កិច្ចប្រជុំបូកសរុបលទ្ធផលការងារសម្របសម្រួលកិច្ចការព័ត៌មាន និងសាធារណមតិ និងអ្នកនាំពាក្យ ប្រចាំឆមាសទី១ និងលើកទិសដៅអនុវត្តបន្ត ប្រចាំឆមាសទី២
បាត់ដំបង ៖ នៅក្នុងខណៈពេល ដែលជំងឺគ្រុនឈាមកំពុងតែមានការផ្ទុះឡើងខ្លាំងនារដូវវស្សានេះ មន្ទីរសុខាភិបាលនៃរដ្ឋបាលខេត្តបាត់ដំបង បាននិងកំពុងតែបន្តធ្វើយុទ្ធនាការចុះបាញ់ថ្នាំមូស និងដាក់អាបេត ដើម្បីទប់ស្កាត់ការឆ្លងជំងឺគ្រុនឈាម នៅតាមស្រុកគោលដៅក្នុងខេត្តបាត់ដំបង ។
បាត់ដំបង ៖ ប្រធានមន្ទីរសុខាភិបាលខេត្តបាត់ដំបង លោក ឱសថបណ្ឌិត វឿង ប៊ុនរ៉េត បានអំពាវនាវហើយអំពាវនាវទៀត ដើម្បីចូលរួមទប់ស្កាត់ការឆ្លងជំងឺគ្រុនឈាម សូមសម្អាតអនាម័យ បរិស្ថាន និងលុបបំបាត់ជម្រកមូសពងកូន ហើយបើមានគ្រុនក្តៅ សូមទៅទទួលការពិនិត្យនៅមូលដ្ឋានសុខាភិបាលឱ្យបានទាន់ពេលវេលា និងកុំទិញថ្នាំប្រើដោយខ្លួនឯង ។
បាត់ដំបង ៖ យុវជនសហភាពសហព័ន្ធយុវជនកម្ពុជា ស្រុកបាណន់ ប្រចាំវិទ្យាល័យសម្តេចតេជោ ហ៊ុន សែន ភ្នំសំពៅ ស្ថិតក្នុងឃុំភ្នំសំពៅ ស្រុកបាណន់ ខេត្តបាត់ដំបង បានបង្ហាញនូវការគាំទ្រយ៉ាងពេញទំហឹង ចំពោះមន្ទីរព័ត៌មានខេត្តបាត់ដំបង ដែលបានបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ។
បាត់ដំបង៖ ឯកឧត្តមបណ្ឌិត សៀង សុវណ្ណា ប្រធានគណៈមេប្រយោគទូទាំងប្រទេសប្រចាំខេត្តបាត់ដំបងបានដឹកនាំកិច្ចប្រជុំពិភាក្សាស្តីពីកិច្ចសហការដើម្បីការពារសន្តិសុខ សណ្តាប់ធ្នាប់ ចរាចរណ៍ និងសុវត្ថិភាពតាមមណ្ឌលប្រឡងនីមួយៗ ជាមួយគណៈអភិបាលខេត្តបាត់ដំបង ដឹកនាំដោយលោក ធូ ភា អភិបាលរងខេត្ត និងលោក យឹម សុខគ្រី ឧបការីអង្គភាពប្រឆាំងអំពើពុករលួយដោយមានការចូលរួមពីតំណាង ស.ស.យ.ក.ខេត្ត មន្ទីរសុខាភិបាល គណៈអភិបាលក្រុង កងកម្លាំងនគបាល និងរាជអាវុធហត្ថខេត្ត ដែលកិច្ចប្រជុំនេះធ្វើឡើងនៅសាលប្រជុំសាលាខេត្តបាត់ដំបងនៅរសៀលថ្ងៃទី៧ ខែសីហា ឆ្នាំ២០២៦។
