ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិសន្ទនាមតិ
សកម្មភាពថ្នាក់ដឹកនាំ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ប្រតិភូកាកបាទក្រហមកម្ពុជា អញ្ជើញចូលរួមគោរពវិញ្ញាណក្ខន្ធ សពលោកព្រឹន្ទបាលឯក ភិន លីណាន់ យុទ្ធជនក្រុម២ វរសេនាតូច ៣៧១ កងពលតូចអន្តរាគមន៍លេខ៧ កងទ័ពជើងគោក នៅស្រុកថ្មគោល ខេត្តបាត់ដំបង
បាត់ដំបង៖ នៅរសៀលថ្ងៃទី១៤ ខែវិច្ឆិកា ឆ្នាំ២០២៦ លោកជំទាវ ហួត ច័ន្ទង នាយិកានាយកដ្ឋានទំនាក់ទំនង និងក្រុមការងារ រួមដំណើដោយឯកឧត្តម ផេង សិទ្ធី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តបាត់ដំបង ព្រមទាំងនាយកសាខា អនុសាខាកាកបាទក្រហមកម្ពុជាស្រុកថ្មគោល បានអញ្ជើញចូលរួមរំលែកទុក្ខដ៏ក្រៀមក្រំបំផុត និងនាំយកគ្រឿងឧបភោគបរិភោគ ថវិកាមួយចំនួន ព្រមទាំងលិខិតចូលរួមរំលែកទុក្ខ របស់សម្តេចកិត្តិព្រឹទ្ធបណ្ឌិតប្រធាន ជូនក្រុមគ្រួសារ នៃសពព្រឹន្ទបាលឯក ភិន លីណាន់ យុទ្ធជនក្រុម២ វរសេនាតូច ៣៧១ កងពលតូចអន្តរាគមន៍លេខ៧ កងទ័ពជើងគោក ដែលបានពលីជីវិត កាលពីថ្ងៃព្រហស្បតិ៍ ៣កើត ខែកត្តិក ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែវិច្ឆិកា ឆ្នាំ២០២៦ ក្នុងបុព្វហេតុការពារបូរណភាព ទឹកដីតាមបណ្តោយព្រំដែនកម្ពុជា-ថៃ។
សកម្មភាពថ្នាក់ដឹកនាំ
ក្រសួងអភិវឌ្ឍន៍ជនបទ បើកវគ្គបណ្តុះបណ្តាលពង្រឹងសមត្ថភាពគ្រប់គ្រងកម្មវិធីដល់ក្រុមការងារបច្ចេកទេសវិស័យទឹកស្អាត និងអនាម័យជនបទនៅខេត្តបាត់ដំបង
បាត់ដំបង៖ ក្រសួងអភិវឌ្ឍន៍ជនបទ សហការជាមួយមន្ទីរអភិវឌ្ឍន៍ជនបទខេត្តបាត់ដំបង បានបើកវគ្គបណ្តុះបណ្តាលស្តីពី «ការគ្រប់គ្រងកម្មវិធីសម្រាប់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ខេត្ត» ដែលប្រារព្ធធ្វើឡើងនៅមន្ទីរអភិវឌ្ឍន៍ជនបទខេត្តបាត់ដំបង កាលពីថ្ងៃទី១២ ខែវិច្ឆិកា ឆ្នាំ២០២៦ ក្រោមអធិបតីភាព លោក មូល ធន អភិបាលរងខេត្តបាត់ដំបង តំណាង ឯកឧត្តម សុខ លូ អភិបាលខេត្តបាត់ដំបង។
សកម្មភាពថ្នាក់ដឹកនាំ
ថ្នាក់ដឹកនាំ មន្ត្រីរាជការ និងប្រជាពលរដ្ឋ បានប្តូរ Facbook Profile របស់ខ្លួន ដើម្បីបង្ហាញនូវការអបអរសាទរ ខណៈដែលប្រទេសកម្ពុជា បានធ្វើជាម្ចាស់ផ្ទះ នៃកិច្ចប្រជុំកំពូលហ្វ្រង់កូហ្វូនី លើកទី២០ ឆ្នាំ២០២៦
