ព័ត៌មានក្នុងខេត្ត

បាត់ដំបង ៖ មន្ត្រីជំនាញរបស់មូលដ្ឋានសុខាភិបាលសាធារណៈនៃមន្ទីរសុខាភិបាលនៃរដ្ឋបាលខេត្តបាត់ដំបង មានស្រុកប្រតិបត្តិបាត់ដំបង ថ្មគោល សង្កែ ឯកភ្នំ និងមោងឫស្សី បានបន្តសកម្មភាពចុះអប់រំសុខភាព ជូនស្ត្រីមានផ្ទៃពោះ មាតា អាណាព្យាបាល និងប្រជាពលរដ្ឋ ដែលមកទទួលសេវា នៅតាមគោលដៅពាក់ព័ន្ធ ។

បាត់ដំបង ៖ ក្រុមការងាររបស់មន្ទីរសុខាភិបាលនៃរដ្ឋបាលខេត្តបាត់ដំបង បន្តសកម្មភាពនៃការចុះបាញ់ថ្នាំ និងដាក់អាបេត នៅតាមប្រភពទឹកប្រើប្រាស់ក្នុងគ្រួសាររបស់ប្រជាពលរដ្ឋ ដើម្បីសម្លាប់ដង្កូវទឹក និងកាត់បន្ថយការបង្កាត់ពូជមូសខ្លា ដែលជាភ្នាក់ងារចម្លងជំងឺគ្រុនឈាម ។

បាត់ដំបង ៖ មន្ត្រីជំនាញនៃមន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំសកម្មភាពថតសួត ដោយម៉ាស៊ីនថតសួត Digital ចល័ត (AI) ជូនប្រជាពលរដ្ឋ នៅភូមិដូង និងភូមិអូរចំបក់ ស្ថិតក្រោមមណ្ឌលសុខភាពត្រាង ឃុំត្រាង ស្រុកកំរៀង ខេត្តបាត់ដំបង ដើម្បីស្វែងរកជំងឺរបេង ក្នុងការព្យាបាលបានទាន់ពេលវេលាជូនដល់អ្នកមានជំងឺរបេង ។

បាត់ដំបង ៖ ប្រធានមន្ទីរសុខាភិបាលនៃរដ្ឋបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានធ្វើការអំពាវនាវហើយអំពាវនាវទៀត ដល់ប្រជាពលរដ្ឋទូទៅ សូមចូលរួមសម្អាតអនាម័យបរិស្ថាននៅជុំវិញលំនៅឋានឱ្យបានស្អាត ដើម្បីបំបាត់ជម្រកមូសខ្លា ក្នុងការទប់ស្កាត់ការឆ្លងជំងឺគ្រុនឈាម ។

បាត់ដំបង ៖ នៅក្នុងខណៈពេលដែលជំងឺគ្រុនឈាមកំពុងតែមានការកើតឡើងជាបន្តបន្ទាប់នោះ កម្មវិធីជាតិប្រយុទ្ធនឹងជំងឺគ្រុនឈាម សហការជាមួយមន្ទីរសុខាភិបាលនៃរដ្ឋបាលខេត្តបាត់ដំបង បានចុះពង្រឹងការអប់រំសុខភាព និងលុបបំបាត់ជម្រកបង្កាត់ពូជមូសខ្លា ដើម្បីទប់ស្កាត់ជំងឺគ្រុនឈាម នៅតាមតំបន់គោលដៅ ក្នុងខេត្តបាត់ដំបង ។

បាត់ដំបង ៖ មជ្ឈមណ្ឌលជាតិគាំពារមាតា និងទារក សហការជាមួយមន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំបើកវគ្គបណ្តុះបណ្តាលស្តីពីការបំពេញកំណត់ត្រាពិនិត្យផ្ទៃពោះមុនសម្រាល ជូនដល់វេជ្ជបណ្ឌិត ឆ្មប និងគិលានុបដ្ឋាក ដែលបម្រើការងារនៅតាមមូលដ្ឋានសុខាភិបាលសាធារណៈក្នុងខេត្តបាត់ដំបង ។

បាត់ដំបង ៖ ប្រធានក្រុមការងារចុះមូលដ្ឋានភូមិ ចំនួន២ គឺភូមិដាក់សសរ និងភូមិបឹងរាំង នៃសង្កាត់អូរម៉ាល់ ក្រុងបាត់ដំបង លោក សុវណ្ណ វិទិត្យា បានណែនាំដល់ប្រជាពលរដ្ឋ ក្នុងសហគមន៍ឱ្យថែរក្សាសុខភាពឱ្យបានល្អ ពិសេសត្រូវសម្អាតអនាម័យបរិស្ថាន និងលុបបំបាត់ប្រភពជម្រកមូសពងកូននៅជុំវិញផ្ទះ ដើម្បីទប់ស្កាត់ជំងឺគ្រុនឈាម ។

