Provincial News

បាត់ដំបង ៖ រដ្ឋលេខាធិការក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបាណន់ ឯកឧត្តម សន្តិបណ្ឌិត សុខ ផលនិងសហការី បាននាំយកអំណោយជាគ្រឿងឧបភោគ បរិភោគ និងថវិកាមួយចំនួនទៀត ទៅផ្តល់ជូនដល់ប្រជាពលរដ្ឋរងគ្រោះដោយទឹកជំនន់ ចំនួន៥០០គ្រួសារ នៅឃុំចំនួន៤ គឺឃុំកន្ទឺ១ កន្ទឺ២ បាយដំរាំ និងឃុំចែងមានជ័យ នៃស្រុកបាណន់ ខេត្តបាត់ដំបង បានធ្វើឡើងនៅក្នុងបរិវេណវត្តបាណន់ នាថ្ងៃទី០៥ ខែតុលា ឆ្នាំ២០២៦ ។

បាត់ដំបង ៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងសហការី បាននាំយកអំណោយជាគ្រឿងឧបភោគ បរិភោគ ទៅចែកជូនដល់ប្រជាពលរដ្ឋ ចំនួន៣៥០គ្រួសារ នៅឃុំកន្ទឺ២ ឃុំឈើទាល និងឃុំភ្នំសំពៅ នៃស្រុកបាណន់ ខេត្តបាត់ដំបង ដែលបានរងគ្រោះដោយទឹកជំនន់ កាលពីពេលកន្លងមកថ្មីៗនេះ ។

បាត់ដំបង៖ ប្រជាពលរដ្ឋរស់នៅសង្កាត់អូរចារ ដែលរងការប៉ះពាល់ដោយទឹកជំនន់ទឹកភ្លៀង មានការត្រេកអរដោយទទួលបានអំណោយជាគ្រឿងឧបភោគ បរិភោគ របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី តាមរយៈកំពង់ផែស្វយ័តក្រុងព្រះសីហនុ កម្មវិធីនេះ ត្រូវបានរៀបចំឡើង នាព្រឹកថ្ងៃទី០៥ ខែតុលា ឆ្នាំ២០២៦ នៅបរិវេណសាលាបឋមសិក្សាអង់ ក្រោមអធិបតីភាព ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ដោយមានការអញ្ជើញចូលរួម លោក លោកស្រី ប្រធាន អនុប្រធាននានាក្នុងខេត្ត និងអាជ្ញាធររដ្ឋបាលក្រុង សង្កាត់ ភូមិ។

បាត់ដំបង: ប្រជាពលរដ្ឋក្រីក្ររងការប៉ះពាល់ដោយជំនន់ទឹកភ្លៀងចំនួន១០១គ្រួសារ រស់នៅភូមិដាក់សសរ សង្កាត់អូរម៉ាល់ ក្រុងបាត់ដំបង ទទួលបានអំណោយមនុស្សធម៌ពីក្រុមការងារចុះជួយភូមិដាក់សសរ ដោយប្រព្រឹត្តទៅនារសៀលថ្ងៃទី៣ ខែតុលា ឆ្នាំ២០២៦ នៅបរិវេណសាលាបឋមសិក្សាដាក់សសរ ដោយមានការចូលរួមពី លោកស្រី ឡាច សុគន្ធាវី អនុក្រុមការងារចុះជួយភូមិដាក់សសរ តំណាងលោក សុវណ្ណ វិទិត្យា ប្រធានក្រុមការងារចុះជួយភូមិដាក់សសរ និងភូមិបឹងរាំង និងសហការី ព្រមទាំងអាជ្ញាធររដ្ឋបាលសង្កាត់ជាច្រើនរូបទៀត។

បាត់ដំបង៖ ក្រុមការងារចុះជួយមូលដ្ឋានសង្កាត់អូរម៉ាល់ នៃមន្ទីរព័ត៌មានខេត្តបាត់ដំបង កំពុងមមាញឹករៀបចំ និងត្រៀមគ្រឿងឧបភោគ បរិភោគ ព្រមទាំងសម្ភារចាំបាច់មួយចំនួន ដើម្បីនាំយកទៅផ្តល់ជូនប្រជាពលរដ្ឋដែលរងផលប៉ះពាល់ដោយសារជំនន់ទឹកភ្លៀង ដែលបានកើតឡើងក្នុងមូលដ្ឋាននាពេលកន្លងមក។

