ព័ត៌មានក្នុងខេត្ត

​បាត់ដំបង៖ កម្លាំងនគរបាលស្រុកមោងឫស្សី សហការជាមួយកម្លាំងជំនាញ បានបើកប្រតិបត្តិការស្រាវជ្រាវរហូតឈានដល់ការឃាត់ខ្លួនស្ត្រីម្នាក់ ពីបទ «ឆបោក» ករណីយកគ្រឿងអលង្ការកាឡៃ (បន្លំធ្វើជាមាស និងប្លាទីន) ទៅលក់ និងដាក់បញ្ចាំឱ្យជនរងគ្រោះចំនួន ៥នាក់ អស់ប្រាក់សរុបរាប់លានរៀល។ ប្រតិបត្តិការនេះបានធ្វើឡើងកាលពី ម៉ោង១១:១០នាទីព្រឹក ថ្ងៃទី០១ខែកក្កដា ឆ្នាំ២០២៦។

បាត់ដំបង៖ លោក ជួង សុភា នាយខណ្ឌរដ្ឋបាលជលផលខេត្តបាត់ដំបង បានឱ្យដឹងថា នៅថ្ងៃទី ០១ កក្កដា ២០២៦ សាលាដំបូងខេត្តបានសម្រេចដោះលែងជនសង្ស័យចំនួន ៤០ នាក់ ដែលបានលួចប្រើឧបករណ៍ឆក់ត្រីខុសច្បាប់ នៅអតីតតំបន់លេខ ២។ ការដោះលែងនេះធ្វើឡើងក្រោយមានការអនុញ្ញាតពីព្រះរាជអាជ្ញា និងបង់ការផាកពិន័យតាមច្បាប់រួចរាល់ កាលពីល្ងាចថ្ងៃទី ២៩ មិថុនា ២០២៦។

បាត់ដំបង ៖ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តមនាយឧត្តមសេនីយ៍ មាស វិរិទ្ធ ធ្វើការជំរុញឱ្យប្រជាពលរដ្ឋ ក្នុងសហគមន៍ទាំងអស់ បន្តធ្វើជាស្ពានតភ្ជាប់ជាមួយសមត្ថកិច្ច ក្នុងការរាយការណ៍រាល់បទល្មើសគ្រឿងញៀនគ្រប់ប្រភេទ តាមរយៈកម្មវិធីទូរស័ព្ទដៃ App NoDrug និងប្រព័ន្ធ Hotline ដើម្បីយកបញ្ហានេះ ចេញពីសហគមន៍ និងឈានទៅសម្អាតភូមិ ឃុំ សង្កាត់របស់ខ្លួនឱ្យក្លាយជាភូមិឃុំសង្កាត់គ្មានគ្រឿងញៀន ។

បាត់ដំបង៖ ”រួមគ្នាឆ្លើយតបបញ្ហាគ្រឿងញៀន ក្នុងបរិបទថ្មីប្រកបដោយភាពច្នៃប្រឌិត” គឺជាប្រធានបទមួយ សម្រាប់ដាក់ក្នុងការប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០២៦ ត្រូវបានរៀបចំឡើងនាព្រឹកថ្ងៃទី២៧ ខែមិថុនា ឆ្នាំ២០២៦ នៅសាលប្រជុំសាលាខេត្តបាត់ដំបង ក្រោមអធិបតីភាព ឯកឧត្តម នាយឧត្តមសេនីយ៍ មាស វីរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង ឯកឧត្តម សុខ លូ អភិបាលនៃគណៈអភិបាលខេត្តបាតដំបង និងដោយមានការអញ្ជើញចូលរួមពី តំណាងសាលាឧទ្ធរណ៍បាត់ដំបង តំណាងអគ្គព្រះរាជអាជ្ញាអមសាលាឧទ្ធរណ៍បាត់ដំបង តំណាងប្រធានសាលាដំបូងខេត្ត ព្រះរាជអាជ្ញារងនៃមហាអយ្យការអមសាលាដំបូងខេត្ត តំណាងយោធភូមិភាគទី៥ លោកអភិបាលរងខេត្ត លោកឧត្តមសេនីយ៍ស្នងការ ស្នងការរងនគរបាលខេត្ត ឧត្តមសេនីយ៍មេបញ្ជាការ មេបញ្ជាការរងកងរាជអាវុធហត្ថខេត្ត ឧត្តមសេនីយ៍មេបញ្ជាការតំបន់ប្រតិបត្តិការសឹករងខេត្ត ព្រមទាំងលោកគ្រូ អ្នកគ្រូ សិស្សានុសិស្សយ៉ាងច្រើនកុះករ។

ខេត្តបាត់ដំបង៖ ករណីហិង្សាមួយបានកើតឡើងកណ្តាលអាធ្រាត្រ ដោយសារភ្លើងប្រច័ណ្ឌសង្សារ រហូតឈានដល់ការប្រើអាវុធមុតស្រួចកាប់គ្នា បណ្តាលឱ្យយុវជនម្នាក់រងរបួស។ ទោះជាយ៉ាងណា ជនបង្កត្រូវបានកម្លាំងសមត្ថកិច្ចចាប់ខ្លួនបានភ្លាមៗក្នុងថ្ងៃដដែល។

