ព័ត៌មានក្នុងខេត្ត

បាត់ដំបង៖ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អញ្ជើញជាអធិបតីក្នុងពិធីសំណេះសំណាលជាមួយគណៈគ្រប់គ្រង និងបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិ(និទ្ទេសA) សម័យប្រឡង៖១០ សីហា ២០២៦ ដែលពិធីនេះធ្វើឡើងនៅសាលប្រជុំសាលាខេត្តបាត់ដំបង នៅថ្ងៃទី២២ ខែកញ្ញា ឆ្នាំ២០២៦។

បាត់ដំបង៖ អគារបណ្ណាល័យមួយខ្នងមានបណ្តោយប្រវែង៣៦ម៉ែត្រ ជម្រៅ ១៨ម៉ែត្រ កម្ពស់បីជាន់ របស់អង្គការពុទ្ធសាសនា ដើម្បីការអប់រំនៃកម្ពុជា ហៅកាត់ថា(ព.អ.ក) ដែលមានទីតាំងស្ថិតនៅក្នុងភូមិកំពង់សីមា សង្កាត់វត្តគរ ក្រុងបាត់ដំបង ត្រូវបានធ្វើពិធីបុណ្យបញ្ចុះបឋសិលាសាងសងជាផ្លូវការ នារសៀលថ្ងៃ ទី១៩ ខែកញ្ញា ឆ្នាំ២០២៦ ក្រោមអធិបតីភាព ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងដោយមានការអញ្ជើញចូលរួមពីលោក លោកស្រី ប្រធាន អនុប្រធាន មន្ទីរជុំវិញខេត្ត ព្រមទាំងពុទ្ធបរិស័ទជិតឆ្ងាយយ៉ាងច្រើនកុះករ។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីប្រគល់បណ្ណសរសើរជូនសិស្សជ័យលាភី សិស្សពូកែ សិស្ស៣ល្អ យុវជនឆ្នើម កីឡាករ កីឡាការិនី និងសិស្សពិការ គ ថ្លង់ នៃវិទ្យាល័យសម្ដេចឪ ខេត្តបាត់ដំបង ដែលពិធីនេះធ្វើឡើងនៅក្នុងសាលប្រជុំវិទ្យាល័យសម្ដេចឪ នៅថ្ងៃទី១៨ ខែកញ្ញា ឆ្នាំ២០២៦។

បាត់ដំបង៖ បន្ទាប់ពីបានសិក្សាច្បាប់អន្តរជាតិផ្នែកអន្តរជាតិសាធារណៈរួចមក សាមណៈនិស្សិត និស្សិតឆ្នាំទី៣ នៃសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានរៀបចំកម្មវិធីប្រកួតសវនាការប្រឌិដ្ឋតុលាការយុត្តិធម៌អន្តរជាតិ ហៅកាត់ថា ICJ ដែលបានប្រព្រឹត្តទៅនាព្រឹកថ្ងៃទី១៧ ខែកញ្ញា ឆ្នាំ២០២៦។ ដោយក្នុងនោះ ប្រធានបទដែលត្រូវយកមកធ្វើការប្រកួតចំនួន៥ រួមមាន ការបកស្រាយសន្ធិសញ្ញា និងសិទ្ធិមនុស្ស វិវាទរវាងសាធារណៈរដ្ឋលីបេរ៉ា និងសហព័ន្ធអ័រមីដា ប្រធានបទការបំពុលឆ្លងដែន និងការទទួលខុសត្រូវ របស់រដ្ឋភាគី វិវាទរវាងព្រះរាជាណាចក្រហ្រ្គីនវ៉ាល់ និងសាធារណៈរដ្ឋឥណ្ឌុស ប្រធានបទជំលោះទឹកដី និងអធិបតេយ្យភាព រវាងសាធារណៈរដ្ឋវ៉ាល់ឌ័រ និងសហព័ន្ធម៉ារីណា ប្រធានបទព្រំដែនសមុទ្រ និងតំបន់សេដ្ឋកិច្ចពិសេស រវាងសាធារណៈរដ្ឋអូស៊ីអា និងព្រះរាជាណាចក្រប៉ាស៊ីហ្វីកា ហើយនិងប្រធានបទ ស្តីពីការប្រើប្រាស់កំលាំង និងការការពារខ្លួន វិវាទរវាងសាធារណៈរដ្ឋនូរា និងសហភាពរាល់ថេរ៉ា។

បាត់ដំបង ៖ សាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានរៀបចំកិច្ចការពារនិក្ខេបបទថ្នាក់បរិញ្ញាបត្រជាន់ខ្ពស់ សម្រាប់សមណនិស្សិត និងនិស្សិត ឆ្នាំសិក្សា២០២៦-២០២៧ ដើម្បីបញ្ជាក់អំពីមូលធនមនុស្សពិតប្រាកដរបស់ជាតិ បានធ្វើឡើងកាលពីថ្ងៃទី០៦ ខែកញ្ញា ឆ្នាំ២០២៦ នៅសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង ។

សាខាពុទ្ធិក សាកលវិទ្យាល័យ ព្រះសីហនុរាជ ខេត្តបាត់ដំបង បានប្រារព្ធពិធីបើក ការការពារ និក្ខេបបទ ថ្នាក់បរិញ្ញាបត្រជាន់ខ្ពស់ សម្រាប់សមណៈនិស្សិត និងនិស្សិតនាព្រឹកថ្ងៃទី៦ ខែកញ្ញាឆ្នាំ២០២៦ ។

