ព័ត៌មានក្នុងខេត្ត

បាត់ដំបង៖ កម្លាំងនគរបាលស្រុកបាណន់ បានចុះបង្ក្រាប និងឃាត់ខ្លួនក្មេងទំនើងចំនួន ២នាក់ភ្លាមៗ បន្ទាប់ពីពួកគេបានជិះម៉ូតូបង្ហោះយ៉ាងអនាធិបតេយ្យលើដងផ្លូវសាធារណៈ បង្កការរំខាន និងគ្រោះថ្នាក់ដល់អ្នកធ្វើដំណើរ។ ហេតុការណ៍នេះកើតឡើងនៅឃុំភ្នំសំពៅ ស្រុកបាណន់ ខេត្តបាត់ដំបង កាលពីថ្ងៃទី១២ ខែសីហា ឆ្នាំ២០២៦។

បាត់ដំបង៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តបាត់ដំបង បានចេញសេចក្តីបំភ្លឺព័ត៌មានមួយ ដើម្បីជម្រាបជូនសាធារណជន និងអ្នកប្រើប្រាស់បណ្តាញសង្គម ពាក់ព័ន្ធនឹងករណីចែកចាយរូបភាពមន្ត្រីនគរបាលម្នាក់ ដែលបានអង្គុយមើលការភ្នាល់ល្បែងជល់មាន់តាមប្រព័ន្ធអនឡាញ។

បាត់ដំបង៖ ក្នុងថ្ងៃទី២ នៃការប្រឡងមធ្យមសិក្សាទុតិយភូមិ (បាក់ឌុប) ត្រូវនឹងព្រឹកថ្ងៃទី១១ ខែសីហា ឆ្នាំ២០២៦ កងកម្លាំងនគរបាល និងកងរាជអាវុធហត្ថ បានធ្វើការសម្រួលចរាចរណ៍ ការពារសន្តិសុខ សុវត្ថិភាព សណ្តាប់ធ្នាប់ ដើម្បីឱ្យដំណើរការប្រឡងមធ្យមសិក្សាទុតិយភូមិ (បាក់ឌុប)ប្រពឹត្តទៅដោយភាពរលូន។

សមត្ថកិច្ចក្រុងបាត់ដំបង ប្រមូលជនអនាថា អ្នកប្រើប្រាស់គ្រឿងញៀន និងជនវិកលចរិតជាង ៥០នាក់ បញ្ជូនទៅកាន់អធិការដ្ឋាន

បាត់ដំបង៖ កម្លាំងអធិការស្រុករតនមណ្ឌល បានធ្វើការស្រាវជ្រាវរហូតដល់ឃាត់ខ្លួនបាន ជនសង្ស័យពីរនាក់រួមជាមួយវត្ថុតាង និងឧបករណ៍ប្រើប្រាស់គ្រឿងញៀនផង កាលពីរសៀល ថ្ងៃទី០៣ខែសីហា ក្រោយពីបានធ្វើសកម្មភាពលួចខ្សែភ្លើងប្រជាពលរដ្ឋនៅមូលដ្ឋានបានមួយថ្ងៃ ។

បាត់ដំបង៖ កម្លាំងអាវុធហត្ថបានធ្វើការស្រាវជ្រាវ និងឃាត់ខ្លួនជនសង្ស័យចំនួន ៣នាក់ រួមទាំងជនដៃដល់ និងអ្នកទទួលផលចោរកម្ម កាលពីថ្ងៃទី២៧ ខែកក្កដា ពាក់ព័ន្ធករណីគាស់ផ្ទះល្វែងចំនួន ៦ ខ្នង របស់ក្រុមហ៊ុន ស៊ីនឃីម ស្ថិតនៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង។ ការគាស់ផ្ទះនេះបានកើតឡើងជាបន្តបន្ទាប់រយៈពេល ៥ថ្ងៃ ចាប់ពីថ្ងៃទី២២ ដល់ថ្ងៃទី២៧ ខែកក្កដា។

