ព័ត៌មានក្នុងខេត្ត

បាត់ដំបង៖ ក្នុងគោលបំណងលើកកម្ពស់ការយល់ដឹងអំពីសុខភាព អនាម័យ និងសិទ្ធិរបស់អ្នកប្រើប្រាស់ សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ខេត្តបាត់ដំបង សហការជាមួយមន្ទីរអប់រំ យុវជន និងកីឡាខេត្តបាត់ដំបង បានរៀបចំកម្មវិធីអប់រំផ្សព្វផ្សាយស្តីពី «សុវត្ថិភាពម្ហូបអាហារ និងកិច្ចការពារអ្នកប្រើប្រាស់» ជូនដល់លោកគ្រូ អ្នកគ្រូ សិស្សានុសិស្ស និងអាជីវករលក់ដូរចំណីអាហារ កាលពីថ្ងៃទី១១ ខែវិច្ឆិកា ឆ្នាំ២០២៦។

បាត់ដំបង៖ លោក លាង វាសនា អភិបាលក្រុងបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញបើកកម្មវិធីរត់អបអរសាទរ ទិវាបុណ្យឯករាជ្យជាតិ លើកទី៧៣ (៩ វិច្ឆិកា ១៩៥៣ - ៩ វិច្ឆិកា ២០២៦) ចម្ងាយ ៥គីឡូម៉ែត្រ និង១០គីឡូម៉ែត្រ ក្រោមការផ្តួចផ្តើមគំនិតរៀបចំដោយ យូនីធី រ៉ាន់ក្លឹប មានកីឡាករ កីឡារិនី ចូលរួមសរុបចំនួន ១២០០នាក់។ ពិធីនេះ រៀបចំឡើង នាព្រឹកថ្ងៃទី០៨ ខែវិច្ឆិកា ឆ្នាំ២០២៦ នៅបរិវេណសួនវិមានឯករាជ្យ ក្រុងបាត់ដំបង។

បាត់ដំបង ៖ នៅក្នុងខណៈពេលដែលព្រះរាជាណាចក្រកម្ពុជា ក្នុងនាមជាប្រទេស ដែលមានប្រវត្តិសាស្ត្រដ៏យូរលង់ មានវប្បធម៌ អរិយធម៌ដ៏សម្បូរបែប និងមានមោទនភាពចំពោះសន្តិភាពនោះ តំណាងសិស្សានុសិស្ស គ្រូបង្រៀនភាសាបារាំង នៅវិទ្យាល័យព្រះមុនីវង្ស ខេត្តបាត់ដំបង បានសំដែងនូវការអបអរសាទរចំពោះប្រទេសកម្ពុជា ដែលបាននិងកំពុងត្រៀមខ្លួនធ្វើជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនី លើកទី២០ ឆ្នាំ២០២៦ ជាលើកដំបូង ក្នុងប្រវត្តិសាស្ត្ររបស់ខ្លួននៅរាជធានីភ្នំពេញ នាពេលខាងមុខនេះ ។

បាត់ដំបង៖ លោកស្រី មាស ភិរុណ អនុប្រធានមន្ទីរអប់រំ យុវជន និងកីឡាខេត្តបាត់ដំបង បានអញ្ជើញចូលរួមកិច្ចប្រជុំបូកសរុបវឌ្ឍនភាពស្តីពីការបង្រៀនមុខវិជ្ជាអប់រំជំងឺមិនឆ្លង សម្រាប់ឆ្នាំសិក្សា ២០២៦-២០២៧ និងពិភាក្សារៀបចំផែនការបន្ត ដើម្បីលើកកម្ពស់គុណភាពនៃការអនុវត្តកម្មវិធីឱ្យកាន់តែមានប្រសិទ្ធភាពថែមទៀត មុនពេលបញ្ចប់គម្រោង។

