់បិណ្ឌ វេនទី១៤។
សន្តិសុខសង្គម
អង្គភាពច្រកចេញចូលតែមួយខេត្តប៉ៃលិន ផ្តល់សេវាសាធារណៈបានជិត ១៥,០០០ សេវា ក្នុងឆមាសទី១ ឆ្នាំ២០២៦
(ប៉ៃលិន)៖ បើយោងតាមរបាយការណ៍របស់លោក គោស៊ុំ ប៊ុនសឿត អភិបាលរងនៃគណៈអភិបាលខេត្តប៉ៃលិន បានឱ្យដឹងនាពេលថ្មីៗនេះថា៖ អង្គភាពច្រកចេញចូលតែមួយ របស់រដ្ឋបាលខេត្តប៉ៃលិន នៅក្នុងឆមាសទី១ ឆ្នាំ២០២៦ បានផ្តល់សេវាសាធារណៈ ជូនប្រជាពលរដ្ឋ បានសរុបចំនួន ១៤,៥៨៥ សេវា។
លោក គោស៊ុំ ប៊ុនសឿត អភិបាលរងនៃគណៈអភិបាលខេត្តប៉ៃលិន បានប្រសាសន៍ថា ការកើនឡើង និងដំណើរការទៅមុខដោយរលូននេះ គឺដោយសារការ ប្រមូលផ្តុំសេវារដ្ឋបាលសំខាន់ៗ មកទីតាំងតែមួយ ដែលក្នុងនោះមាន ១២ សេវាពីបណ្តាមន្ទីរ-ស្ថាប័នពាក់ព័ន្ធ (តាមរយៈប្រតិភូកម្ម)និង២ សេវារបស់រដ្ឋបាល ខេត្តផ្ទាល់។
សកម្មភាពថ្នាក់ដឹកនាំ
ឯកឧត្តម ទេសរដ្ឋមន្ត្រី អ៊ី ឈាន និងថ្នាក់ដឹកនាំខេត្តប៉ៃលិន អញ្ជើញនាំយកទេយ្យទាន និងបច្ច័យប្រគេនព្រះសង្ឃក្នុងពិធីបុណ្យភ្ជំបិណ្ឌ
ខេត្តប៉ៃលិន៖ ក្នុងឱកាស នៃពិធីបុណ្យភ្ជំបិណ្ឌប្រពៃណីជាតិខ្មែរ កាលពីថ្ងៃទី១១ ខែតុលា ឆ្នាំ២០២៦ កន្លងទៅនេះ ឯកឧត្តម ទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន បានអញ្ជើញដឹកនាំគណៈប្រតិភូថ្នាក់ដឹកនាំ រួមមាន ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន និងឯកឧត្តម ជា ចាន់ឌិន ប្រធានក្រុមប្រឹក្សាខេត្តប៉ៃលិន នាំយកទេយ្យទាន និងបច្ច័យ ទៅប្រគេនដល់ព្រះសង្ឃ ក្នុងទីអារាមចំនួនបី គឺវត្តពោធិមារាម ហៅវត្តប៉ាហ៊ី, វត្តរតនសោភ័ណ ហៅវត្តកោងកាង និងវត្តគិរីរតនារាម ភ្នំយ៉ាត។
សិល្បៈនិងវប្បធម៌
ឯកឧត្តម សោ សុវណ្ណ និងក្រុមគ្រួសារ រួមជាមួយលោកគ្រូឧទ្ទេសាចារ្យ ប៉ូ ពិសិទ្ធ អញ្ជើញចូលរួមពិធីបុណ្យភ្ជំបិណ្ឌ នៅវត្តពោធិមារាម (វត្តប៉ាហ៊ី)
ខេត្តប៉ៃលិន៖ នាព្រឹកថ្ងៃទី១១ ខែតុលា ឆ្នាំ២០២៦ ឯកឧត្តម សោ សុវណ្ណ អភិបាលរងខេត្តប៉ៃលិន ព្រមទាំងក្រុមគ្រួសារត្រកូល «សោ» ទាំងអស់ និងលោកគ្រូឧទ្ទេសាចារ្យ ប៉ូ ពិសិទ្ធ ដែលរស់នៅសហរដ្ឋអាមេរិក បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបុណ្យភ្ជំបិណ្ឌ ប្រពៃណីជាតិខ្មែរ នៅវត្តពោធិមារាម ហៅវត្តប៉ាហ៊ី ស្ថិតក្នុងភូមិប៉ាហ៊ី សង្កាត់ប៉ៃលិន ក្រុងប៉ៃលិន ខេត្តប៉ៃលិន។
