ព័ត៌មានក្នុងខេត្ត

បាត់ដំបង ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា បានបញ្ជាក់ថា តាមពិតនៅក្នុងវិស័យកសិកម្ម យើងធ្លាប់ឆ្លងកាត់តាំងពីប្រទេសដែលខ្វះខាតម្ហូបអាហារ ខ្វះខាតស្បៀង រហូតក្លាយទៅជាប្រទេសដែលអាចនាំចេញផលិតផលកសិកម្មដ៏ច្រើនសន្ធឹកសន្ធាប់ មានន័យថា យើងចេញពីការផលិត ដើម្បីសម្រាប់តែការហូបចុក ទៅជាការផលិតដើម្បីមានបាន និងនាំចេញទៅក្រៅប្រទេស ។

បាត់ដំបង ៖ សាកលវិទ្យាធិការនៃសាកលវិទ្យាល័យជាតិបាត់ដំបង ឯកឧត្តម សុខ ឃន បានចាត់ទុកទិវាបង្ហាញបច្ចេកវិទ្យាកសិកម្មនេះ គឺជាស្ពានចម្លងដ៏សំខាន់មួយ ក្នុងការលើកកម្ពស់កិច្ចសហប្រតិបត្តិការរវាងព្រះរាជាណាចក្រកម្ពុជា និងសាធារណរដ្ឋឆេក ព្រមទាំងដៃគូអភិវឌ្ឍនានា ក្នុងការជំរុញការអប់រំ នវានុវត្តន៍ និងការផ្ទេរចំណេះដឹងបច្ចេកវិទ្យាទំនើបៗជូនដល់កសិករ និងយុវជនកម្ពុជា ។

បាត់ដំបង៖កសិករនៅក្នុងសង្កាត់ក្ដុលដូនទាវ ក្រុងបាត់ដំបង កំពុងមមាញឹកប្រមូលផលស្រូវវស្សាជាប្រភេទស្រូវស្រងែស្រាល ខណៈតម្លៃស្រូវបច្ចុប្បន្នមានភាពល្អប្រសើរដោយក្នុងមួយតោនមានតម្លៃចន្លោះពី៩០ម៉ឺនរៀលរហូតដល់១លានរៀល។

ខេត្តបាត់ដំបង៖ ឯកឧត្តម ចាន់ ស៊ីណាត រដ្ឋលេខាធិការ ក្រសួងធនធានទឹក និងឧតុនិយម តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំប្រតិភូ ចុះពិនិត្យស្ថានភាពជាក់ស្តែងនៃ «ប្រព័ន្ធធារាសាស្ត្រទំនើបកម្មអាងកំពីងពួយ» ស្ថិតក្នុងភូមិសាស្ត្រស្រុកបាណន់ ខេត្តបាត់ដំបង កាលពីថ្ងៃទី ២៣ ខែសីហា ឆ្នាំ ២០២៦។

បាត់ដំបងៈ បង្កង និងបង្គា របស់កសិដ្ឋានពិសិទ្ធប្រាកបហ្វាម ដែលមានទីតាំងស្ថិតនៅឃុំអំពិលប្រាំដើម ស្រុកបវេល ខេត្តបាត់ដំបង មានការគាំទ្រពីអតិថិជនក្នុងខេត្តបាត់ដំបង ក៏ដូចជាមានការគាំទ្រពីអតិថិជនពីបណ្តាខេត្តនានា ក្នុងប្រទេសកម្ពុជាយើង នេះបង្ហាញឱ្យឃើញពីការលើកកម្ពស់ផលិតផល និងកសិផល ដែលផលិត ដោយកូនខ្មែរ ឆ្លើយតបទៅនឹង ភូមិមួយផលិតផលមួយ។

ឯកឧត្តម នាយឧត្តមសេនីយ៍កិត្តិសង្គហបណ្ឌិត គន់ គីម ទេសរដ្ឋមន្រ្តី និងជាអនុប្រធានទី១ គណៈកម្មការជាតិគ្រប់គ្រងគ្រោះមហន្តរាយ អមដំណើរដោយតំណាងរដ្ឋបាលខេត្តបាត់ដំបង លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត តំណាងក្រសួងកសិកម្ម មន្ទីរធនធានទឹក និងអាជ្ញាធរមូលដ្ឋាន បានអញ្ជើញចុះពិនិត្យស្ថានភាពស្រូវដែលត្រូវបានសង្គ្រោះទាន់ពេលវេលា នៅភូមិកងកេង ឃុំកំពង់ព្រៀង ស្រុកសង្កែ។