បាត់ដំបង ៖ មន្ទីរអប់រំយុវជន និងកីឡាខេត្តបាត់ដំបង នាថ្ងៃទី១ ខែវិច្ឆិកា ឆ្នាំ២០២៦ បានរៀបចំប្រារព្ធពិធីបើកបវេសនកាលឆ្នាំសិក្សាថ្មី ឆ្នាំ២០២៦-២០២៧ នៅវិទ្យាល័យសម្តេចឪ ក្រោមវត្តមានចូលរួមពីលោក ធូ ភា អភិបាលរងខេត្ត ជាតំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អ្នកពាក់ព័ន្ធ និងលោកគ្រូ អ្នកគ្រូ ព្រមទាំងសិស្សានុសិស្សមកពីវិទ្យាល័យនានា ក្នុងក្រុងបាត់ដំបង ខេត្តបាត់ដំបង ។

បាត់ដំបង៖ កាលពីថ្ងៃទី២៧ ខែតុលា ឆ្នាំ២០២៦ រដ្ឋបាលស្រុករតនមណ្ឌល ដឹកនាំដោយលោក នូវ ឫទ្ធី អភិបាលរងនៃគណៈអភិបាលស្រុករតនមណ្ឌល រួមជាមួយមន្ត្រីពាក់ព័ន្ធ បានអញ្ជើញចូលរួមពិនិត្យសម្ភារៈ និងស្វែងយល់អំពីវិធីសាស្ត្រប្រើប្រាស់ឧបករណ៍បច្ចេកវិទ្យាទំនើប ដែលត្រូវបានបំពាក់សម្រាប់បម្រើដល់ការសិក្សារបស់សិស្សានុសិស្ស ក្នុងពិធីប្រគល់ និងទទួលជាផ្លូវការបន្ទប់រៀនឆ្លាតវៃ (Smart Classroom) ជូនដល់គណៈគ្រប់គ្រងវិទ្យាល័យ ហ៊ុន សែន ត្រែង។

ខេត្តបាត់ដំបង៖ វគ្គបណ្តុះបណ្តាលស្តីពី «ការចិញ្ចឹមកូនបែបវិជ្ជមាន អាហារូបត្ថម្ភ និងការលើកកម្ពស់ស្ត្រី» ត្រូវបានរៀបចំពិធីបើកជាផ្លូវការ នាព្រឹកថ្ងៃទី២២ ខែតុលា ឆ្នាំ២០២៦ នៅសាលប្រជុំមន្ទីរកិច្ចការនារីខេត្តបាត់ដំបង ក្រោមអធិបតីភាព លោកស្រី អ៊ាន ណារៀង ប្រធានមន្ទីរកិច្ចការនារីខេត្តបាត់ដំបង។

បាត់ដំបង៖ សាកលវិទ្យាល័យជាតិបាត់ដំបង (NUBB) បានសហការជាមួយវិទ្យាស្ថានជាតិបារាំងសម្រាប់ការអភិវឌ្ឍប្រកបដោយចីរភាព (IRD) រៀបចំវគ្គបណ្តុះបណ្តាលរដូវក្តៅ ក្រោមប្រធានបទ «និរន្តរភាពនៃប្រព័ន្ធកសិអេកូឡូស៊ីដំណាំស្រូវ» ដែលប្រព្រឹត្តទៅចាប់ពីថ្ងៃទី២១ ដល់ថ្ងៃទី២៣ ខែតុលា ឆ្នាំ២០២៦ នេះដោយមានការចូលរួមពីអ្នកស្រាវជ្រាវវ័យក្មេង និស្សិត តំណាងអង្គការមិនមែនរដ្ឋាភិបាល និងស្ថាប័នពាក់ព័ន្ធមួយចំនួន មកពី៣ខេត្ត តាកែវ កណ្តាល និងបាត់ដំបង សរុប៣០នាក់។