បាត់ដំបង ៖ មួយរយៈពេលចុងក្រោយនេះ ពោលគឺនៅមុនថ្ងៃចូលមកដល់នៃកិច្ចប្រជុំកំពូលហ្វ្រង់កូហ្វូនី លើកទី២០ ឆ្នាំ២០២៦ ដែលប្រទេសកម្ពុជា ធ្វើជាម្ចាស់ផ្ទះនោះ សង្កេតឃើញនៅតាមបណ្តាញទំនាក់ទំនងសង្គម Facbook មានទាំងថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធទាំង៣ប្រភេទ ព្រមទាំងប្រជាពលរដ្ឋ នៅទូទាំងព្រះរាជាណាចក្រកម្ពុជា បានធ្វើការផ្លាស់ប្តូរ Facbook Profile របស់ខ្លួនជាបន្តបន្ទាប់ ។
សកម្មភាពថ្នាក់ដឹកនាំ
អភិបាលខេត្តបាត់ដំបង ៖ ទិវាបុណ្យឯករាជ្យជាតិ ៩ វិច្ឆិកា រម្លឹកដល់ប្រជាជនខ្មែរគ្រប់រូបឱ្យបន្តរួបរួមសាមគ្គីគ្នា ថែរក្សាសុខសន្តិភាព ឯកភាពជាតិ និងអធិបតេយ្យភាពជាតិ
បាត់ដំបង ៖ អភិបាលខេត្តបាត់ដំបង ឯកឧត្តម សុខ លូ បានលើកបង្ហាញឱ្យដឹងថា ទិវាបុណ្យឯករាជ្យជាតិ និងទិវាកំណើតនៃកងយោធពលខេមរភូមិន្ទ ៩ វិច្ឆិកា បានរម្លឹកដល់ប្រជាជនខ្មែរគ្រប់រូប ឱ្យបន្តរួបរួមសាមគ្គីគ្នា ថែរក្សាសុខសន្តិភាព ឯកភាពជាតិ និងអធិបតេយ្យភាពជាតិ ព្រមទាំងចូលរួមអភិវឌ្ឍប្រទេសជាតិឱ្យកាន់តែរីកចម្រើនរុងរឿង ។
សកម្មភាពថ្នាក់ដឹកនាំ
រដ្ឋបាលខេត្តបាត់ដំបងប្រារព្ធពិធីអបអរសាទរខួបអនុស្សាវរីយ៍លើកទី៧៣ នៃទិវាបុណ្យឯករាជ្យជាតិ ៩ វិច្ឆិកា
បាត់ដំបង៖ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានដឹកនាំមន្រ្តីរាជការ កងកម្លាំងប្រដាប់អាវុធ លោកគ្រូអ្នកគ្រូ យុវជន និងសិស្សានុសិស្សប្រារព្ធពិធីអបអរសាទរខួបអនុស្សាវរីយ៍លើកទី៧៣នៃទិវាបុណ្យឯករាជ្យជាតិ ៩ វិច្ឆិកា (៩ វិច្ឆិកា ១៩៥៣-៩ វិច្ឆិកា ២០២៦) និងទិវាកំណើតកងយោធពលខេមរភូមិន្ទ។ពិធីនេះធ្វើឡើងនៅថ្ងៃទី៩ ខែវិច្ឆិកា ឆ្នាំ២០២៦ នៅបរិវេណវិមានឯករាជ្យ ក្រុងបាត់ដំបង។
សកម្មភាពថ្នាក់ដឹកនាំ
រដ្ឋបាលស្រុកសំឡូត ផ្តល់ទិន្នន័យជូនលេខាធិការដ្ឋានកិច្ចការព្រំដែន សម្រាប់សិក្សាគម្រោងអភិវឌ្ឍន៍តំបន់ព្រំដែន
បាត់ដំបង៖ លោក ហ៊ុន ធឿន អភិបាលនៃគណៈអភិបាលស្រុកសំឡូត ខេត្តបាត់ដំបង បានដឹកនាំក្រុមការងាររដ្ឋបាលស្រុក ជួបពិភាក្សា និងសម្ភាសន៍ជាមួយគណៈប្រតិភូនៃលេខាធិការដ្ឋានកិច្ចការព្រំដែន ដឹកនាំដោយឯកឧត្តម សុំ សុខម្លូ រដ្ឋលេខាធិការនៃលេខាធិការដ្ឋានកិច្ចការព្រំដែន ដើម្បីផ្តល់ទិន្នន័យសម្រាប់ការសិក្សាបុរេសមិទ្ធិលទ្ធភាព ក្នុងការរៀបចំគម្រោងអភិវឌ្ឍន៍សាកល្បងនៅតំបន់ព្រំដែន។
សកម្មភាពថ្នាក់ដឹកនាំ
ធនាគារពិភពលោក និង គ.ជ.អ.ប. ចុះពិនិត្យ និងវាយតម្លៃវឌ្ឍនភាពការងារគណនេយ្យភាពសង្គម នៅស្រុកបវេល ខេត្តបាត់ដំបង
