ព័ត៌មានក្នុងខេត្ត

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានចូលរួមក្នុងឱកាសដែលឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញផ្តល់បទសម្ភាសដល់ស្ថានីយ៍វិទ្យុ និងទូរទស្សន៍ក្រសួងមហាផ្ទៃ ស្តីពី វឌ្ឍនភាពការងារសម្រេចបានប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦របស់រដ្ឋបាលខេត្តបាត់ដំបង កាលពីថ្ងៃទី៦ ខែកញ្ញា ឆ្នាំ២០២៦ នៅរាជធានីភ្នំពេញ ។

បាត់ដំបង ៖ គ្រួសារវីរកងទ័ពជួមុខម្នាក់រស់នៅឃុំចែងមានជ័យ ស្រុកបាណន់ ខេត្តបាត់ដំបង ទទួលបានអំណោយមនុស្សធម៌ពីអនុសាខាកាកបាទក្រហមកម្ពុជា ស្រុកបាណន់ បន្ទាប់ពីទទួលរងគ្រោះដោយអគ្គិភ័យឆាបឆេះលំនៅឋានរួចមក ។

បាត់ដំបង៖ នៅព្រឹកថ្ងៃទី៤ ខែកញ្ញា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំសហការី និងអាជ្ញាធរមូលដ្ឋាន ចុះពិនិត្យដំណើរការ «សិប្បកម្ម យ៉ានី ដូងក្រអូប» ដែលជាទីតាំងកែច្នៃកសិផលដូងក្រអូបដ៏សំខាន់មួយ ស្ថិតក្នុងភូមិសំណាញ់ ឃុំភ្នំសំពៅ ស្រុកបាណន់ ខេត្តបាត់ដំបង។

បាត់ដំបង៖នៅថ្ងៃទី៤ ខែកញ្ញា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចុះពិនិត្យកសិដ្ឋានចិញ្ចឹមគោសាច់RPRUដែលបង្កើតឡើងដោយកូនខ្មែរមានទីតាំងស្ថិតនៅភូមិព្រៃផ្ដៅ ឃុំតាគ្រាម ស្រុកបាណន់។

បាត់ដំបង៖ កិច្ចប្រជុំពិភាក្សាជាមួយក្រុមការងារបច្ចេកទេស របស់ក្រសួងមហាផ្ទៃ ដែលមាន លោក សៀងប៊ុនធឿន អភិបាលស្ដីទីស្រុករតនៈមណ្ឌល និងលោក វៀនប្រាណ អភិបាលរងស្រុករតនៈមណ្ឌល ព្រមទាំងមន្ត្រីរដ្ឋបាលមួយចំនួន បានអញ្ជើញចូលរួមនាព្រឹកថ្ងៃទី៣ ខែកញ្ញា ឆ្នាំ២០២៦ ។

បាត់ដំបង៖ កិច្ចប្រជុំគណៈបញ្ជាការ ឯកភាពរដ្ឋបាលស្រុករតនៈមណ្ឌល បានប្រព្រឹត្តទៅ នាព្រឹកថ្ងៃទី២ ខែកញ្ញា ឆ្នាំ២០២៦ ក្រោមអធិបតីភាព លោក សើរសាម៉េត អភិបាលនៃគណៈអភិបាលស្រុករតនៈមណ្ឌល។ កិច្ចប្រជុំនេះជាការប្រជុំប្រចាំខែសីហា និងកំណត់ទិសដៅផែនការអនុវត្តបន្តសម្រាប់ខែកញ្ញា។

បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅរសៀលថ្ងៃទី១ ខែកញ្ញា ឆ្នាំ២០២៦ លោកឡុង សុភឺន ប្រធានស្តីទីគណៈកម្មាធិការអនុសាខាកាកបាទក្រហមកម្ពុជា ស្រុកមោងឬស្សី និងសហការីបានចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជន ផ្តល់ជូនគ្រួសារ ប្រជាពលរដ្ឋរងគ្រោះ និងងាយរងគ្រោះបំផុត ( ចាស់ជរា ជំងឺរ៉ាំរៃ ជនមានពិការភាព ស្រ្តីមេម៉ាយកូនច្រើន គ្រួសារទីទាល់ក្រ) ដែលកំពុងជួបការលំបាក ក្នុងជីវភាពរស់នៅប្រចាំថ្ងៃ មកពីភូមិចំនួន៤ក្នុង ឃុំគារ ស្រុកមោងស្សី ខេត្តបាត់ដំបង។

