ព័ត៌មានក្នុងខេត្ត

បាត់ដំបង៖ កម្លាំងអាវុធហត្ថបានធ្វើការស្រាវជ្រាវ និងឃាត់ខ្លួនជនសង្ស័យចំនួន ៣នាក់ រួមទាំងជនដៃដល់ និងអ្នកទទួលផលចោរកម្ម កាលពីថ្ងៃទី២៧ ខែកក្កដា ពាក់ព័ន្ធករណីគាស់ផ្ទះល្វែងចំនួន ៦ ខ្នង របស់ក្រុមហ៊ុន ស៊ីនឃីម ស្ថិតនៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង។ ការគាស់ផ្ទះនេះបានកើតឡើងជាបន្តបន្ទាប់រយៈពេល ៥ថ្ងៃ ចាប់ពីថ្ងៃទី២២ ដល់ថ្ងៃទី២៧ ខែកក្កដា។

បាត់ដំបង៖ លោក លាង វាសនា អភិបាលនៃគណៈអភិបាលក្រុងបាត់ដំបង នាព្រឹកថ្ងៃទី២៧ ខែកក្កដា ឆ្នាំ២០២៦ បានបើកកិច្ចប្រជុំពិភាក្សា ជាមួយអាជីវករ ទទួល ទិញ-លក់ អេតចាយ ក្នុងភូមិសាស្ត្រក្រុងបាត់ដំបង ចំនួន៤០ទីតាំង ដែលប្រព្រឹត្តិទៅនៅសាលប្រជុំសាលាក្រុងបាត់ដំបង ដោយមានការអញ្ជើញចូលរួមពី លោកអភិបាលរងក្រុង លោកមេបញ្ជាការមូលដ្ឋានកងរាជអាវុធហត្ថក្រុង លោកអធិការរងនគរបាលក្រុង លោក លោកស្រី ប្រធាន អនុប្រធាន ការិយាល័យចំណុះរដ្ឋបាលក្រុង លោកមេប៉ុស្តិ៍នគរបាលសង្កាត់ និងលោក លោកស្រី ចៅសង្កាត់ទាំង១០នៃក្រុងបាត់ដំបង។

បាត់ដំបង៖ កម្លាំងនគរបាលស្រុករតនមណ្ឌល បានស្រាវជ្រាវ និងឃាត់ខ្លួនជនសង្ស័យម្នាក់ ពាក់ព័ន្ធករណីលួចកាត់ខ្សែភ្លើងសូឡា (Solar) សរុប ៧,០៦០ ម៉ែត្រ នៅក្នុងទីតាំងរោងចក្រ Battambang Conch Cement កាលពីថ្ងៃទី ២៦ ខែកក្កដា ឆ្នាំ ២០២៦។ ប្រតិបត្តិការនេះអនុវត្តតាមការណែនាំផ្ទាល់ពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង ដឹកនាំដោយលោកវរសេនីយ៍ទោ ផាន់ ឡុង អធិការនគរបាលស្រុករតនមណ្ឌលស្តីទី។

បាត់ដំបង៖ កម្លាំងកងរាជអាវុធហត្ថស្រុកសង្កែ បានចុះបង្ក្រាបករណីប្រើប្រាស់សារធាតុញៀនដោយខុសច្បាប់ ១ លើក ដោយឃាត់ខ្លួនជនសង្ស័យចំនួន ៣ នាក់ កាលពីម៉ោង ៧:៣០ នាទីយប់ ថ្ងៃទី ១៤ ខែកក្កដា ឆ្នាំ ២០២៦ នៅចំណុចក្រុមទី ០៦ ភូមិស្វាយជ្រុំ ឃុំអូរដំបង២ ស្រុកសង្កែ ខេត្តបាត់ដំបង។ នេះបើតាមគណនីហ្វេសប៊ុក បញ្ជាការដ្ឋានកងរាជអាវុធហត្ថខេត្តបាត់ដំបង។

បាត់ដំបង៖ កម្លាំងកងរាជអាវុធហត្ថក្រុងបាត់ដំបង បានបើកប្រតិបត្តិការបង្ក្រាបករណីជួញដូរគ្រឿងញៀនដោយខុសច្បាប់មួយករណី ដោយឃាត់ខ្លួនជនសង្ស័យម្នាក់ រួមជាមួយគ្រឿងញៀនប្រភេទម៉ាទឹកកក (ICE) ចំនួន ១៣៧ កញ្ចប់ ដើម្បីចាត់ការតាមច្បាប់។

បាត់ដំបង ៖ កម្លាំងនគរបាលខេត្ត និងកងរាជអាវុធហត្ថខេត្តបាត់ដំបង ព្រមទាំងកម្លាំងចម្រុះ សរុបចំនួន ៤៥០ នាក់ ត្រៀមចូលរួមថែរក្សា ការពារ និងធានាសន្តិសុខ សណ្តាប់ធ្នាប់ និងរបៀបរៀបរយសង្គម ក្នុងកំឡុងពេលប្រារព្ធ «ព្រឹត្តិការណ៍ផ្លែឈើបាត់ដំបង ឆ្នាំ ២០២៦»។ ការត្រៀមនេះ មានគោលបំណងបង្កើតបរិយាកាសរីករាយ និងសុវត្ថិភាពជូនដល់ភ្ញៀវទេសចរជាតិ អន្តរជាតិ ប្រជាពលរដ្ឋ និងសាធារណជនដែលអញ្ជើញមកពីគ្រប់ទិសទី។