បាត់ដំបង៖ ឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានគ្រប់គ្រងគម្រោងគណនេយ្យភាពសង្គម នៃលេខាធិការដ្ឋាន គ.ជ.អ.ប. បានដឹកនាំគណៈប្រតិភូជាតិ និងអន្តរជាតិ ចុះបំពេញបេសកកម្មគាំទ្រការអនុវត្តគម្រោងលើកទី១២ របស់ធនាគារពិភពលោក (World Bank) ស្តីពីគម្រោងគណនេយ្យភាពសង្គម នៅឃុំខ្នាចរមាស ស្រុកបវេល ខេត្តបាត់ដំបង នាថ្ងៃទី៤ ខែវិច្ឆិកា ឆ្នាំ២០២៦។
សកម្មភាពថ្នាក់ដឹកនាំ
នាយឧត្តមសេនីយ៍ សេង យូអ៊ាន់ នាំយកពូជស្រូវជាអំណោយរបស់សម្តេចធិបតីនាយករដ្ឋមន្ត្រីផ្ដល់ជូនកសិករ ១,៨៦២ គ្រួសារនៅស្រុកឯកភ្នំ
បាត់ដំបង៖នៅថ្ងៃទី៤ ខែវិច្ឆិកា ឆ្នាំ២០២៦ លោក ប៊ី សុភាព អភិបាលនៃគណៈអភិបាលស្រុកឯកភ្នំ បានអញ្ជើញអមដំណើរ ឯកឧត្តមនាយឧត្តមសេនីយ៍ សេង យូអ៊ាន់ អគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកឯកភ្នំ ចុះចែកពូជស្រូវដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈប្រព័ន្ធស្បៀងបម្រុងកម្ពុជា។
សកម្មភាពថ្នាក់ដឹកនាំ
ឯកឧត្តម សុខ លូ ទទួលជួបសម្តែងការគួរសម និងពិភាក្សាការងារ ជាមួយប្រតិភូក្រុមហ៊ុន អាស៊ាន ហ្គេតវេ ខបភើរ៉េសិន (Asian Gateway Corporation) ដើម្បីបង្ហាញអំពីគម្រោងសួនឧស្សាហកម្មស្រូវអង្ករខេត្តបាត់ដំបង
ឯកឧត្តម សុខ លូ អភិបាល នៃគណៈអភិបាលខេត្តបាត់ដំបងបានអញ្ជើញទទួលជួបសម្តែងការគួរសម និងពិភាក្សាការងារ ជាមួយប្រតិភូក្រុមហ៊ុន អាស៊ាន ហ្គេតវេ ខបភើរ៉េសិន (Asian Gateway Corporation) ដើម្បីបង្ហាញអំពីគម្រោងសួនឧស្សាហកម្មស្រូវអង្ករខេត្តបាត់ដំបង និងការពិភាក្សាលើអនុស្សរណៈនៃការយោគយល់គ្នារវាងរដ្ឋបាលខេត្តបាត់ដំបង និង ក្រុមហ៊ុន Asian Gateway Corporation នាពេលខាងមុខ នៅសាលាប្រជុំសាលាខេត្តបាត់ដំបង នារសៀលថ្ងៃទី៤ ខែវិច្ឆិកា ឆ្នាំ២០២៦។
សកម្មភាពថ្នាក់ដឹកនាំ
ក្រុមការងារសាខាកាកបាទក្រហមកម្ពុជាខេត្តបាត់ដំបង ចុះពិនិត្យវឌ្ឍន៍ភាព ការងារសាងសងផ្ទះមនុស្សធម៌ចំនួន ២ខ្នង ក្នុងក្រុងបាត់ដំបង និងស្រុកសង្កែ
បាត់ដំបង: នាថ្ងៃទី៤ ខែវិច្ឆិកា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានចាត់តាំង ឯកឧត្តម ផេង សិទ្ធី អនុប្រធានអចិន្ត្រៃយ៍គណៈកម្មាធិការសាខា ដោយមានការចូលរួមពីឯកឧត្តម ទីន សារ៉ាវុធ អភិបាលរងខេត្ត និង អមដំណើរដោយលោកនាយកសាខា និងក្រុមការងារ បានចុះពិនិត្យផ្ទាល់ពីវឌ្ឍនភាពនៃការសាងសង់ «ផ្ទះមនុស្សធម៌» ចំនួន ២ខ្នង ស្មើនឹង ២គ្រួសារ ស្ថិតនៅសង្កាត់អូចារ ក្រុងបាត់ដំបង និងឃុំតាប៉ុន ស្រុកសង្កែ ដើម្បីត្រៀមរៀបចំពិធីប្រគល់-ទទួលជាផ្លូវការនាពេលខាងមុខដ៏ខ្លីនេះ។