សកម្មភាពថ្នាក់ដឹកនាំ
អភិបាលខេត្តប៉ៃលិន ជូនដំណើរបងប្អូនប្រជាពលរដ្ឋ ត្រឡប់ទៅធ្វើការវិញ បន្ទាប់ពីបានមកលេងស្រុកកំណើត ក្នុងឱកាសពិធីបុណ្យភ្ជុំបិណ្ឌ តាមរយៈការជិះរថយន្តក្រុងដោយមិនបង់ប្រាក់
ប៉ៃលិន៖ នៅព្រឹកថ្ងៃទី១៣ ខែតុលា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញសំណេះសំណាល និងជូនដំណើរបងប្អូនប្រជាពលរដ្ឋ ត្រឡប់ទៅធ្វើការវិញ បន្ទាប់ពីបានមកលេងស្រុកកំណើត ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ និងថ្លែងអំណរគុណដល់រាជរដ្ឋាភិបាល ចំពោះកម្មវិធីជិះរថយន្តក្រុងដោយមិនបង់ប្រាក់ របស់រដ្ឋាករស្វយ័តដឹកជញ្ជូនសាធារណៈរថយន្តក្រុង City Bus រាជធានីភ្នំពេញ។
សន្តិសុខសង្គម
ក្រុមការងារកងរាជអាវុធហត្ថលើផ្ទៃប្រទេស ចុះត្រួតពិនិត្យការត្រៀមលក្ខណៈអនុវត្តច្បាប់កាតព្វកិច្ចយោធា នៅខេត្តប៉ៃលិន
(ប៉ៃលិន)៖ លោកឧត្តមសេនីយ៍ត្រី ជូ សារុន នាយសេនាធិការរង និងជាប្រធានក្រុមការងារទី២ កងរាជអាវុធហត្ថលើផ្ទៃប្រទេស បានដឹកនាំប្រតិភូចុះត្រួតពិនិត្យស្ថានភាពជាក់ស្ដែងលើកម្លាំងយោធិន ទីតាំង និងសម្ភារៈប្រើប្រាស់នានា នៅតាមមូលដ្ឋានកងរាជអាវុធហត្ថក្រុង-ស្រុកទាំងពីរ ក្នុងខេត្តប៉ៃលិន ដើម្បីត្រៀមលក្ខណៈអនុវត្តច្បាប់កាតព្វកិច្ចយោធារបស់រាជរដ្ឋាភិបាល នាព្រឹកថ្ងៃទី១១ ខែតុលា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តប៉ៃលិន។
បរិស្ថាន
រដ្ឋបាលសង្កាត់ទួលល្វា ចុះបាញ់ទឹកសម្អាតបរិវេណរង្វង់មូលព្រះវិស្ណុដៃប្រាំបី ដើម្បីលើកកម្ពស់សោភណភាពក្រុងប៉ៃលិន
(ប៉ៃលិន)៖ រដ្ឋបាលសង្កាត់ទួលល្វា ដឹកនាំដោយលោកស្រី ទន់ ស៊ីម៉េន ចៅសង្កាត់ទួលល្វា បានដឹកនាំមន្ត្រីក្រោមឱវាទ ព្រមទាំងកម្លាំងប្រជាពលរដ្ឋក្នុងមូលដ្ឋាន ចុះធ្វើសកម្មភាពបាញ់ទឹកលាងសម្អាត និងរៀបចំអនាម័យបរិស្ថាននៅជុំវិញតំបន់រង្វង់មូលព្រះវិស្ណុដៃប្រាំបី ស្ថិតក្នុងភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន កាលពីថ្ងៃទី១០ ខែតុលា ឆ្នាំ២០២៦។
សិល្បៈនិងវប្បធម៌
