Provincial News

បាត់ដំបង៖ ក្នុងឱកាស បុណ្យកាន់បិណ្ឌ និងភ្ជុំបិណ្ឌ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការ និងសាសនា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បាននាំយកអង្ករ ជាទេយ្យទានដ៏ថ្លៃថ្លា របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រគេនដល់វត្តចំនួន១១១ ក្នុងខេត្តបាត់ដំបង ដែលមានការខ្វះខាត។ កម្មវិធីនេះ រៀបចំឡើង នារសៀលថ្ងៃទី៨ ខែតុលា ឆ្នាំ២០២៦ នៅក្នុងសាលាធម្មសភា វត្តពោធិមង្គលារាម ហៅវត្តពោធិ៍វាល សង្កាត់រតនៈ ក្រុងបាត់ដំបង។

បាត់ដំបង៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា នៅខែវិច្ឆិកា ឆ្នាំ២០២៦ ខាងមុខនេះ ផ្លូវសំខាន់ៗចំនួន២៨ខ្សែនៅក្នុងក្រុងបាត់ដំបងនឹងត្រូវចាប់ផ្តើមស្តារ និងជួសជុលឡើងវិញដោយរៀបចំប្រព័ន្ធផ្លូវ និងប្រព័ន្ធលូស្របគ្នាតែម្តង។

បាត់ដំបង៖ លេខាធិការដ្ឋានរៀបចំការបោះឆ្នោត ខេត្តបាត់ដំបង នាព្រឹកថ្ងៃទី០៨ ខែតុលា ឆ្នាំ២០២៦ បានរៀបចំកិច្ចប្រជុំប្រចាំសប្តាហ៍ លើកទី២ ស្តីពីការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ដោយមានការអញ្ជើញចូលរួមពីលោក ហេង វណ្ណនី អភិបាលរងខេត្តបាត់ដំបង លោក សុខ ហ៊ីង ប្រធានលេខាធិការដ្ឋានរៀបចំការបោះឆ្នោត ខេត្តបាត់ដំបង លោក លោកស្រី អភិបាលរងក្រុងស្រុក កងកម្លាំងទាំងបីប្រភេទ តំណាងគណបក្សនយោបាយ និងតំណាងអង្គការសង្គមស៊ីវិល ព្រមទាំងមន្រ្តីរៀបចំការបោះឆ្នោតជាច្រើនរូបទៀត។

បាត់ដំបង៖ ប្រជាពលរដ្ឋខេត្តបាត់ដំបងទទួលបានដំណឹងដ៏រីករាយ និងជាក្តីសង្ឃឹមថ្មី ខណៈសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសជាផ្លូវការអំពីការស្តារ និងកែលម្អប្រព័ន្ធផ្លូវជាង ២១ខ្សែ ព្រមទាំងផ្លូវសំខាន់ៗមួយចំនួនទៀតនៅក្នុងខេត្តបាត់ដំបង។

បាត់ដំបង ៖ លោកជំទាវ ពៅ វរល្មក្សណ៍ អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យាវិទ្យា និងនវានុវត្តន៍ បានលើកបង្ហាញថា កម្មសិទ្ធិឧស្សាហកម្មមានតួនាទីសំខាន់ក្នុងការបង្កើត និងការច្នៃប្រឌិតផលិតផលថ្មី វានឹងក្លាយជាទ្រព្យសម្បត្តិ ដែលមានតម្លៃសម្រាប់សហគ្រិន ក្នុងការអភិវឌ្ឍន៍វិស័យសេដ្ឋកិច្ចជាតិកាន់តែមានការរីកចម្រើន ។

បាត់ដំបង៖ ឯកឧត្តម មូល ធន ប្រធានក្រុមការងារចុះជួយសង្កាត់អូរម៉ាល់ និងឯកឧត្តម ទេព ហន អនុប្រធានក្រុមការងារចុះជួយសង្កាត់អូរម៉ាល់ ព្រមទាំងសហការី បាននាំយកអំណោយមនុស្សធម៌ មានគ្រឿងឧបភោគ បរិភោគ ចែកជូនប្រជាពលរដ្ឋចំនួន១០០គ្រួសារ រស់នៅភូមិបឹងរាំង សង្កាត់អូរម៉ាល់ ក្រុងបាត់ដំបង។ កម្មវិធីនេះ ត្រូវបានរៀបចំឡើង នាព្រឹកថ្ងៃទី០៦ ខែតុលា ឆ្នាំ២០២៦ នៅបរិវេណវត្តបឹងរាំង។