បាត់ដំបង៖ លោក លាង វាសនា អភិបាលនៃគណៈអភិបាលក្រុងបាត់ដំបង នាព្រឹកថ្ងៃទី២៧ ខែកក្កដា ឆ្នាំ២០២៦ បានបើកកិច្ចប្រជុំពិភាក្សា ជាមួយអាជីវករ ទទួល ទិញ-លក់ អេតចាយ ក្នុងភូមិសាស្ត្រក្រុងបាត់ដំបង ចំនួន៤០ទីតាំង ដែលប្រព្រឹត្តិទៅនៅសាលប្រជុំសាលាក្រុងបាត់ដំបង ដោយមានការអញ្ជើញចូលរួមពី លោកអភិបាលរងក្រុង លោកមេបញ្ជាការមូលដ្ឋានកងរាជអាវុធហត្ថក្រុង លោកអធិការរងនគរបាលក្រុង លោក លោកស្រី ប្រធាន អនុប្រធាន ការិយាល័យចំណុះរដ្ឋបាលក្រុង លោកមេប៉ុស្តិ៍នគរបាលសង្កាត់ និងលោក លោកស្រី ចៅសង្កាត់ទាំង១០នៃក្រុងបាត់ដំបង។

បាត់ដំបង៖ កម្លាំងនគរបាលស្រុករតនមណ្ឌល បានស្រាវជ្រាវ និងឃាត់ខ្លួនជនសង្ស័យម្នាក់ ពាក់ព័ន្ធករណីលួចកាត់ខ្សែភ្លើងសូឡា (Solar) សរុប ៧,០៦០ ម៉ែត្រ នៅក្នុងទីតាំងរោងចក្រ Battambang Conch Cement កាលពីថ្ងៃទី ២៦ ខែកក្កដា ឆ្នាំ ២០២៦។ ប្រតិបត្តិការនេះអនុវត្តតាមការណែនាំផ្ទាល់ពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង ដឹកនាំដោយលោកវរសេនីយ៍ទោ ផាន់ ឡុង អធិការនគរបាលស្រុករតនមណ្ឌលស្តីទី។

បាត់ដំបង៖ កម្លាំងកងរាជអាវុធហត្ថស្រុកសង្កែ បានចុះបង្ក្រាបករណីប្រើប្រាស់សារធាតុញៀនដោយខុសច្បាប់ ១ លើក ដោយឃាត់ខ្លួនជនសង្ស័យចំនួន ៣ នាក់ កាលពីម៉ោង ៧:៣០ នាទីយប់ ថ្ងៃទី ១៤ ខែកក្កដា ឆ្នាំ ២០២៦ នៅចំណុចក្រុមទី ០៦ ភូមិស្វាយជ្រុំ ឃុំអូរដំបង២ ស្រុកសង្កែ ខេត្តបាត់ដំបង។ នេះបើតាមគណនីហ្វេសប៊ុក បញ្ជាការដ្ឋានកងរាជអាវុធហត្ថខេត្តបាត់ដំបង។

បាត់ដំបង៖ កម្លាំងកងរាជអាវុធហត្ថក្រុងបាត់ដំបង បានបើកប្រតិបត្តិការបង្ក្រាបករណីជួញដូរគ្រឿងញៀនដោយខុសច្បាប់មួយករណី ដោយឃាត់ខ្លួនជនសង្ស័យម្នាក់ រួមជាមួយគ្រឿងញៀនប្រភេទម៉ាទឹកកក (ICE) ចំនួន ១៣៧ កញ្ចប់ ដើម្បីចាត់ការតាមច្បាប់។

បាត់ដំបង ៖ កម្លាំងនគរបាលខេត្ត និងកងរាជអាវុធហត្ថខេត្តបាត់ដំបង ព្រមទាំងកម្លាំងចម្រុះ សរុបចំនួន ៤៥០ នាក់ ត្រៀមចូលរួមថែរក្សា ការពារ និងធានាសន្តិសុខ សណ្តាប់ធ្នាប់ និងរបៀបរៀបរយសង្គម ក្នុងកំឡុងពេលប្រារព្ធ «ព្រឹត្តិការណ៍ផ្លែឈើបាត់ដំបង ឆ្នាំ ២០២៦»។ ការត្រៀមនេះ មានគោលបំណងបង្កើតបរិយាកាសរីករាយ និងសុវត្ថិភាពជូនដល់ភ្ញៀវទេសចរជាតិ អន្តរជាតិ ប្រជាពលរដ្ឋ និងសាធារណជនដែលអញ្ជើញមកពីគ្រប់ទិសទី។

កម្លាំងអាវុធហត្ថខេត្តបាត់ដំបង បានបញ្ជូនជនសង្ស័យមុខសញ្ញាធាក់ប្លន់ម៉ូតូ ចំនួន ៤នាក់ ទៅកាន់តុលាការខេត្តបាត់ដំបង កាលពីថ្ងៃទី ០៧ ខែកក្កដា ឆ្នាំ២០២៦ ក្រោយពីស្រាវជ្រាវឃាត់ខ្លួនបានជាបន្តបន្ទាប់។