Provincial News

ខេត្តបាត់ដំបង៖ ដើម្បីចូលរួមការពារអនាគត និងសុខុមាលភាពកុមារនៅក្នុងសហគមន៍ អាជីវករ ១៥ រូប ស្ថិតនៅជុំវិញសាលារៀនគោលដៅក្នុងស្រុកបវេល បានស្ម័គ្រចិត្តចូលរួមក្នុងយុទ្ធនាការ «មិនលក់គ្រឿងស្រវឹង និងបារីឱ្យសិស្សានុសិស្ស ឬកុមារដែលមានអាយុក្រោម ១៨ ឆ្នាំ»។ ពួកគេបានទទួលស្លាកសញ្ញាបញ្ជាក់ និងការលើកទឹកចិត្តយ៉ាងកក់ក្តៅពីអាជ្ញាធរដែនដី។

បាត់ដំបង ៖ ពពុះសណ្ដែក បាញ់ឌុក បាញ់ចានឿក និងលតស្វិត ជិត៣០គ.ក្រ ត្រូវបានមន្ត្រីជំនាញសាខា ក.ប.ប ខេត្តបាត់ដំបង ធ្វើកំណត់ហេតុដកហូតពីអ្នកលក់នៅផ្សារបឹងឈូក ក្រុងបាត់ដំបង ដើម្បីកម្ទេចចោលតាមនីតិវិធី បន្ទាប់ពីបានរកឃើញមានផ្ទុកសារធាតុគីមីហាមឃាត់ Borax ។

នៅថ្ងៃទី ១៥-១៦ ខែសីហា ឆ្នាំ២០២៦ មន្ទីរពាណិជ្ជកម្មខេត្តបាត់ដំបង បានចូលរួមអបអរសាទរ និងគាំទ្រ យុទ្ធនាការផលិតផលជាតិ MadeInCambodia ជាមួយខេត្តកំពង់ចាម ដែលជាខេត្តគោលដៅ។

បាត់ដំបង៖ លោក ទូចឌី សារៈបុត្រ អ្នកគ្រប់គ្រងកសិដ្ឋានពិសិទ្ធប្រាកបហ្វាម បានលើកឡើងកាលពីពេលថ្មីៗនេះថា ការដាំដុះស្លឹកគ្រៃមានភាពងាយស្រួល ក្នុងការថែទាំ ទទួលបានទិន្នផលខ្ពស់ និងមានទីផ្សារគ្រប់គ្រាន់ ដោយទទួលបានប្រាក់ចំណូលសមរម្យ សម្រាប់ផ្គត់ផ្គង់ជាជីវភាពរស់នៅប្រចាំថ្ងៃ។

បាត់ដំបង ៖ មន្ត្រីជំនាញរបស់អធិការកិច្ចម្ហូបអាហារនៃសាខាកិច្ចការពារអ្នកប្រើប្រាស់ និងការប្រកួតប្រជែងខេត្តបាត់ដំបង ហៅកាត់ថា ក.ប.ប បានធ្វើកំណត់ហេតុ ដើម្បីដកហូតទំនិញខូចគុណភាព និងមានសារធាតុគីមីហាមឃាត់ ជាង២១គ.ក្រ ពីអាជីវករ ដែលកំពុងដាក់លក់នៅផ្សារមោងឫស្សី ស្រុកមោងឫស្សី នាំយកមករក្សាទុកនៅសាខាដុតរងលចាំដុតកម្ទេចចោលតាមនីតិវិធីច្បាប់ ។

បាត់ដំបង៖ កសិករនៅក្នុងឃុំខ្នាចរមាស ស្រុកបវេល ខេត្តបាត់ដំបងកំពុងមមាញឹកប្រមូលផលស្រូវវស្សាជាប្រភេទស្រូវស្រងែស្រាល ខណៈតម្លៃទីផ្សារបច្ចុប្បន្នមានភាពល្អប្រសើរដោយក្នុងមួយតោនមានតម្លៃចន្លោះពី៩៧ម៉ឺនរៀលទៅ១លានរៀល។ កសិករ បានឱ្យដឹងថា តម្លៃស្រូវឆ្នាំនេះមានភាពល្អប្រសើរ ប៉ុន្តែទិន្នផលធ្លាក់ចុះដោយសារឆ្នាំនេះជួបបញ្ហាប្រឈមខ្វះខាតទឹកស្ថានភាពអាកាសធាតុភ្លៀងធ្លាក់មិនគ្រប់គ្រាន់។ កសិករ មើលឃើញថា អំឡុងពេលជួបប្រទះបញ្ហាខ្វះខាតទឹក អាជ្ញាធរពិតជាបានខិតខំប្រឹងប្រែងខ្លាំងណាស់ក្នុងការអន្តរាគមន៍ដោះស្រាយដោយមិនព្រងើយកន្តើយឡើយ។

បាត់ដំបង៖ ជារៀងរាល់ ថ្ងៃសៅរ៍ និងថ្ងៃអាទិត្យ បងប្អូនប្រជាពលរដ្ឋមានទឹកមុខសប្បាយរីករាយ ដោយបានចូលរួមគាំទ្រ និងជួយទិញកសិផលក្នុងស្រុក រួមមានបន្លែ ផ្លែឈើ និងផលិតផលកសិកម្ម សុវត្ថិភាព នៅផ្សារផលិតផលខ្មែរ ស្ថិតក្នុងនៅបរិវេណខាងមុខផ្សារទំនើប-បុរីថ្មី (តាមបណ្តោយផ្លូវលេខ៣) ក្រុងបាត់ដំបង។