សកម្មភាពថ្នាក់ដឹកនាំ
ឯកឧត្តម សុខ លូ អញ្ជើញជាអធិបតីក្នុងពិធីសំណេះសំណាល និងជូនដំណើរប្រជាពលរដ្ឋត្រូវចូលបំពេញកាតព្វកិច្ចយោធាទៅសាលាហ្វឹកហ្វឺនកងទ័ព
បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អញ្ជើញជាអធិបតីក្នុងពិធីសំណេះសំណាល និងជូនដំណើរប្រជាពលរដ្ឋត្រូវចូលបំពេញកាតព្វកិច្ចយោធាទៅសាលាហ្វឹកហ្វឺនកងទ័ព ដែលពិធីនេះធ្វើឡើងនៅថ្ងៃទី៤ ខែវិច្ឆិកា ឆ្នាំ២០២៦ នៅទីបញ្ជាការតំបន់ប្រតិបត្តិការសឹករងខេត្តបាត់ដំបង។
សកម្មភាពថ្នាក់ដឹកនាំ
ឯកឧត្តម សុខ លូ បន្តនាំយកពូជស្រូវជាអំណោយរបស់សម្ដេចធិបតីនាយករដ្ឋមន្រ្តីផ្ដល់ជូនកសិករ ៨៩៩គ្រួសារបន្ថែមទៀតនៅស្រុកសង្កែ
បាត់ដំបង៖នៅថ្ងៃទី៣ ខែវិច្ឆិកា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបងនាំយកពូជស្រូវដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈប្រព័ន្ធស្បៀងបម្រុងកម្ពុជាផ្ដល់ជូនដល់ប្រជាកសិករចំនួន៨៩៩គ្រួសារ ក្នុងឃុំអន្លង់វិល ឃុំកំពង់ព្រៀង និងឃុំកំពង់ព្រះ ស្រុកសង្កែ ខេត្តបាត់ដំបង ដើម្បីជួយសម្រួលដល់ការបង្កបង្កើនផលស្តារឡើងវិញបន្ទាប់ពីរងផលប៉ះពាល់ដោយជំនន់ទឹកភ្លៀង។
សកម្មភាពថ្នាក់ដឹកនាំ
ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង ចាត់តំណាងចុះសួរសុខទុក្ខ និងនាំយកអំណោយមនុស្សធម៌ ឧបត្ថម្ភជូនគ្រួសារ ដែលមានពិការភាពដៃទាំងសងខាង នៅស្រុកថ្មគោល
ខេត្តបាត់ដំបង៖ ក្រោយពីបានទទួលព័ត៌មានតាមបណ្តាញសង្គម ហ្វេសប៊ុក (Facebook) ពាក់ព័ន្ធនឹងស្ថានភាពជីវភាពរស់នៅ របស់គ្រួសារ លោក អ៊ួន ដានឿន, ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត នៅព្រឹកថ្ងៃទី០៣ ខែវិច្ឆិកា ឆ្នាំ២០២៦ បានចាត់ឱ្យ ឯកឧត្តម ផេង សិទ្ធី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្ត និងសហការី រួមជាមួយមន្ត្រីអនុសាខាកាកបាទក្រហមកម្ពុជាស្រុកថ្មគោល ចុះសួរសុខទុក្ខ និងពិនិត្យមើលស្ថានភាព រស់នៅផ្ទាល់ របស់គ្រួសារប្រជាពលរដ្ឋរងគ្រោះខាងលើ ដែលស្ថិតនៅភូមិកោងកាង ឃុំបន្សាយត្រែង ស្រុកថ្មគោល ខេត្តបាត់ដំបង ដើម្បីផ្តល់ការឧបត្ថម្ភ ជួយសម្រាលទុក្ខលំបាក និងលើកទឹកចិត្តឱ្យមានលទ្ធភាពគ្រប់គ្រាន់ ក្នុងការប្រកបមុខរបរប្រចាំថ្ងៃ។