ព័ត៌មានក្នុងខេត្ត

បាត់ដំបង៖ នៅថ្ងៃទី ៣១ ខែសីហា ឆ្នាំ ២០២៦ មន្ត្រីនៃមន្ទីរពាណិជ្ជកម្មខេត្តបាត់ដំបង បានចុះតាមមូលដ្ឋាន ដើម្បីតាមដាន និងកត់ត្រាតម្លៃស្រូវក្នុងស្រុកបាណន់។

មែលប៊ន៖ នាព្រឹកថ្ងៃទី៣១ ខែសីហា ឆ្នាំ២០២៦ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានដឹកនាំគណៈប្រតិភូសភាពាណិជ្ជកម្មកម្ពុជា ចំនួន ១៤រូប ទស្សនកិច្ច និងចូលរួមក្នុងកម្មវិធីពិព័រណ៍ម្ហូបអាហារអូស្ត្រាលី(Fine Food Australia 2026) នៅទីក្រុងមែលប៊ន ប្រទេសអូស្ត្រាលី ដែលជាពិព័រណ៍ឈានមុខគេមួយក្នុងវិស័យម្ហូបអាហារ និងកសិឧស្សាហកម្ម។

បាត់ដំបងៈ ប្រជាពលករមកពីប្រទេសថៃ រស់នៅភូមិបឹងរាំង សង្កាត់អូរម៉ាល់ ក្រុងបាត់ដំបង ទទួលបានវគ្គបណ្តុះបណ្តាលកែច្នៃបន្លែផ្លែឈើ ដែលមានរយៈពេលមួយអាទិត្យ ពីវិទ្យាស្ថានភូមិភាគតេជោសែនបាត់ដំបង ដើម្បីឱ្យគាត់មានជំនាញមួយច្បាស់លាស់ សម្រាប់យកទៅបើកអាជីវកម្មផ្ទាល់ខ្លួន ក្នុងការរកប្រាក់ចំណូលផ្គត់ផ្គង់ជីវភាពគ្រួសារប្រចាំថ្ងៃ។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចូលរួមកម្មវិធីបើកពិព័រណ៍ BIG DATA EXPO 2026 ក្រោមប្រធានបទ «TOKEN: A new path to value of data element» ក្រោមអធិបតីភាព ឯកឧត្តម លី ពីងជីន អភិបាលខេត្តគួយចូវ។

បាត់ដំបង: ខណៈពេលដែលកសិករកំពុងមមាញឹកក្នុងការប្រមូលផល ឈ្មួញបានចុះទៅទិញស្រូវដល់ទីវាល ដោយផ្តល់តម្លៃសមរម្យចន្លោះពី ៩០០ រៀល ដល់ជាង ១,០០០ រៀល ក្នុងមួយគីឡូក្រាម។ តម្លៃនេះមានការប្រែប្រួលទៅតាមប្រភេទស្រូវ និងទីតាំងនៃការទិញលក់ រវាងការទិញដល់ស្រែផ្ទាល់ និងការដឹកជញ្ជូនទៅលក់ដល់រោងម៉ាស៊ីន។

ខេត្តបាត់ដំបង៖ ដើម្បីចូលរួមការពារអនាគត និងសុខុមាលភាពកុមារនៅក្នុងសហគមន៍ អាជីវករ ១៥ រូប ស្ថិតនៅជុំវិញសាលារៀនគោលដៅក្នុងស្រុកបវេល បានស្ម័គ្រចិត្តចូលរួមក្នុងយុទ្ធនាការ «មិនលក់គ្រឿងស្រវឹង និងបារីឱ្យសិស្សានុសិស្ស ឬកុមារដែលមានអាយុក្រោម ១៨ ឆ្នាំ»។ ពួកគេបានទទួលស្លាកសញ្ញាបញ្ជាក់ និងការលើកទឹកចិត្តយ៉ាងកក់ក្តៅពីអាជ្ញាធរដែនដី។

បាត់ដំបង ៖ ពពុះសណ្ដែក បាញ់ឌុក បាញ់ចានឿក និងលតស្វិត ជិត៣០គ.ក្រ ត្រូវបានមន្ត្រីជំនាញសាខា ក.ប.ប ខេត្តបាត់ដំបង ធ្វើកំណត់ហេតុដកហូតពីអ្នកលក់នៅផ្សារបឹងឈូក ក្រុងបាត់ដំបង ដើម្បីកម្ទេចចោលតាមនីតិវិធី បន្ទាប់ពីបានរកឃើញមានផ្ទុកសារធាតុគីមីហាមឃាត់ Borax ។