កម្លាំងអាវុធហត្ថខេត្តបាត់ដំបង បានបញ្ជូនជនសង្ស័យមុខសញ្ញាធាក់ប្លន់ម៉ូតូ ចំនួន ៤នាក់ ទៅកាន់តុលាការខេត្តបាត់ដំបង កាលពីថ្ងៃទី ០៧ ខែកក្កដា ឆ្នាំ២០២៦ ក្រោយពីស្រាវជ្រាវឃាត់ខ្លួនបានជាបន្តបន្ទាប់។

កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង បានចុះទៅដល់ផ្ទះមួយ ស្ថិតនៅសង្កាត់ស្លាកែត ក្រុងបាត់ដំបង ដែលកំពុងធ្វើអាជីវកម្មផលិត និងលក់ទឹកកន្ថុំ (ឬក្រាក់ធំ) ទៅឱ្យក្រុមយុវជនដែលកំពុងប្រមូលផ្តុំគ្នាទទួលទាន។

​បាត់ដំបង៖ កម្លាំងនគរបាលស្រុកមោងឫស្សី សហការជាមួយកម្លាំងជំនាញ បានបើកប្រតិបត្តិការស្រាវជ្រាវរហូតឈានដល់ការឃាត់ខ្លួនស្ត្រីម្នាក់ ពីបទ «ឆបោក» ករណីយកគ្រឿងអលង្ការកាឡៃ (បន្លំធ្វើជាមាស និងប្លាទីន) ទៅលក់ និងដាក់បញ្ចាំឱ្យជនរងគ្រោះចំនួន ៥នាក់ អស់ប្រាក់សរុបរាប់លានរៀល។ ប្រតិបត្តិការនេះបានធ្វើឡើងកាលពី ម៉ោង១១:១០នាទីព្រឹក ថ្ងៃទី០១ខែកក្កដា ឆ្នាំ២០២៦។

បាត់ដំបង៖ លោក ជួង សុភា នាយខណ្ឌរដ្ឋបាលជលផលខេត្តបាត់ដំបង បានឱ្យដឹងថា នៅថ្ងៃទី ០១ កក្កដា ២០២៦ សាលាដំបូងខេត្តបានសម្រេចដោះលែងជនសង្ស័យចំនួន ៤០ នាក់ ដែលបានលួចប្រើឧបករណ៍ឆក់ត្រីខុសច្បាប់ នៅអតីតតំបន់លេខ ២។ ការដោះលែងនេះធ្វើឡើងក្រោយមានការអនុញ្ញាតពីព្រះរាជអាជ្ញា និងបង់ការផាកពិន័យតាមច្បាប់រួចរាល់ កាលពីល្ងាចថ្ងៃទី ២៩ មិថុនា ២០២៦។

បាត់ដំបង ៖ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តមនាយឧត្តមសេនីយ៍ មាស វិរិទ្ធ ធ្វើការជំរុញឱ្យប្រជាពលរដ្ឋ ក្នុងសហគមន៍ទាំងអស់ បន្តធ្វើជាស្ពានតភ្ជាប់ជាមួយសមត្ថកិច្ច ក្នុងការរាយការណ៍រាល់បទល្មើសគ្រឿងញៀនគ្រប់ប្រភេទ តាមរយៈកម្មវិធីទូរស័ព្ទដៃ App NoDrug និងប្រព័ន្ធ Hotline ដើម្បីយកបញ្ហានេះ ចេញពីសហគមន៍ និងឈានទៅសម្អាតភូមិ ឃុំ សង្កាត់របស់ខ្លួនឱ្យក្លាយជាភូមិឃុំសង្កាត់គ្មានគ្រឿងញៀន ។

បាត់ដំបង៖ ”រួមគ្នាឆ្លើយតបបញ្ហាគ្រឿងញៀន ក្នុងបរិបទថ្មីប្រកបដោយភាពច្នៃប្រឌិត” គឺជាប្រធានបទមួយ សម្រាប់ដាក់ក្នុងការប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០២៦ ត្រូវបានរៀបចំឡើងនាព្រឹកថ្ងៃទី២៧ ខែមិថុនា ឆ្នាំ២០២៦ នៅសាលប្រជុំសាលាខេត្តបាត់ដំបង ក្រោមអធិបតីភាព ឯកឧត្តម នាយឧត្តមសេនីយ៍ មាស វីរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង ឯកឧត្តម សុខ លូ អភិបាលនៃគណៈអភិបាលខេត្តបាតដំបង និងដោយមានការអញ្ជើញចូលរួមពី តំណាងសាលាឧទ្ធរណ៍បាត់ដំបង តំណាងអគ្គព្រះរាជអាជ្ញាអមសាលាឧទ្ធរណ៍បាត់ដំបង តំណាងប្រធានសាលាដំបូងខេត្ត ព្រះរាជអាជ្ញារងនៃមហាអយ្យការអមសាលាដំបូងខេត្ត តំណាងយោធភូមិភាគទី៥ លោកអភិបាលរងខេត្ត លោកឧត្តមសេនីយ៍ស្នងការ ស្នងការរងនគរបាលខេត្ត ឧត្តមសេនីយ៍មេបញ្ជាការ មេបញ្ជាការរងកងរាជអាវុធហត្ថខេត្ត ឧត្តមសេនីយ៍មេបញ្ជាការតំបន់ប្រតិបត្តិការសឹករងខេត្ត ព្រមទាំងលោកគ្រូ អ្នកគ្រូ សិស្សានុសិស្សយ៉ាងច្រើនកុះករ។