លោកឧត្តមសេនីយ៍ទោ សេង សុគន្ធ នាំយកចង្ហាន់ និងទេយ្យទានប្រគេនព្រះសង្ឃចំនួន ៧វត្ត ក្នុងឱកាសកាន់បិណ្ឌទី១៤
(ប៉ៃលិន)៖ លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិន អមដំណើរដោយលោក-លោកស្រីស្នងការរង និងមន្ត្រីក្រោមឱវាទ បានអញ្ជើញនាំយកចង្ហាន់ ទេយ្យទាន និងបច្ច័យ ទៅវេរប្រគេនដល់ព្រះសង្ឃដែលគង់ចាំព្រះវស្សានៅតាមវត្តអារាមចំនួន ៧វត្ត ក្នុងខេត្តប៉ៃលិន នាព្រឹកថ្ងៃសៅរ៍ ១៤រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែតុលា ឆ្នាំ២០២៦។
សន្តិសុខសង្គម
កម្លាំងនគរបាលខេត្តប៉ៃលិន បន្តចុះល្បាត និងឈរជើងការពារសន្តិសុខ សណ្តាប់ធ្នាប់ ក្នុងឱកាសពិធីបុណ្យភ្ជុំបិណ្ឌ
(ប៉ៃលិន)៖ កម្លាំងនៃស្នងការដ្ឋាននគរបាលខេត្តប៉ៃលិន បានបន្តចុះល្បាត និងដាក់ពង្រាយកម្លាំងឈរជើងយ៉ាងសកម្ម ដើម្បីការពារសន្តិសុខ សណ្តាប់ធ្នាប់សាធារណៈ និងសម្រួលចរាចរណ៍នៅតាមគោលដៅសំខាន់ៗទូទាំងខេត្ត ក្នុងឱកាសពិធីបុណ្យភ្ជុំបិណ្ឌ នាថ្ងៃសៅរ៍ ១៤រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែតុលា ឆ្នាំ២០២៦។
បរិស្ថាន
អាជ្ញាធរសង្កាត់ទួលល្វា សហការជាមួយក្រុមការងារអនាម័យក្រុង និងយុវជន ស.ស.យ.ក ចុះធ្វើអនាម័យរើសសំរាម នៅតាមបណ្តោយមាត់ស្ទឹងប៉ៃលិន
(ប៉ៃលិន)៖ ដើម្បីលើកកម្ពស់អនាម័យ បរិស្ថាន និងកែលម្អសោភ័ណភាពក្រុង ឱ្យកាន់តែមានភាពស្រស់ស្អាត រដ្ឋបាលសង្កាត់ទួលល្វា បានសហការយ៉ាងជិតស្និទ្ធ ជាមួយបុគ្គលិកអនាម័យក្រុងប៉ៃលិន ដឹកនាំដោយលោក លឹម វណ្ណា អភិបាលរងក្រុងប៉ៃលិន និងជាអនុប្រធានសហភាពសហព័ន្ធយុវជនកម្ពុជា (ស.ស.យ.ក) ក្រុង ព្រមទាំងមានការចូលរួមពីសំណាក់យុវជន ស.ស.យ.ក មូលដ្ឋានសង្កាត់ប៉ៃលិន និងសង្កាត់ទួលល្វា មេភូមិ និងកម្លាំងប្រជាការពារភូមិ បានចុះយុទ្ធនាការរួមគ្នាធ្វើអនាម័យ និងប្រមូលរើសសំរាម នៅតាមបណ្តោយមាត់ស្ទឹងប៉ៃលិន។
សកម្មភាពថ្នាក់ដឹកនាំ
តំណាងស្នងការដ្ឋាននគរបាលខេត្តប៉ៃលិន អញ្ជើញនាំយកថវិកាបេឡាមរណៈសង្រ្គោះ ប្រគល់ជូនគ្រួសារសពសមាជិកអតីតយុទ្ធជនចំនួន៣គ្រួសារ
