ទឹកទន្លេមេគង្គ នៅខេត្តកំពង់ចាម បានបន្តហក់ឡើងដល់កម្ពស់ ១៤,០៨ម៉ែត្រ ខ្ពស់ជាងថ្ងៃម្សិលមិញ ០,២០ម៉ែត្រ ។ បើប្រៀបធៀបនឹងរយៈពេលដូចគ្នា កាលពីឆ្នាំមុន ទឹកទន្លេមេគង្គ មានកម្ពស់ត្រឹមតែ ៩,៩០ម៉ែត្រ ប៉ុណ្ណោះ ខណៈពេលដែល កម្រិតកម្ពស់ទឹកដែលត្រូវបានកំណត់ប្រកាសការប្រុងប្រយ័ត្ន នៅទន្លេមេគង្គខេត្តកំពង់ចាម មានកម្ពស់ ១៥,២០ម៉ែត្រ ។ នេះបើតាមការបញ្ជាក់ឲ្យដឹង ពី លោក អ៊ុម វិបុល ប្រធានមន្ទីរធនធានទឹក និងឧតុនិយម ខេត្តកំពង់ចាម នៅព្រឹកថ្ងៃទី២៤ ខែសីហា ឆ្នាំ២០២៦ នេះ។

ស្ថានភាពទឹកទន្លេមេគង្គក្នុងខេត្តកំពង់ចាម នៅព្រឹកថ្ងៃទី២៤ ខែសីហា ឆ្នាំ២០២៦ នេះ បានបន្តហក់ឡើងដល់កម្ពស់ ១៤,០៨ ម៉ែត្រ ដែលធ្វើឱ្យទឹកចាប់ផ្តើមហូរចូលទៅក្នុងព្រែកធម្មជាតិចំនួន ៤០ ក្នុងចំណោមព្រែកសរុប ៤១ នៅទូទាំងខេត្ត។

សេចក្ដីជូនដំណឹង ស្ដីពី ការបិទផ្អាកការធ្វើចរាចរណ៍បណ្ដោះអាសន្នតាមបណ្ដោយកំណាត់ផ្លូវខេត្ត លេខ២៧៩ ពីចំណុចជើងភ្នំព្រែកសង្កែ ស្ថិតនៅភូមិព្រែកសង្កែលិច ឃុំពាមកោះស្នា រហូតដល់គល់ស្ពានបឹងរ៉ៃ ស្ថិតនៅភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម

នៅព្រឹកថ្ងៃទី២៣ ខែសីហា ឆ្នាំ២០២៦ នេះ ទឹកទន្លេមេគង្គ នៅខេត្តកំពង់ចាម បានបន្តហក់ឡើងដល់កម្ពស់ ១៣,៩៦ម៉ែត្រ និងបានហូរចូលព្រែក ចំនួន ៤០ ក្នុងចំណោម ៤១ព្រែក នៅក្នុងខេត្ត។

គិតត្រឹមព្រឹកថ្ងៃទី២២ ខែសីហា ឆ្នាំ២០២៦ ទឹកទន្លេមេគង្គ នៅខេត្តកំពង់ចាម បានហក់ឡើងដល់កម្ពស់ ១៣,៧៤ម៉ែត្រ និងបានហូរចូលព្រែក ចំនួន ៣៧ ក្នុងចំណោម ៤១ព្រែក នៅក្នុងខេត្ត។

ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពីស្ថានភាពទឹកទន្លេមេគង្គ ដោយបង្ហាញថា កម្ពស់ទឹកនៅតាមស្ថានីយជលសាស្ត្រមួយចំនួន កំពុងមាននិន្នាការកើនឡើង ដែលតម្រូវឱ្យប្រជាពលរដ្ឋរស់នៅតាមដងទន្លេ និងអាជ្ញាធរមូលដ្ឋានបង្កើនការប្រុងប្រយ័ត្ន។