Provincial News

បាត់ដំបង៖ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង នាថ្ងៃទី១៣ ខែមិថុនា ឆ្នាំ២០២៦ បានបើកកិច្ចប្រជុំបូកសរុបលទ្ធផលប្រចាំឆមាសទី១ ឆ្នាំ២០២៦ និងលើកទិសដៅអនុវត្តបន្ត របស់សភាពាណិជ្ជកម្មខេត្តបាត់ដំបង ដោយមានការអញ្ជើញចូលរួមពីលោកអនុប្រធាន សមាជិក សមាជិកា លោកប្រធានសមាគមសណ្ឋាគារ ផ្ទះណាក់ លោកស្រីប្រធានសមាគមសហគ្រិនស្រ្ដីកម្ពុជាសាខាខេត្តបាត់ដំបង ប្រធានសមាគមមៀនប៉ៃលិនស្រុករតនមណ្ឌល តំណាងសមាគមសហគ្រិនឈានមុខខេត្តបាត់ដំបង តំណាងស៊ីអ៊ីអូផាវវើធីម តំណាងសមាគមសហគ្រិនវ័យក្មេងសាខាខេត្តបាត់ដំបង តំណាងសម្ព័ន្ធសមាគមដំឡូងមីខេត្តបាត់ដំបង សហគមស្រូវ សហគមបន្លែ មាន់ស្រែ និងប្រធានចង្កោមគ្រឿងទេស។

បាត់ដំបង៖នៅថ្ងៃទី១៤ ខែមិថុនា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំក្រុមការងារអញ្ជើញចុះត្រួតពិនិត្យវឌ្ឍនភាពការងារសាងសង់ផ្លូវបេតុង ផ្លូវកៅស៊ូDBST និងការដាក់ប្រព័ន្ធលូនៅក្នុងភូមិសាស្រ្តសង្កាត់ចំការសំរោង សង្កាត់ស្លាកែត សង្កាត់វត្តគរ និងសង្កាត់អូរចារ ក្រុងបាត់ដំបង ខណៈបន្ទាប់ពីអាជ្ញាធរបានបើកយុទ្ធនាការរំដោះដីចំណីផ្លូវសាធារណៈរបស់រដ្ឋដោយជោគជ័យធ្វើឱ្យផ្លូវដែលសាងសង់ថ្មីជាផ្លូវដែលមានសភាពធំទូលាយជាងផ្លូវចាស់ផ្ដល់ភាពងាយស្រួលក្នុងការធ្វើដំណើររបស់ប្រជាពលរដ្ឋ។

បាត់ដំបង៖នៅព្រឹកថ្ងៃទី ១៣ ខែមិថុនា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានអញ្ជើញជាអធិបតីភាពដ៏ខ្ពង់ខ្ពស់ក្នុងកម្មវិធីបាឋកថាគន្លឹះ ស្តីពី “កំណែទម្រង់គ្រូបង្រៀនក្នុងបដិវត្តកម្មឌីជីថលឆ្ពោះទៅកម្ពុជាឆ្នាំ២០៥០” ជូនដល់ថ្នាក់ដឹកនាំ បុគ្គលិកអប់រំ និងគរុនិស្សិតនៃវិទ្យាស្ថានគរុកោសល្យបាត់ដំបង។កម្មវិធីបាឋកថាគន្លឹះដ៏មានសារៈសំខាន់នេះ បានរៀបចំដោយវិទ្យាស្ថានគរុកោសល្យបាត់ដំបង នៅសាលមហោស្រពស្ទឹងសង្កែ ក្រុងបាត់ដំបង ដោយមានការចូលរួមពីថ្នាក់ដឹកនាំក្រសួង, មន្ទីរអប់រំ យុវជន និងកីឡា, គណៈគ្រប់គ្រង, បុគ្គលិកអប់រំ, គរុនិស្សិត ១២+៤ ជំនាន់ទី៤ ឆ្នាំទី២, និង គរុនិស្សិតគ្រូបង្រៀនបឋមសិក្សាបរិញ្ញាបត្រ+១ ផ្អែកលើកិច្ចព្រមព្រៀងការងារ នៃវិទ្យាស្ថានគរុកោសល្យបាត់ដំបង សរុបប្រមាណ ១៦០០នាក់។

បាត់ដំបង៖ ព្រះសង្ឃ អាចារ្យ និងគណៈកម្មការវត្តប្រាប្បច្ចាមិត្រ (ហៅវត្តក្តុល) ស្ថិតក្នុងសង្កាត់ក្តុលដូនទាវ ក្រុងបាត់ដំបង បានបន្តរួមគ្នាចែករំលែកសកម្មភាពមនុស្សធម៌ តាមរយៈការនាំយកទាយ្យទាន និងគ្រឿងឧបភោគបរិភោគ មកប្រគល់ជូនសាខាកាកបាទក្រហមកម្ពុជាខេត្តបាត់ដំបង ដើម្បីយកទៅចាត់ចែងជួយដល់ប្រជាពលរដ្ឋរងគ្រោះ និងងាយរងគ្រោះក្នុងមូលដ្ឋាន។

