ព័ត៌មានក្នុងខេត្ត

បាត់ដំបង: អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង រសៀលថ្ងៃព្រហស្បតិ៍ ទី២៧ ខែសីហា ឆ្នាំ២០២៦ ក្រុមការងារអនុសាខាកាកបាទក្រហមកម្ពុជា ស្រុកគាស់ក្រឡ ដឹកនាំដោយលោក ញឹក សារ៉ែន អភិបាលស្រុកគាស់ក្រឡ និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុក និងសហការី បាននាំយកគ្រឿងឧបភោគបរិភាគ ចុះសួរសុខទុក្ខគ្រួសារក្រីក្រ មានជីវភាពខ្វះខាត ចាស់ជរា ជនមានពិការភាព គ្រួសារទីទ័លក្រ ចំនួន ៥គ្រួសារ មកពីភូមិចំនួនពីរ ក្នុងឃុំហប់ ស្រុកគាស់ក្រឡ ខេត្តបាត់ដំបង។

សំពៅលូន ៖នៅថ្ងៃទី២៧ ខែសីហា ឆ្នាំ២០២៦រដ្ឋបាលស្រុកសំពៅលូន បានរៀបចំវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាស្រុក អាណត្តិទី៤ ឆ្នាំ២០២៦ នៅក្នុងបរិវេណសាលាស្រុក ក្រោមអធិបតីភាព លោក ផុន ផែន ប្រធានក្រុមប្រឹក្សាស្រុក និងលោក ហម សំខាន់ អភិបាលនៃគណៈអភិបាលស្រុកដោយមានការអញ្ជើញចូលរួមពីសំណាក់សមាជិកក្រុមប្រឹក្សាស្រុក គណៈអភិបាលស្រុក កងកម្លាំងប្រដាប់អាវុធ មេឃុំ មេភូមិ អាជីវករ និងបងប្អូនប្រជាពលរដ្ឋប្រមាណ ២៣០នាក់ដែលនាំឱ្យពិធីនេះប្រព្រឹត្តទៅដោយមានចូលរួមយ៉ាងច្រើនកុះករ។

បាត់ដំបង: ក្រោយទទួលបានព័ត៌មានពីបណ្តាញសង្គម នៅថ្ងៃទី២៦ ខែសីហា ឆ្នាំ២០២៦ លោក ឡុង សុភឺន ប្រធានស្តីទីគណៈកម្មាធិការអនុសាខាកាកបាទក្រហមកម្ពុជា ស្រុកមោងឫស្សី និងសហការី បានចុះទៅជួបលោកយាយទុគ៌តម្នាក់ មានវ័យចំណាស់ ហើយចិញ្ចឹមចៅប្រុសម្នាក់ និងបាននាំយកអំណោយមនុស្សធម៌ របស់អនុសាខាកាកបាទក្រហមកម្ពុជាស្រុក ប្រគល់ជូនលោកយាយ ដើម្បីសម្រាលជីវភាពរស់នៅប្រចាំថ្ងៃ។

រសៀលថ្ងៃទី ២៦ ខែសីហា ឆ្នាំ២០២៦ កន្លងទៅនេះ លោក សុំ សុភ័ក្រ្ត អភិបាលនៃគណៈអភិបាលស្រុកភ្នំព្រឹក ខេត្តបាត់ដំបង និងមន្ត្រីរដ្ឋបាល លោក ហេង ហឿន មេឃុំពេជ្រចិន្តា បានអញ្ជើញចុះសួរសុខទុក្ខ និងប្រគល់ថវិកាចំនួន ១,២៥០,០០០ រៀល ជូនភរិយាលោក សំ ថីម អនុប្រធានការិយាល័យសង្គមកិច្ច និងសុខុមាលភាពសង្គម នៃរដ្ឋបាលស្រុកភ្នំព្រឹក ដែលទើបសម្រាលកូនថ្មីៗ។

បាត់ដំបង ៖ កាលពីរសៀលថ្ងៃទី ២៥ ខែសីហា ឆ្នាំ ២០២៦ អនុសាខាកាកបាទក្រហមកម្ពុជាស្រុកឯកភ្នំ ដឹកនាំដោយលោក ប៊ី សុភាព ប្រធានគណៈកម្មាធិការអនុសាខា និងលោក ហឿន ឌឿ អនុប្រធានគណៈកម្មាធិការអនុសាខា ព្រមទាំងសហការី បានចុះសួរសុខទុក្ខ និងនាំយកអំណោយមនុស្សធម៌ទៅផ្តល់ជូនលោកយាយ ណយ ទុំ អាយុ ៩៦ ឆ្នាំ ដែលកំពុងមានជរាពាធ និងសម្រាកព្យាបាលនៅគេហដ្ឋាន ភូមិស្នាពីមុខ ឃុំព្រែកខ្ពប ស្រុកឯកភ្នំ ខេត្តបាត់ដំបង។

បាត់ដំបង៖ នៅថ្ងៃទី២៥ ខែសីហា ឆ្នាំ២០២៦ ក្រុមការងារអនុសាខាកាកបាទក្រហមកម្ពុជាស្រុកមោងឬស្សី ដឹកនាំដោយលោក ឡុង សុភឺន ប្រធានគណៈកម្មាធិការអនុសាខា និងសហការី បានអញ្ជើញជួបសំណេះសំណាលសាកសួរសុខទុក្ខ និងនាំយកអំណោយមនុស្សធម៌ របស់សប្បុរសជន តាមរយៈអនុសាខាកាកបាទក្រហមកម្ពុជាស្រុក ផ្តល់ជូនប្រជាពលរដ្ឋ ងាយរងគ្រោះ (ចាស់ជរា ស្រ្តីមេម៉ាយកូនច្រើន គ្រួសាទីទ័លក្រ ដើម្បីសម្រាលជីវភាព រស់នៅប្រចាំថ្ងៃ ចំនួន៦គ្រួសារ មកពីភូមិចំនួនពីរ ក្នុងឃុំរបស់មង្គល ស្រុកមោងឫស្សី ខេត្តបាត់ដំបង។