ពិធីប្រគល់វិញ្ញាបនបត្របញ្ចប់ថ្នាក់បឋមសិក្សា មធ្យមសិក្សាបឋមភូមិ និងមធ្យមសិក្សាទុតិយភូមិ ឆ្នាំសិក្សា២០២៥ ២០២៦ ជូនដល់សិស្សានុសិស្ស នៃសាលាអន្តរជាតិបាត់ដំបង ក្រោមអធិបតីភាព ឯកឧត្តមបណ្ឌិត អ៊ុង បូរាត រដ្ឋលេខាធិការ នៃក្រសួងអប់រំ យុវជន និងកីឡា ដោយមានការចូលរួមពី ឯកឧត្តម លោកជំទាវ លោក លោកស្រី ភ្ញៀរកិត្តិយសជាតិ និងអន្តរជាតិ តំណាងមន្ទីរ ស្ថាប័នពាក់ព័ន្ធ ដៃគូសហការ គណៈគ្រប់គ្រងសាលា លោកគ្រូ អ្នកគ្រូ និងអ្នកអាណាព្យាបាលសិស្ស ដែលកម្មវិធីនេះធ្វើឡើងនាព្រឹកថ្ងៃទី២២ ខែតុលា ឆ្នាំ២០២៦ នៅសាលមហោស្រពស្ទឹងសង្កែ (អគារB) ក្រុងបាត់ដំបង ខេត្តបាត់ដំបង ។

បាត់ដំបង៖ ស្របពេលដែលស្ថានភាពជំនន់ទឹកភ្លៀងបានស្រកចុះជាបណ្តើរៗ នៅថ្ងៃពុធ ១កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ លោក យី សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង រួមជាមួយសហការី បានអញ្ជើញចុះសួរសុខទុក្ខលោកគ្រូ អ្នកគ្រូ និងសហគមន៍សាលាបឋមសិក្សាបានណន់ ស្ថិតក្នុងស្រុកបាណន់ ខេត្តបាត់ដំបង ព្រមទាំងពិនិត្យស្ថានភាពផលប៉ះពាល់ដែលសាលារៀនបាន និងកំពុងទទួលរងដោយសារជំនន់ទឹកភ្លៀងនាពេលកន្លងមក។

បាត់ដំបង៖ សិស្សានុសិស្សក្លឹបសិក្សាកម្មវិធី “មនសិការពលរដ្ឋល្អ” វិទ្យាល័យសម្តេចឪ ខេត្តបាត់ដំបង នាព្រឹកថ្ងៃទី២១ ខែតុលា ឆ្នាំ២០២៦ បានធ្វើទស្សនកិច្ចសិក្សា នៅស្ថានីយប្រព្រឹត្តកម្មទឹកកង្វក់ខាងកើតស្ទឹង ស្ថិតនៅក្នុងឃុំនរា ស្រុកសង្កែ ខេត្តបាត់ដំបង។ ក្នុងកម្មវិធីនេះ មានការអញ្ជើញចូលរួមពី លោកស្រី គឹម សុគន្ធារី អនុប្រធានមន្ទីរសាធារណៈការ និងដឹកជញ្ជូនខេត្តបាត់ដំបង និងមន្រ្តីជំនាញជាច្រើនរូបទៀត។

បាត់ដំបង៖ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានជំរុញឱ្យនិស្សិតត្រូវមានស្មារតីសិក្សាពេញមួយជីវិត ពោលគឺនៅតែបន្តខិតខំប្រឹងប្រែងសិក្សាស្រាវជ្រាវដុសខាត់ចំណេះដឹងបន្ថែមទៀតទោះបីជាបានបញ្ចប់ការសិក្សានៅសាកលវិទ្យាល័យ។ការជំរុញរបស់ឯកឧត្តមរដ្ឋមន្រ្តីធ្វើឡើងនៅក្នុងពិធីប្រគល់សញ្ញាបត្រជូននិស្សិតកម្រិតថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៃសាកលវិទ្យាល័យអន្តរជាតិ ឌូវី នៅថ្ងៃទី១៩ ខែតុលា ឆ្នាំ២០២៦។