នៅព្រឹកថ្ងៃទី១ ខែកញ្ញា ឆ្នាំ២០២៦ កម្មវិធីដាំដើមស្វាយចន្ទីបានប្រព្រឹត្តទៅយ៉ាងសម្បូរបែប នៅភូមិព្រៃសិន ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង ដោយមានការចូលរួមពីអតីតយុទ្ធជនចំនួន ៥០០ គ្រួសារ។ ពិធីនេះមិនត្រឹមតែជាការដាំឈើបៃតងទេ ប៉ុន្តែជាសញ្ញានៃជីវិតថ្មី និងការរីកចម្រើនរបស់អតីតយុទ្ធជន ដែលបានទទួលដី និងផ្ទះសម្រាប់រស់នៅជាអចិន្ត្រៃយ៍។

បាត់ដំបងៈ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញសំណេះសំណាល សាកសួរសុខទុក្ខ កងកម្លាំងនគរបាលវីរៈសេនាតូចការពារព្រំដែន ចំណុះស្នងការដ្ឋាននគរបាលខេត្តបាត់ដំបង និងខេត្តប៉ៃលិន ដែលប្រព្រឹត្តទៅនារសៀលថ្ងៃទី៣១ ខែសីហា ឆ្នាំ២០២៦ នៅបរិវេណស្នងការដ្ឋាននគរបាលខេត្តបាត់ដំបង។

ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញផ្តល់បទសម្ភាសន៍ជាមួយទូរទស្សន៍ជាតិចិន និងអ្នកសារព័ត៌មានចិន ក្នុងកម្មវិធី BIG DATA EXPO 2026 ដោយបានលើកឡើងពីសក្តានុពលវិស័យកសិកម្មរបស់ខេត្តបាត់ដំបង និងស្នើវិនិយោគិនចិនមកសិក្សា និងវិនិយោគលើការកែច្នៃកសិផល ដោយនាំយកបច្ចេកវិទ្យាទំនើបមកអភិវឌ្ឍនៅកម្ពុជា។

បាត់ដំបង ៖ អនុប្រធានប្រចាំការសហភាពសហព័ន្ធយុវជនកម្ពុជា (ស.ស.យ.ក) ស្រុកឯកភ្នំ លោក សម កុសល្យ តំណាងលោកវេជ្ជបណ្ឌិត គង់ សាវង្ស ប្រធានគណៈកម្មាធិការសហភាពសហព័ន្ធយុវជនកម្ពុជា ស្រុកឯកភ្នំ នៅល្ងាចថ្ងៃទី២៧ ខែសីហា ឆ្នាំ២០២៦ និងក្រុមការងារ បាននាំយកអំណោយជាគ្រឿងឧបភោគ បរិភោគ ជូនដល់គ្រួសាររបស់វីរកងទ័ពនៅសមរភូមិជួរមុខ រស់នៅក្នុងភូមិស្នាពីមុខ ឃុំព្រែកខ្ពប ស្រុកឯកភ្នំ ខេត្តបាត់ដំបង ។

បាត់ដំបង​៖នៅថ្ងៃទី២៧ ខែសីហា ឆ្នាំ២០២៦ នៅសាលប្រជុំរដ្ឋាករទឹកបាត់ដំបង ឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបង បានដឹកនាំកិច្ចពិភាក្សាជាមួយក្រុមការងារធនាគារអភិវឌ្ឍន៍អាស៊ី (ADB) ក្រុមការងារអន្តរក្រសួង និងភាគីពាក់ព័ន្ធ ដើម្បីស្វែងយល់ពីសមិទ្ធផលនៃគម្រោងផ្គត់ផ្គង់ទឹកស្អាត និងអនាម័យខេត្ត (PWSSP) ជាពិសេសលទ្ធផលនៃការអនុវត្តការងារលើកកម្ពស់សមភាពយេនឌ័រនៅក្នុង រដ្ឋាករទឹកបាត់ដំបង។