បាត់ដំបង៖គម្រោងដំឡើងប្រព័ន្ធអំពូលភ្លើងបំភ្លឺផ្លូវប្រើថាមពលពន្លឺព្រះអាទិត្យតាមបណ្ដោយផ្លូវជាតិលេខ៥ក្នុងភូមិសាស្រ្តខេត្តបាត់ដំបងប្រវែងប្រមាណ១៤០គីឡូម៉ែត្រចាប់ពីព្រំប្រទល់ខេត្តពោធិ៍សាត់ដល់ខេត្តបន្ទាយមានជ័យត្រូវបានបើកការដ្ឋានសាងសង់នៅថ្ងៃទី២ ខែតុលា ឆ្នាំ២០២៦នេះដោយចាប់ផ្ដើមពីស្រុកមោងឫស្សី។

បាត់ដំបង៖យុវជននៅខេត្តបាត់ដំបងផុសផុលខ្លាំងមកទទួលពាក្យសុំស្ម័គ្រចិត្តចូលបំពេញកាតព្វកិច្ចយោធាជាបន្តបន្ទាប់ ដើម្បីចាប់ឱកាសចូលរួមរៀនសូត្រ ហ្វឹកហាត់ និងអភិវឌ្ឍខ្លួនសំដៅរួមចំណែកបំពេញកាតព្វកិច្ចចំពោះជាតិ។

បាត់ដំបង ៖ ផ្លូវលេខ១២១ មួយខ្សែ ស្ថិតក្នុងភូមិទួលតាឯក សង្កាត់ទួលតាឯក ក្រុងបាត់ដំបង កំពុងត្រូវបានក្រុមការងារបច្ចេកទេស ផ្លូវថ្នល់កំពុងធ្វើការភ្ជួរ ឈូសឆាយ កិនកៀរពង្រាប ដើម្បីស្ថាបនាជាផ្លូវបេតុង នាព្រឹកថ្ងៃទី០១ ខែតុលា ឆ្នាំ២០២៦នេះ ។

បាត់ដំបង៖ នៅវិទ្យាស្ថានជាតិវិជ្ជាជីវៈបាត់ដំបង នាថ្ងៃទី៣០ ខែកញ្ញា ឆ្នាំ២០២៦ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានអញ្ជើញចូលរួមក្នុងកម្មវិធីកិច្ចសន្ទនា ស្តីពី «ការពង្រឹងភាពជាដៃគូរវាងរដ្ឋ និងឯកជន ដើម្បីការអភិវឌ្ឍជំនាញ» និងពិធីចុះអនុស្សរណៈនៃការយោគយល់គ្នា (MOU) រវាងគ្រឹះស្ថានអប់រំវិជ្ជាជីវៈ និងវិស័យឯកជន។

កិច្ចប្រជុំស្ដីពី បញ្ចប់គម្រោង និងកសាងផែនការ និរន្តរភាព ព្រឹកថ្ងៃទី ២៩ ខែកញ្ញាឆ្នាំ ២០២៦នេះ លោកស្រី មាសភិរុណ អនុប្រធានមន្ទីរអប់រំ យុវជន និងកីឡាខេត្តបាត់ដំបង បានអញ្ជើញចូលរួម ជាគណៈអធិបតី ក្នុងពិធីបើកកិច្ចប្រជុំ ស្ដីពី ការបញ្ចប់គម្រោង និងកសាងផែនការ និរន្តរភាព ជាមួយមន្ត្រីជំនាញ នៃមន្ទីរអប់រំ យុវជននិងកីឡា ខេត្តបាត់ដំបង

បាត់ដំបង៖ ក្នុងឱកាសបុណ្យកាន់បិណ្ឌ និងពិធីបុណ្យភ្ជុំបិណ្ឌ ប្រជាពលរដ្ឋខ្មែរជាអ្នកកាន់ព្រះពុទ្ធសាសនាតែងតែទៅវត្តអារាមមិនដែលខកខានឡើយ ទៅតាមទំនាមទំលាប់ខ្មែរ ដែលដូនតាបានបន្សល់ទុកមកឱ្យកូនចៅជំនាន់ក្រោយ គោរពប្រតិបត្តិ ក្នុងការទ្រទ្រង់វិស័យព្រះពុទ្ធសាសនាឱ្យបានគង់វង្សយូរអង្វែង។