(ប៉ៃលិន)៖នៅថ្ងៃសុក្រ ១២រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៩ ខែតុលា ឆ្នាំ២០២៦ វេលាម៉ោង១៥:០០នាទី ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន ជាអនុប្រធានប្រចាំការ និងជាប្រធានលេខាធិការដ្ឋាន បានចាត់ឲ្យ លោកឧត្តមសេនីយ៍ត្រី អ៊ុក ម៉ាប់ ស្នងការរងទទួលផែនការងារធនធានមនុស្ស នាំយកថវិកាបេឡាមរណៈសង្រ្គោះចំនួន ១២,០០០,០០០៛ (ដប់ពីលានរៀលគត់) ទៅប្រគល់ជូនគ្រួសារសពសមាជិកអតីតយុទ្ធជនចំនួន៣គ្រួសារ ដឹកនាំដោយ លោក រស់ នឿន និងលោកស្រី ជា ដាណែត អភិបាលរងខេត្ត តំណាងដ៏ខ្ពង់ខ្ពស់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានសមាគមអតីតយុទ្ធជន និងនិវត្តជនកម្ពុជាខេត្ត។
សន្តិសុខសង្គម
អាវុធហត្ថខេត្តប៉ៃលិន ចូលរួមកិច្ចប្រជុំផ្សព្វផ្សាយរបាយការណ៍បូកសរុបលទ្ធផលការងារ ៩ខែ និងទិសដៅត្រីមាសទី៤ ឆ្នាំ២០២៦ តាមប្រព័ន្ធ Video Conference
(ប៉ៃលិន) ៖ នៅព្រឹកថ្ងៃទី៩ ខែតុលា ឆ្នាំ២០២៦ លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានដឹកនាំលោកមេបញ្ជាការរង ទទួលជំនាញ នាយសេនាធិការរង ប្រធានមន្ទីរទាំង៧ នាយលេខាធិការដ្ឋាន នាយការិយាល័យហិរញ្ញវត្ថុ និងនាយការិយាល័យអធិការកិច្ច ចូលរួមកិច្ចប្រជុំផ្សព្វផ្សាយរបាយការណ៍បូកសរុបលទ្ធផលការងារ ៩ខែ និងលើកទិសដៅការងារ ត្រីមាសទី៤ ឆ្នាំ២០២៦ តាមរយៈប្រព័ន្ធ video conferene ក្រោមអធិបតីភាពលោកឧត្ដមសេនីយ៍ទោ ស សំបូរធន មេបញ្ជាការរង និងជានាយសេនាធិការកងរាជអាវុធហត្ថលើផ្ទៃប្រទេស ។
សន្តិសុខសង្គម
ថ្នាក់ដឹកនាំ និងពុទ្ធបរិស័ទជិតឆ្ងាយ ចូលរួមកាន់បិណ្ឌវេនទី១២ រាប់បាត្រព្រះសង្ឃ ៥០អង្គ និងបុណ្យដាក់ព្រះនេត្រព្រះ នៅវត្តប៉ៃលិនធម្មាអភិវឌ្ឍន៍
ឯកឧត្តម អៀង វុធ និង មន្ត្រីរាជការ ព្រមទាំងពុទ្ធបរិស័ទជិតឆ្ងាយយ៉ាងច្រើនកុះករ បានអញ្ជើញចូលរួមក្នុងពិធីបុណ្យកាន់បិណ្ឌវេនទី១២ ពិធីរាប់បាត្រព្រះសង្ឃចំនួន ៥០អង្គ និងបុណ្យឆ្លងដាក់ព្រះនេត្រព្រះពុទ្ធបដិមា ព្រះអង្គធំ នៅវត្តប៉ៃលិនធម្មាអភិវឌ្ឍន៍ (ហៅវត្តអូររអិល) ស្ថិតក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដើម្បីឧទ្ទិសកុសលជូនបុព្វការីជន វីរកងទ័ព និងជាការចូលរួមទ្រទ្រង់ព្រះពុទ្ធសាសនា ដែលជាសាសនារបស់រដ្ឋ។