បាត់ដំបង៖ ស្ថានភាពជំនន់ទឹកភ្លៀងនៅក្នុងខេត្តបាត់ដំបង គិតត្រឹមម៉ោង ៥:០០ ល្ងាច ថ្ងៃទី២៩ ខែកញ្ញា ឆ្នាំ២០២៦ បានបន្តបង្កផលប៉ះពាល់យ៉ាងធ្ងន់ធ្ងរដល់ជីវភាពប្រជាពលរដ្ឋ ហេដ្ឋារចនាសម្ព័ន្ធ និងដំណាំកសិកម្មទូទាំង ១៤ ក្រុង-ស្រុក។

ស្ថានភាពទឹកនៅចំណុចស្តុបផ្លូវទៅបាណន់ ស្ថិតនៅសង្កាត់វត្តគរ នៅថ្ងៃទី29 ខែកញ្ញា ឆ្នាំ2026

បាត់ដំបង៖លោក ខៃ សុដា ប្រធានមន្ទីរធនធានទឹក និងឧតុនិយមខេត្តបាត់ដំបង បានបញ្ជាក់ឱ្យដឹងថា គិតត្រឹមថ្ងៃទី២៩ ខែកញ្ញា ឆ្នាំ២០២៦ កម្ពស់ទឹកស្ទឹងសង្កែក្នុងក្រុងបាត់ដំបងបានស្រកចុះច្រើនមកនៅក្រោមកម្រិតប្រកាសឱ្យប្រុងប្រយ័ត្ន និងអាចវិលមករកស្ថានភាពប្រក្រតីវិញក្នុងពេលឆាប់ៗនេះ។

បាត់ដំបង៖ គិតត្រឹមម៉ោង ៥:០០ ល្ងាច ថ្ងៃទី២៨ ខែកញ្ញា ឆ្នាំ២០២៦ ស្ថានភាពជំនន់ទឹកភ្លៀងនៅខេត្តបាត់ដំបង បានជះឥទ្ធិពលយ៉ាងធ្ងន់ធ្ងរ គ្របដណ្តប់លើ ១៤ ក្រុង-ស្រុក (៨១ ឃុំ-សង្កាត់) បង្កផលប៉ះពាល់ដល់ជីវភាពប្រជាពលរដ្ឋ និងហេដ្ឋារចនាសម្ព័ន្ធទូទាំងខេត្ត។

បាត់ដំបង៖ ក្រុមការងាររដ្ឋបាលក្រុងបាត់ដំបង និងសង្កាត់ បានបន្តការតាមដានស្ថានភាពទឹកជំនន់ នៅតាមបណ្ដាសង្កាត់ទាំង១០ ក្នុងក្រុងបាត់ដំបងនាព្រឹកថ្ងៃទី២៨ ខែកញ្ញា ឆ្នាំ២០២៦ កន្លងទៅនេះ។ធ្វើការតាមដាន មានគោលបំណងក្នុងការត្រៀមខ្លួនគ្រប់លក្ខណៈ ដើម្បីជួយជម្លៀសប្រជាពលរដ្ឋឲ្យបានទាន់ពេលវេលា ប្រសិនបើមានហេតុការណ៍អាក្រក់កើតឡើង ។

បាត់ដំបង៖គិតត្រឹមរសៀលថ្ងៃទី២៨ ខែកញ្ញា ឆ្នាំ២០២៦នេះ ស្ថានភាពជំនន់ទឹកភ្លៀងនៅផ្នែកខាងលើតំបន់ស្រុកសំឡូត រតនមណ្ឌល និងស្រុកបាណន់បានស្រកចុះច្រើន ចំណែកនៅក្នុងក្រុងបាត់ដំបងបាននិងកំពុងស្រកចុះជាបន្តបន្ទាប់ ខណៈជំនន់ទឹកភ្លៀងនៅខេត្តបាត់ដំបងបណ្ដាលឱ្យប៉ះពាល់ផ្ទះពលរដ្ឋជិត២ម៉ឺនខ្នង និងដំណាំជាង៣ម៉ឺនហិកតា។

លោក តេង គឹមស៊ាន អភិបាលស្រុកថ្មគោល ខេត្តបាត់ដំបង ៖ទំនប់កំពីងពួយទឹកមានការកើនឡើងយ៉ាងគំហុក ដែលខាងជំនាញត្រូវបើកទឹកខ្លាំងចាប់ពីថ្ងៃ ២៨.៩.២០២៦ នេះ។ ឃុំនៅផ្នែកខាងក្រោមរួមមាន ឃុំអន្លង់រុន ជ្រៃ អូរតាគី ស្រុកថ្មគោល មេត្តាមានការប្រុងប្រយ័ត្នខ្ពស់។