ខេត្តបាត់ដំបង៖ អនុវត្តតាមបទបញ្ជារបស់លោក លាង វាសនា អភិបាលនៃគណៈអភិបាលក្រុងបាត់ដំបង នៅថ្ងៃទី១៩ ខែសីហា ឆ្នាំ២០២៦ លោក ស៊ិន ណាវុធ អភិបាលរងក្រុង បានអញ្ជើញដឹកនាំកិច្ចប្រជុំណែនាំស្តីពីការរៀបចំសណ្តាប់ធ្នាប់ និងការដាក់តាំងទំនិញលក់ដូរ នៅសាលាសង្កាត់ចំការសំរោង។

បាត់ដំបង ៖ នៅព្រឹកថ្ងៃទី ១៨ ខែសីហា ឆ្នាំ ២០២៦ អាជ្ញាធរឃុំធិបតី បានសម្រេចបញ្ចប់ករណីតវ៉ា ពាក់ព័ន្ធនឹងការកាយលូ ១០ កង់ឆ្លងកាត់ប្រឡាយចូលផ្ទះ និងស្រែរបស់ប្រជាពលរដ្ឋម្នាក់ គឺលោក ណៃ សុខន នៅភូមិរ៉ា ឃុំធិបតី។

បាត់ដំបង៖ នៅព្រឹកថ្ងៃទី១៧ ខែសីហា ឆ្នាំ២០២៦ ក្រុមការងារអនុសាខាកាកបាទក្រហមកម្ពុជាស្រុកមោងឬស្សី ដឹកនាំដោយលោក ឡុង សុភឺន ប្រធានស្តីទីគណៈកម្មាធិការអនុសាខា ព្រមទាំងសហការី បានអញ្ជើញជួបសំណេះសំណាលសួរសុខទុក្ខ និងនាំយកអំណោយមនុស្សធម៌របស់សប្បុរសជន តាមរយៈអនុសាខាកាកបាទក្រហមកម្ពុជា ស្រុក ផ្តល់ជូនប្រជាពលរដ្ឋរងគ្រោះ ដោយខ្យល់កន្រ្តាក់បណ្ដាលឲ្យប៉ើងតំបូលផ្ទះចំនួន២គ្រួសារ (២ខ្នងផ្ទះ) មកពីភូមិចំនួន២ក្នុង ឃុំព្រៃតូច ស្រុកមោងឬស្សី ខេត្តបាត់ដំបង។

បាត់ដំបង៖ លោក ផល សារី មេឃុំធិបតី ស្រុកគាស់ក្រឡ បានឱ្យដឹងថា នៅដើមសប្តាហ៍នេះ លោកនឹងចុះទៅពិនិត្យទីតាំងផ្ទាល់ និងចេញលិខិតអញ្ជើញភាគីពាក់ព័ន្ធ និងប្រជាពលរដ្ឋមកសម្រុះសម្រួល ដោះស្រាយករណីកាយលូ និងផ្លូវឆ្លងកាត់ប្រឡាយមួយកន្លែង នៅភូមិរ៉ា ឃុំធិបតី ស្រុកគាស់ក្រឡ ខេត្តបាត់ដំបង។

ខេត្តបាត់ដំបងៈ អនុវត្តតាមអនុសាសន៍ របស់ឯកឧត្តម សុខ លូ អភិបាលខេត្តនិងជាប្រធានគណ:កម្មាធិការ សាខាកាកបាទក្រហមកម្ពុជាខេត្តបាត់ដំបង នៅព្រឹកថ្ងៃទី១៦ ខែសីហា ឆ្នាំ២០២៦ ក្រុមការងារអនុសាខា កាកបាទក្រហមកម្ពុជាក្រុងបាត់ដំបង ដឹកនាំដោយលោក លាង វាសនា អភិបាលក្រុងបាត់ដំបង និងជាប្រធានគណៈកម្មាធិការអនុសាខាកាកបាទក្រហមកម្ពុជាក្រុង និងសហការី បានចុះសួរសុខទុក្ខ និងនាំយកអំណោយ មនុស្សធម៌ របស់សប្បុរសជនតាមរយៈអនុសាខាទៅផ្តល់ ជូនប្រជាពលរដ្ឋ‌ ដែលរងគ្រោះដោយអគ្គិភ័យ ចំនួន ២គ្រួសារ(២ខ្នងផ្ទះ) រងគ្រោះ កាលពីថ្ងៃទី១៥ខែសីហា ឆ្នាំ២០២៦ ស្ថិតនៅភូមិ វត្តរំដួល សង្កាត់ចំការសំរោង ក្រុងបាត់ដំបងខេត្តបាត់ដំបង។

បាត់ដំបង៖ មន្ត្រីជំនាញនៃស្នងការដ្ឋាននគរបាលខេត្តបាត់ដំបង បានឱ្យដឹងថា ក្នុងរយៈពេល ៩ ខែ ដើមឆ្នាំ ២០២៦ សមត្ថកិច្ចបានបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ជូនប្រជាពលរដ្ឋអាយុចាប់ពី ១៥ ឆ្នាំឡើង ចំនួន ១៨,០៦៩ នាក់ (ប្រុស ៧,១៥៩ នាក់)។ ក្នុងនោះ រួមមានព្រះសង្ឃចំនួន ១០ អង្គ និងប្រជាពលរដ្ឋចំណាកស្រុកមកពីខេត្តផ្សេងៗចំនួន ៥ នាក់។