នៅថ្ងៃទី ១៥-១៦ ខែសីហា ឆ្នាំ២០២៦ មន្ទីរពាណិជ្ជកម្មខេត្តបាត់ដំបង បានចូលរួមអបអរសាទរ និងគាំទ្រ យុទ្ធនាការផលិតផលជាតិ MadeInCambodia ជាមួយខេត្តកំពង់ចាម ដែលជាខេត្តគោលដៅ។

បាត់ដំបង៖ លោក ទូចឌី សារៈបុត្រ អ្នកគ្រប់គ្រងកសិដ្ឋានពិសិទ្ធប្រាកបហ្វាម បានលើកឡើងកាលពីពេលថ្មីៗនេះថា ការដាំដុះស្លឹកគ្រៃមានភាពងាយស្រួល ក្នុងការថែទាំ ទទួលបានទិន្នផលខ្ពស់ និងមានទីផ្សារគ្រប់គ្រាន់ ដោយទទួលបានប្រាក់ចំណូលសមរម្យ សម្រាប់ផ្គត់ផ្គង់ជាជីវភាពរស់នៅប្រចាំថ្ងៃ។

បាត់ដំបង ៖ មន្ត្រីជំនាញរបស់អធិការកិច្ចម្ហូបអាហារនៃសាខាកិច្ចការពារអ្នកប្រើប្រាស់ និងការប្រកួតប្រជែងខេត្តបាត់ដំបង ហៅកាត់ថា ក.ប.ប បានធ្វើកំណត់ហេតុ ដើម្បីដកហូតទំនិញខូចគុណភាព និងមានសារធាតុគីមីហាមឃាត់ ជាង២១គ.ក្រ ពីអាជីវករ ដែលកំពុងដាក់លក់នៅផ្សារមោងឫស្សី ស្រុកមោងឫស្សី នាំយកមករក្សាទុកនៅសាខាដុតរងលចាំដុតកម្ទេចចោលតាមនីតិវិធីច្បាប់ ។

បាត់ដំបង៖ កសិករនៅក្នុងឃុំខ្នាចរមាស ស្រុកបវេល ខេត្តបាត់ដំបងកំពុងមមាញឹកប្រមូលផលស្រូវវស្សាជាប្រភេទស្រូវស្រងែស្រាល ខណៈតម្លៃទីផ្សារបច្ចុប្បន្នមានភាពល្អប្រសើរដោយក្នុងមួយតោនមានតម្លៃចន្លោះពី៩៧ម៉ឺនរៀលទៅ១លានរៀល។ កសិករ បានឱ្យដឹងថា តម្លៃស្រូវឆ្នាំនេះមានភាពល្អប្រសើរ ប៉ុន្តែទិន្នផលធ្លាក់ចុះដោយសារឆ្នាំនេះជួបបញ្ហាប្រឈមខ្វះខាតទឹកស្ថានភាពអាកាសធាតុភ្លៀងធ្លាក់មិនគ្រប់គ្រាន់។ កសិករ មើលឃើញថា អំឡុងពេលជួបប្រទះបញ្ហាខ្វះខាតទឹក អាជ្ញាធរពិតជាបានខិតខំប្រឹងប្រែងខ្លាំងណាស់ក្នុងការអន្តរាគមន៍ដោះស្រាយដោយមិនព្រងើយកន្តើយឡើយ។

បាត់ដំបង៖ ជារៀងរាល់ ថ្ងៃសៅរ៍ និងថ្ងៃអាទិត្យ បងប្អូនប្រជាពលរដ្ឋមានទឹកមុខសប្បាយរីករាយ ដោយបានចូលរួមគាំទ្រ និងជួយទិញកសិផលក្នុងស្រុក រួមមានបន្លែ ផ្លែឈើ និងផលិតផលកសិកម្ម សុវត្ថិភាព នៅផ្សារផលិតផលខ្មែរ ស្ថិតក្នុងនៅបរិវេណខាងមុខផ្សារទំនើប-បុរីថ្មី (តាមបណ្តោយផ្លូវលេខ៣) ក្រុងបាត់ដំបង។