បាត់ដំបង ៖ ប្រធានមន្ទីរសុខាភិបាលនៃរដ្ឋបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានបញ្ជាក់ថា ការពង្រឹងវិជ្ជាជីវៈគ្រូពេទ្យ ការចុះបញ្ជីក្នុងគណៈវិជ្ជាជីវៈ គឺជាកាតព្វកិច្ច និងជាកិត្តិយស សម្រាប់អ្នកប្រកបវិជ្ជាជីវៈវេជ្ជសាស្ត្រ ក្នុងការលើកកម្ពស់គុណភាព និងសុវត្ថិភាពសេវាសុខាភិបាល នៅតាមមូលដ្ឋានសុខាភិបាលសាធារណៈ និងឯកជន ក្នុងខេត្តបាត់ដំបង ។

បាត់ដំបង ៖ ការិយាល័យសុខាភិបាលស្រុកប្រតិបត្តិថ្មគោល សហការជាមួយមណ្ឌលសុខភាពបវេល២ និងអាជ្ញាធរមូលដ្ឋាន បានចុះអន្តរាគមន៍បាញ់ថ្នាំសម្លាប់មូសខ្លា នៅភូមិព្រៃតាឡូញ ឃុំបវេល ស្រុកបវេល ខេត្តបាត់ដំបង ដើម្បីទប់ស្កាត់ជំងឺគ្រុនឈាម និងជំងឺគ្រុនឈីក ។ តាមប្រភពព័ត៌មានតាមផេក Facbook ផ្លូវការរបស់ឱសថបណ្ឌិត វឿង ប៊ុនរ៉េត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង ដែលក្រុមការងារទូរទស្សន៍ជាតិកម្ពុជា ខេត្តបាត់ដំបង ទទួលបាននាថ្ងៃទី២៤ ខែកក្កដា ឆ្នាំ២០២៦ បានបញ្ជាក់ថា កិច្ចអន្តរាគមន៍នេះ បានធ្វើឡើងដោយមានការចូលរួមពីលោក លួត សាលី អភិបាលនៃគណៈអភិបាលស្រុកបវេល មន្ត្រីការិយាល័យសុខាភិបាលស្រុកប្រតិបត្តិថ្មគោល ប្រធានមណ្ឌលសុខភាពបវេល២ តំណាងការិយាល័យជំនាញនានា អាជ្ញាធរឃុំ ភូមិ និងភាគីពាក់ព័ន្ធជាច្រើនទៀត ។

បាត់ដំបង៖ ឯកឧត្តម ហោ សារុន រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ នាព្រឹកថ្ងៃទី១០ ខែកក្កដា ឆ្នាំ២០២៦ បានអញ្ជើញបើកសិក្ខាសាលា ស្តីពី “ការបង្ការទប់ស្កាត់ ការរីករាលដាលនៃមេរោគអេដស៍/ជំងឺអេដស៍ ក្នុងវិស័យទេសចរណ៍” ដែលប្រព្រឹត្តទៅនៅសាលប្រជុំសណ្ឋាគារប្រេស៊ីដង់ ក្រុងបាត់ដំបង ដោយមានការចូលរួមពី ឯកឧត្តមបណ្ឌិត ឈឹម ឃិនដារ៉េត អគ្គលេខាធិការអាជ្ញាធរជាតិ ប្រយុទ្ធនឹងជំងឺអេដស៍ តំណាងដ៏ខ្ពង់ខ្ពស់ឯកឧត្តម អៀង មូលី ទេសរដ្ឋមន្ត្រី ប្រធានអាជ្ញាធរជាតិប្រយុទ្ធនឹងជំងឺអេដស៍ លោក ពិន ប្រាកដ អភិបាលរងខេត្តបាត់ដំបង តំណាង ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោក លោកស្រី មកពីបណ្តាមន្ទីរអង្គភាពនានា ក្នុងខេត្ត។

បាត់ដំបង ៖ ប្រធានមន្ទីរសុខាភិបាលនៃរដ្ឋបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានអំពាវនាវដល់ប្រជាពលរដ្ឋទូទៅ សូមចូលរួមលុបបំបាត់ប្រភពទឹកដក់ ដែលជាជម្រកមូសខ្លាពងកូន ដើម្បីបង្ការទប់ស្កាត់ជំងឺគ្រុនឈាម និងជំងឺឈីកុនហ្គុនយ៉ា ។ សារអំពាវនាវនេះ ធ្វើឡើងតាមរយៈ ផេក Facbook ផ្លូវការរបស់លោកផ្ទាល់ ដែលក្រុមការងារទូរទស្សន៍ជាតិកម្ពុជា ខេត្តបាត់ដំបង ទទួលបាននាថ្ងៃទី១០ ខែកក្កដា ឆ្នាំ២០២៦ នេះ ។

បាត់ដំបង ៖ ក្រុមការងារសង្គ្រោះបឋម និងសង្គ្រោះបន្ទាន់ នៃមន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំវគ្គបណ្តុះបណ្តាលស្តីពី «ការសង្គ្រោះបឋម និងការឆ្លើយតបបន្ទាន់» ជូនដល់បុគ្គលិកក្រុមហ៊ុន ស៊ីធី រ៉ាយស៍ អ៊ីមផត អិចផត ឌូ អិលធីឌី (ម៉ាស៊ីនកិន និងសម្ងួតស្រូវ) ស្ថិតក្នុងស្រុកថ្មគោល ខេត្តបាត់ដំបង។