កម្មវិធី មនសិការពលរដ្ឋល្អ នៃវិទ្យាល័យនេតយ៉ង់ ក្រុង និងខេត្តបាត់ដំបង ត្រូវបានលោកជំទាវ ស្រូយ សុជាតិ អគ្គនាយក នៃនាយកដ្ឋានយុវជន ក្រសួងអប់រំ យុវជន និងកីឡា និងជាប្រធានប្រតិបត្តិកម្មវិធី “មនសិការពលរដ្ឋល្អ” អញ្ជើញចុះពិនិត្យផ្ទាល់ និងតាមដានវឌ្ឍនភាពរបស់ក្រុមសិស្ស នាព្រឹកថ្ងៃទី ៦ ខែកញ្ញា ឆ្នាំ ២០២៦ កន្លងទៅ។

បាត់ដំបង៖ លោក សំអ៊ុន ចំណាន អភិបាលរងស្រុកបវេល តំណាងលោក លួត សាលី អភិបាលនៃគណៈអភិបាលស្រុក នាថ្ងៃទី០៤ ខែកញ្ញា ឆ្នាំ២០២៦ បានអញ្ជើញជាអធិបតីក្នុង ពិធីប្រគល់បណ្ណសរសើរ និងរង្វាន់ជូនសិស្សពូកែ នៃអនុវិទ្យាល័យខ្នាចរមាស ប្រចាំឆ្នាំសិក្សា ២០២៥-២០២៦ ដែលបានរៀបចំឡើង នៅបរិវេណអនុវិទ្យាល័យខ្នាចរមាស ស្ថិតក្នុងឃុំខ្នាចរមាស ស្រុកបវេល ខេត្តបាត់ដំបង។

លោក នូវ ឫទ្ធី អភិបាលរង នៃគណៈអភិបាលស្រុកបាណន់ ខេត្តបាត់ដំបង បានអញ្ជើញចូលរួមជាអធិបតីក្នុងពិធីបើកវគ្គបំប៉នស្ដីពីការអនុវត្តកញ្ចប់អំណានថ្នាក់ទី ១ ដល់ថ្នាក់ទី ៣ របស់គម្រោង BEIP នៅសាលាបឋមសិក្សា អ៊ិនស៊ីដារ៉េ នាព្រឹកថ្ងៃទី ៥ ខែកញ្ញា ឆ្នាំ២០២៦ ។

ខេត្តបាត់ដំបង៖ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ១០-១១ សីហា ឆ្នាំ២០២៦ ទទួលបានលទ្ធផលគួរឱ្យកត់សម្គាល់ ដោយបេក្ខជនក្នុងខេត្តបាត់ដំបងប្រឡងជាប់រហូតដល់ ៨១.៣៩% ខ្ពស់ជាងអត្រាជាប់ជាមធ្យមភាគនៅទូទាំងប្រទេស។ យោងតាមទិន្នន័យផ្លូវការពីមន្ទីរអប់រំ យុវជន និងកីឡា ខេត្តបាត់ដំបង នាព្រឹកថ្ងៃទី០២ ខែកញ្ញា ឆ្នាំ២០២៦ ក្នុងចំណោមបេក្ខជនមកប្រឡងសរុប ៩,៣៤៣នាក់ (ស្រី ៥,៤៧៨នាក់) មានបេក្ខជនប្រឡងជាប់ចំនួន ៧,៦០៤នាក់ (ស្រី ៤,៧៤១នាក់ ត្រូវជា ៨៦.៥៥%)។ អត្រាជោគជ័យនេះ បានស្តែងឱ្យឃើញពីការខិតខំប្រឹងប្រែងយ៉ាងសកម្មរបស់សិស្សានុសិស្ស លោកគ្រូ-អ្នកគ្រូ និងការយកចិត្តទុកដាក់ខ្ពស់ពីអាជ្ញាធរខេត្ត។

បាត់ដំបងៈ គណៈគ្រប់គ្រង និងលោកនាយកសាលាបឋមសិក្សា ហ៊ុន សែន ខ្នាចរមាស នាថ្ងៃទី២៩ ខែសីហា ឆ្នាំ២០២៦កន្លងទៅថ្មីៗនេះ បានរៀបចំពិធីចែកបណ្ណសរសើរ និងរង្វាន់ដល់សិស្សានុសិស្ស ដែលជាប់ចំណាត់ថ្នាក់ពីលេខ១ ដល់លេខ៥ ក្នុងឆ្នាំសិក្សា២០២៥-២០២៦ ដោយមានការនិមន្តអញ្ជើញចូលរួម ពីព្រះតេជគុណ ចន្ទប្បញ្ញោ អឹប ភារុណ ព្រះចៅអធិការវត្តខ្នាចរមាស, លោក ភឿង សុវឌ្ឍនៈ មេឃុំខ្នាចរមាស, លោកនាយប៉ុស្តិ៍នគរបាលរដ្ឋបាលឃុំខ្នាចរមាស និងអាណាព្យាបាលជាច្រើនរូបទៀត។

បាត់ដំបង ៖ អនុប្រធានក្រុមការងារចុះមូលដ្ឋានឃុំអូរដំបង១ លោក ហូ សេរី ព្រឹទ្ធមហាឧបាសកពុទ្ធសាសនូបត្ថម្ភ និងលោកស្រី ហ៊ូ កុសុមៈ ព្រឹទ្ធមហាឧបាសិកាពុទ្ធសាសនូបត្ថម្ភ បានជំរុញលើកទឹកចិត្តដល់សិស្សានុសិស្សត្រូវតែខិតខំរៀនសូត្រឱ្យមានចំណេះ និងមានមូលធនមនុស្សពិតប្រាកដ ដើម្បីកសាងសង្គមគ្រួសារ និងប្រទេសជាតិយើងឱ្យកាន់តែមានការរីកចម្រើន ។