បាត់ដំបង ៖ នៅក្រោមមេឃលើដីដ៏ធំល្វឹងល្វើយមើលដាច់កន្ទុយភ្នែក នារដូវវស្សានេះ ពិតជាមានទេសភាពដ៏ស្រស់បំព្រងនៃធម្មជាតិមានពណ៌បៃតងយ៉ាងត្រជាក់ភ្នែក រួមជាមួយលំនៅឋានរបស់ប្រជាពលរដ្ឋច្រើនស្អេកស្កះ និងរោងគ្របសំពត់តង់ពណ៌សឈរតម្រៀបគ្នាជាច្រើនជួរ នោះគឺជាផ្ទះសំណាញ់របស់សហគមន៍កសិកម្មតាសីសាមគ្គី សម្រាប់ដាំបន្លែសុវត្ថិភាពគួរឱ្យចាប់អារម្មណ៍ ។

បាត់ដំបង៖នៅថ្ងៃទី១៦ ខែសីហា ឆ្នាំ២០២៦ ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានអញ្ជើញជាអធិបតីក្នុងពិធីបំផុសចលនាដាំដើមឈើដើម្បីរក្សាស្មារតីរុក្ខទិវាថ្នាក់ខេត្តនៅភូមិគោករកា ឃុំដូនបា ស្រុកគ្រាស់ក្រឡ ខេត្តបាត់ដំបង។

បាត់ដំបង៖ នៅថ្ងៃទី​១៣​ ខែ​សីហា​ ឆ្នាំ​២០២៦​ ឯកឧត្តម សុខ លូ អភិបាលខេត្តបាត់ដំបង បានអញ្ជើញដឹកនាំក្រុមការងារចុះពិនិត្យទីតាំង រោងចក្រកិនស្រូវ កែច្នៃអង្ករ ឡាយសែ របស់ក្រុមហ៊ុន ស៊ីធីរ៉ាយស៍ អ៊ីមផត អ៊ិចផត ខូអិលធីឌី (City Rice Import Export Co., Ltd.) ស្ថិតក្នុងស្រុកថ្មគោល និងបន្តពិនិត្យទីតាំងក្រុមហ៊ុន មិសុតា ហ៊្វូដ អ៊ីមផត អ៊ិចផត ឯ.ក (Misota Food Import Export Co., Ltd.) ស្ថិតក្នុងក្រុងបាត់ដំបង ដើម្បីពិនិត្យ និងសិក្សាអំពីខ្សែសង្វាក់ផលិតកម្ម ការទិញវត្ថុធាតុដើម ការកែច្នៃ វេចខ្ចប់ ការចែកចាយផលិតផល ព្រមទាំងស្វែងយល់ពីសមត្ថភាពផលិតកម្ម និងបច្ចេកទេសដែលក្រុមហ៊ុនកំពុងអនុវត្ត ដើម្បីស្វែងរកលទ្ធភាពជំរុញ និងការពង្រីកផលិតកម្ម ការកែច្នៃផលិតផលកសិកម្មក្នុងខេត្តបាត់ដំបង។

បាត់ដំបង៖ ដោយមានការបញ្ជាផ្ទាល់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ក្រុមការងារបច្ចេកទេសរបស់ក្រសួង សហការជាមួយមន្ទីរធនធានទឹក និងឧតុនិយមខេត្តបាត់ដំបងបាននាំយកម៉ាស៊ីនបូមទឹកធុនធ្ងន់ចំនួន ៤គ្រឿង បូមទឹកពីស្ទឹង បញ្ចូលប្រឡាយ សង្គ្រោះស្រូវប្រជាពលរដ្ឋដែលកំពុងប្រឈមនឹងការខ្វះខាតទឹកស្រោចស្រពក្នុងខេត្តបាត់ដំបង កាលពីថ្ងៃទី២៦ ខែកក្កដា ឆ្នាំ២០២៦ ។

ខេត្តបាត់ដំបង៖ ទោះបីជាខេត្តបាត់ដំបងមានផ្ទៃដីកសិកម្មធំទូលាយ និងអំណោយផលដល់ដំណាំគ្រប់ប្រភេទក៏ដោយ ការបង្កើនផលស្រូវរដូវវស្សារបស់ប្រជាកសិករ កំពុងប្រឈមបញ្ហាដោយសារវិបត្តិរាំងស្ងួតដែលប៉ះពាល់ដល់ស្រុកចំនួន ៥។ នេះបើយោងតាមមន្ត្រីជំនាញនៃមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង ដែលបានលើកឡើងក្នុងកម្មវិធីសន្ទាមតិ របស់វិទ្យុជាតិចំការចេក កាលពីថ្ងៃទី ២១ ខែកក្កដា ឆ្នាំ ២០២៦។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញជាអធិបតីភាពដ៏ខ្ពង់ខ្ពស់ ដឹកនាំកិច្ចប្រជុំផ្ទៃក្នុង ដើម្បីបែងចែកក្រុមការងារសម្របសម្រួលការងារគ្រប់គ្រងទំនប់អាងទឹក និងប្រព័ន្ធធារាសាស្ត្រ ចំនួន ៩ ទីតាំង នៅសាលប្រជុំនៃទីស្ដីការក្រសួង នាថ្ងៃទី ១៧ ខែកក្កដា ឆ្នាំ ២០២៦។