នៅព្រឹកថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី១២ ខែមិថុនា ឆ្នាំ២០២៦ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា បានបន្តអញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្តបាត់ដំបង និងប៉ៃលិនប្រមាណជាង១ពាន់នាក់ ដែលពិធីនេះបានប្រារព្ធឡើងនៅក្រុងខេត្តបាត់ដំបង។

នៅរសៀលថ្ងៃទី១១ ខែមិថុនា ឆ្នាំ២០២៦ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា បានអញ្ជើញពិនិត្យមើលដំណើរការរោងចក្រផលិតសម្ភារយោធា DSS នៅខេត្តបាត់ដំបង និងជួបសំណេះសំណាលជាមួយកម្មករ កម្មការិនី ប្រមាណជាង ២០០នាក់​ ខណៈរោងចក្រDSS ជារោងចក្រខ្មែរ និងផលិតដោយកូនខ្មែរ ។

បាត់ដំបង៖ នារសៀលថ្ងៃទី១១ ខែមិថុនា ឆ្នាំ២០២៦ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធីការគ្រប់គ្រងធនធានទឹក និងការផ្លាស់ប្ដូរកសិកម្មកម្ពុជាជំហាន១ ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានអញ្ជើញជាគណៈអធិបតីក្នុងកម្មវិធីប្រគល់-ទទួលប្រព័ន្ធធារាសាស្ត្រកង្ហត (ប្លុក A,B,C,D) នៃកម្មវិធីការគ្រប់គ្រងធនធានទឹក និងការផ្លាស់ប្ដូរកសិកម្មកម្ពុជាជំហាន១ ( WAT4CAM-Phase1) ក្នុងភូមិសាស្ត្រខេត្តបាត់ដំបង។

បាត់ដំបង៖ ប្រព័ន្ធធារាសាស្ត្រកង្ហត (ប្លុក A, B, C, D) ស្ថិតក្នុងភូមិសាស្ត្រខេត្តបាត់ដំបង ត្រូវបានប្រគល់-ទទួលជាផ្លូវការហើយ ក្រោមអធិបតីភាព ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធីការគ្រប់គ្រងធនធានទឹក និងការផ្លាស់ប្ដូរកសិកម្មកម្ពុជាជំហាន១ (WAT4CAM _Phase1)

ការពង្រឹងសុវត្ថិភាពកុមារ ពីការបង្ការអំពើហិង្សា រហូតដល់សុវត្ថិភាពលើប្រព័ន្ធអ៊ីនធឺណិត

បាត់ដំបង៖ សង្កាត់អូរចារ ក្រុងបាត់ដំបង កំពុងត្រៀមខ្លួនប្រែក្លាយមុខមាត់ថ្មី តាមរយៈការបើកការដ្ឋានស្ថាបនាផ្លូវបេតុងអាមេខ្វាត់ខ្វែងរហូតដល់ ៦ ខ្សែ ក្នុងឆ្នាំ ២០២៦។ នេះជាយុទ្ធសាស្ត្រពង្រីកបណ្តាញតភ្ជាប់សេដ្ឋកិច្ចផ្ទៃក្នុងដ៏សំខាន់មួយ ពីរដ្ឋបាលខេត្តបាត់ដំបង ដើម្បីលុបបំបាត់ផ្លូវដីហុយ និងផ្លូវរដិបរដុប ជំនួសដោយសរសៃឈាមសេដ្ឋកិច្ចជូនប្រជាពលរដ្ឋ។

បាត់ដំបង – កម្លាំងអធិការស្រុកបវេល ខេត្តបាត់ដំបង បានឃាត់ខ្លួនជនជាប់ចោទម្នាក់ពាក់ព័ន្ធនឹងការជួញដូរគ្រឿងញៀន នៅភូមិសាស្រ្ត ស្រុកបវេល ខេត្តបាត់ដំបង នៅម៉ោងជាង ១០ ព្រឹក ថ្ងៃទី ១១ ខែមិថុនា ឆ្នាំ ២០២៦ តាមដីការចាប់ខ្លួនចំនួន ៣ របស់សាលាដំបូងខេត្តបាត់ដំបង។

បាត់ដំបង៖ តំបន់ទេសចរណ៍ធម្មជាតិភូមិបាក់ព្រា ជិតផ្លាស់ប្តូរមុខមាត់ថ្មីហើយ! កាលពីព្រឹកថ្ងៃទី១០ ខែមិថុនា ឆ្នាំ២០២៦ នេះ អាជ្ញាធរស្រុកឯកភ្នំ បានសហការ ជាមួយក្រសួងទេសចរណ៍ និងមន្ទីរជំនាញពាក់ព័ន្ធ ចុះសិក្សា និងវាយតម្លៃទីតាំងជាក់ស្តែង ដើម្បីរៀបចំគម្រោងអភិវឌ្ឍន៍ហេដ្ឋារចនាសម្ព័ន្ធទេសចរណ៍ ក្នុងគោលបំណងរុញច្រានកំណើនសេដ្ឋកិច្ចមូលដ្ឋាន ឱ្យកាន់តែមានបរិយាបន្ន និងភាពធន់។