បាត់ដំបង៖ អាជីវករលក់ដូរបន្លែផ្លែឈើត្រីសាច់ ផលិតផលខ្មែរ នៅផ្សារផលិតផលខ្មែរ ខាងមុខផ្សារទំនើប-បុរីថ្មី ក្រុងបាត់ដំបង មានទឹកមុខសប្បាយរីករាយ នាព្រឹកថ្ងៃទី២៦ ខែកក្កដា ឆ្នាំ២០២៦ បានអំពាវនាវ ដល់សាធារណជនចូលរួមគាំទ្រ និងជាវកសិផលក្នុងស្រុកឱ្យបានគ្រប់ៗគ្នា។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានណែនាំដល់កសិករ និងអាជីវករដែលនាំយកបន្លែ ផ្លែឈើ និងផលិតផលក្នុងស្រុកមកលក់ដូរក្នុងព្រឹត្តិការណ៍ពិព័រណ៍ផ្លែឈើ ត្រូវលក់ដូរក្នុងតម្លៃសមរម្យ មិនត្រូវឆ្លៀតឱកាសដំឡើងថ្លៃឡើយ ដើម្បីធ្វើឱ្យព្រឹត្តិការណ៍នេះក្លាយទៅជាស្មារតីរួបរួមគ្នាផ្សព្វផ្សាយលើកកម្ពស់ផលិតផលក្នុងស្រុក។ការលើកឡើងរបស់ឯកឧត្តម សុខ លូ បានធ្វើឡើងក្នុងឱកាសអញ្ជើញដឹកនាំកិច្ចប្រជុំជាមួយក្រុមការងារ ម្ចាស់ចំការ និងអាជីវករ មុនបើកកម្មវិធីព្រឹត្តិការណ៍ពិព័រណ៍ផ្លែឈើបាត់ដំបងឆ្នាំ២០២៦ នៅល្ងាចថ្ងៃទី១០ ខែកក្កដា ឆ្នាំ២០២៦។

ខេត្តបាត់ដំបង៖ រយៈពេលពីរថ្ងៃជាប់ៗគ្នា គឺនៅថ្ងៃទី១៦ និងថ្ងៃទី១៧ ខែមិថុនា ឆ្នាំ២០២៦ ក្រុមការងារចម្រុះខេត្តបាត់ដំបង បានបន្តចុះពិនិត្យតាមទីតាំងលក់ និងស្តុកផលិតផលនានា ក្នុងគោលបំណងស្វែងរកទំនិញបង្កកដែលនាំចូលដោយមិនស្របច្បាប់ ឬទំនិញខូចគុណភាព ដែលអាចបង្កផលប៉ះពាល់ធ្ងន់ធ្ងរដល់សុខភាពរបស់អ្នកប្រើប្រាស់។

បាត់ដំបង៖ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង នាថ្ងៃទី១៣ ខែមិថុនា ឆ្នាំ២០២៦ បានបើកកិច្ចប្រជុំបូកសរុបលទ្ធផលប្រចាំឆមាសទី១ ឆ្នាំ២០២៦ និងលើកទិសដៅអនុវត្តបន្ត របស់សភាពាណិជ្ជកម្មខេត្តបាត់ដំបង ដោយមានការអញ្ជើញចូលរួមពីលោកអនុប្រធាន សមាជិក សមាជិកា លោកប្រធានសមាគមសណ្ឋាគារ ផ្ទះណាក់ លោកស្រីប្រធានសមាគមសហគ្រិនស្រ្ដីកម្ពុជាសាខាខេត្តបាត់ដំបង ប្រធានសមាគមមៀនប៉ៃលិនស្រុករតនមណ្ឌល តំណាងសមាគមសហគ្រិនឈានមុខខេត្តបាត់ដំបង តំណាងស៊ីអ៊ីអូផាវវើធីម តំណាងសមាគមសហគ្រិនវ័យក្មេងសាខាខេត្តបាត់ដំបង តំណាងសម្ព័ន្ធសមាគមដំឡូងមីខេត្តបាត់ដំបង សហគមស្រូវ សហគមបន្លែ មាន់ស្រែ និងប្រធានចង្កោមគ្រឿងទេស។

បាត់ដំបង៖ មិនមែនគ្រាន់តែជាការតាំងបង្ហាញធម្មតាទេ! ពិព័រណ៍រថយន្តអគ្គិសនីខ្នាតធំរបស់ក្រុមហ៊ុន BYD នៅកណ្តាលក្រុងបាត់ដំបង បានឆក់យកបេះដូង និងការចាប់អារម្មណ៍យ៉ាងខ្លាំងពីយុវជន ជាពិសេសក្រុមនិស្សិតមកពីវិទ្យាស្ថានពហុបច្ចេកទេសភូមិភាគតេជោសែន ខេត្តបាត់ដំបង កាលពីថ្ងៃទី ០៦ ខែមិថុនា ឆ្នាំ ២០២៦។