បាត់ដំបង ៖ ដើម្បីផ្គត់ផ្គង់ទឹកស្អាតឱ្យបានដល់តំបន់ជនបទ តាមសំណូមពរ និងតម្រូវការប្រើប្រាស់ទឹកជូនប្រជាពលរដ្ឋនោះ រដ្ឋាករទឹកបាត់ដំបង បាននិងកំពុងដំឡើង និងតភ្ជាប់បំពង់មេបញ្ជូនទឹកស្អាតខ្នាត ២២៥ មិល្លីម៉ែត្រ ប្រភេទ HDPE មានប្រវែង ៣,០០០ម៉ែត្រ នៅតាមបណ្តោយផ្លូវជាតិលេខ៥៧ ឆ្ពោះទៅកាន់តំបន់ទីប្រជុំជនភ្នំសំពៅ ស្ថិតក្នុងឃុំភ្នំសំពៅ ស្រុកបាណន់ ខេត្តបាត់ដំបង ។

បាត់ដំបង៖ លោក ធូ ភា អភិបាលរងខេត្តបាត់ដំបង បានដឹកនាំកិច្ចប្រជុំចម្រុះលើកទី៣ ស្តីពីកិច្ចសហការ និងវិធានការការពារសន្តិសុខ សុវត្ថិភាព និងសណ្តាប់ធ្នាប់ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ប្រព្រឹត្តទៅនាព្រឹកថ្ងៃទី១៣ ខែវិច្ឆិកា ឆ្នាំ២០២៦ នៅសាលប្រជុំលេខាការដ្ឋានរៀបចំការបោះឆ្នោតខេត្តបាត់ដំបង មានការអញ្ជើញចូលរួមពីលោក សុខ ហ៊ីង ប្រធានលេខាធិការដ្ឋានរៀបចំការបោះឆ្នោត ខេត្តបាត់ដំបង លោក លោកស្រី អភិបាលរងក្រុងស្រុក កងកម្លាំងទាំងបីប្រភេទ តំណាងគណបក្សនយោបាយ និងតំណាងអង្គការសង្គមស៊ីវិល ព្រមទាំងមន្រ្តីរៀបចំការបោះឆ្នោតជាច្រើនរូបទៀត។

បាត់ដំបង៖ ក្នុងគោលបំណងពង្រឹងសមត្ថភាព និងលើកកម្ពស់ប្រសិទ្ធភាពនៃការផ្តល់សេវាថែទាំសង្គមជូនដល់ប្រជាពលរដ្ឋខ្សត់ខ្សោយ វគ្គបណ្ដុះបណ្ដាលរំលឹកស្ដីពី «ការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ» ត្រូវបានរៀបចំឡើងនៅព្រឹកថ្ងៃទី ១២ ខែវិច្ឆិកា ឆ្នាំ២០២៦ សាលប្រជុំអគារ E សាលាខេត្តបាត់ដំបង ក្រោមអធិបតីភាព លោក ទីន សារ៉ាវុធ អភិបាលរងនៃគណៈអភិបាលខេត្តបាត់ដំបង និង លោក ជួរ រនតះ អគ្គនាយករងមូលនិធិជាតិជំនួយសង្គម ដោយមានការចូលរួមពីសាខាមូលនិធិជាតិជំនួយសង្គមខេត្ត មន្ទីរសង្គមកិច្ច អតីតយុទ្ធជន និងយុវនីតិសម្បទា មន្ទីរផែនការ មន្ទីរសុខាភិបាល និងពន្ធនាគារខេត្ត ការិយាល័យសង្គមកិច្ច និងសុខុមាលភាពសង្គមក្រុង/ស្រុក រដ្ឋបាលឃុំ/សង្កាត់ និងមូលដ្ឋានសុខាភិបាលសាធារណៈ សរុបទាំងអស់ប្រមាណ២៣៦នាក់។

បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត នៅថ្ងៃទី១០-១១ ខែវិច្ឆិកា ឆ្នាំ២០២៦ លោក កុសុម សុភីនារ៉ា នាយកសាខាកាកបាទក្រហមកម្ពុជា ខេត្តបាត់ដំបង បានចាត់មន្ត្រីទទួលបន្ទុកការងារវិជ្ជាសង្គ្រោះបឋមនៃសាខា បានបើកវគ្គបណ្ដុះបណ្ដាលវិជ្ជាសង្រ្គោះបឋម (First Aid Training) ជូនដល់មន្រ្ដី និងបុគ្គលិកនៃព្រះវិហារសេចក្ដីមេត្តាករុណានៃព្រះស៊ូគ្រីស្ទ ខេត្តបាត់ដំបង ដោយមានសិក្ខាកាមចូលរួមសរុបចំនួន ៣៤នាក់ (ស្រី ១៨នាក់)។

បាត់ដំបង៖ ក្រុមប្រឹក្សាក្រុងបាត់ដំបង អាណត្តិទី៤ បានបើកកិច្ចប្រជុំសាមញ្ញលើកទី៣០ សម្រាប់ខែវិច្ឆិកា ក្រោមវត្តមាន លោក ធុច រ៉ា ប្រធានក្រុមប្រឹក្សាក្រុង លោក លាង វាសនា អភិបាលក្រុងបាត់ដំបង លោក លោកស្រី សមាជិកក្រុមប្រឹក្សាក្រុង ប្រធាន អនុប្រធានការិយាល័យចំណុះឱ្យរដ្ឋបាលក្រុង កងកម្លាំងប្រដាប់អាវុធទាំងបីប្រភេទ អង្គការដៃគូអភិវឌ្ឍន៍ និងលោក លោកស្រី ចៅសង្កាត់ទាំង១០នៃក្រុងបាត់ដំបង ។

បាត់ដំបង ៖ លោក ប៊ី សុភាព អភិបាលនៃគណៈអភិបាលស្រុកឯកភ្នំ នៅថ្ងៃទី១០ ខែវិច្ឆិកា ឆ្នាំ២០២៦ បានចូលក្នុងពិធីចែកប័ណ្ណសមធម៌ជូនដល់គ្រួសារប្រជាពលរដ្ឋក្រីក្រ និងងាយរងគ្រោះក្នុងឃុំកោះជីវាំង បានរៀបចំឡើងនៅបរិវេណវត្តអន្លង់តាអ៊ួរ ស្ថិតក្នុងភូមិអន្លង់តាអ៊ួរ ឃុំកោះជីវាំង ស្រុកឯកភ្នំ ខេត្តបាត់ដំបង ។