បាត់ដំបង៖ ឯកឧត្តម ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយ(គណៈកម្មការទី១០)នៃព្រឹទ្ធសភា បានដឹកនាំគណៈប្រតិភូព្រឹទ្ធសភានិងគណៈប្រតិភូមូលនិធិចែករំលែកសង្គ្រោះជីវិតសកល(GLS)នៃសាធារណរដ្ឋកូរ៉េជួបពិភាក្សាការងារជាមួយថ្នាក់ដឹកនាំរដ្ឋបាលខេត្តបាត់ដំបងនៅថ្ងៃទី២៤ ខែមិថុនា ឆ្នាំ២០២៦ នៅសាលប្រជុំសាលាខេត្តបាត់ដំបង។

បាត់ដំបង៖ បុរសម្នាក់ត្រូវបានកម្លាំងអាវុធហត្ថខេត្តបាត់ដំបងឃាត់ខ្លួន ពាក់ព័ន្ធករណីគំរាមកំហែង និងហែកកេរ្តិ៍លើអតីតសង្សារដែលជានិស្សិត បញ្ជូនទៅតុលាការនាថ្ងៃទី ២៣ ខែមិថុនា ឆ្នាំ ២០២៦ ដើម្បីចាត់ការតាមច្បាប់។ ការឃាត់ខ្លួននេះកើតឡើងក្រោយពេលគេបានគំរាមបង្ហោះរូបភាពអាសអាភាសលើបណ្តាញសង្គម ប្រសិនបើសង្សារមិនព្រមត្រូវគ្នាវិញ។

បាត់ដំបង៖ ដើម្បីរួមចំណែកជាមួយរាជរដ្ឋាភិបាលពង្រឹងការគ្រប់គ្រង ការដឹកនាំកិច្ចការរដ្ឋបាល សន្តិសុខសណ្ដាប់ធ្នាប់សាធារណៈ ជាពិសេសបន្តជំរុញការកសាងភាពធន់ និងអភិវឌ្ឍន៍មូលដ្ឋានឱ្យកាន់តែមានការរីកចម្រើនសម្រេចបាននូវសមិទ្ធផលថ្មីៗបន្ថែមទៀត ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃបានផ្ដល់អនុសាសន៍ណែនាំឱ្យរដ្ឋបាលខេត្តបាត់ដំបងត្រូវបន្តថែរក្សាពង្រឹងសន្តិសុខសណ្ដាប់ធ្នាប់សាធារណៈ និងសុវត្ថិភាពសង្គម ខណៈសន្តិសុខ និងសណ្ដាប់ធ្នាប់សាធារណៈគឺជាមូលដ្ឋានគ្រឹះនៃជីវភាពរស់នៅប្រចាំថ្ងៃរបស់ប្រជាពលរដ្ឋ និងជាលក្ខខណ្ឌចាំបាច់សម្រាប់ការអភិវឌ្ឍន៍សេដ្ឋកិច្ចសង្គមនៅមូលដ្ឋាន។

បាត់ដំបង ៖ មន្រ្តីជំនាញមន្ទីររ៉ែ និងថាមពលខេត្តបាត់ដំបងបានចុះធ្វើការអប់រំ និងព្រមានចំពោះរថយន្ត ដឹកដីក្រហម ចេញពីការដ្ឋានដីក្រហមមួយ នៅចំណុចភូមិតាង៉ែន ឃុំតាគ្រាម ស្រុកបាណន់ ខេត្ត បាត់ដំបង ឱ្យអនុវត្តតាមសារាចរលេខ ០៣១០ ស្តីពីវិធានការចំពោះការដឹកជញ្ជូនរ៉ែសំណង់គ្រប់ប្រភេទ ។ ការចុះអប់រំ និងព្រមានកាលពីថ្ងៃទី១៩ខែមិថុនាបន្ទាប់ពីទទួលព័ត៌មានរថយន្តដែល ដឹកដីក្រហមចេញពីការដ្ឋានខាងលើនេះ ដឹកលើសចំណុះ និងមិនគ្របកៅស៊ូតង់ឱ្យជិត ធ្វើឱ្យជុះរាយ ប៉ាយលើផ្លូវ និងបង្កផលប៉ះពាល់ដល់ប្រជាពលរដ្ឋរស់នៅសងខាងផ្លូវនោះជាដើម ។

បាត់ដំបង៖ បើតាមលោកជួង សុភា នាយខណ្ឌរដ្ឋបាលជលផលខេត្តបាត់ដំបងឱ្យដឹង នាម៉ោង១១ ព្រឹកថ្ងៃទី២២ខែមិថុនាថា មន្រ្តីជំនាញបានធ្វើការផាកពិន័យ និងពិន័យអន្តរកាល ប្រជាពលរដ្ឋជា ជនសង្ស័យ៤០នាក់ តាមកំណត់ រួចអស់ហើយ ពាក់ព័ន្ធការចូលទៅប្រព្រឹត្តិបទល្មើស នេសាទ នៅតំបន់អភិរក្ស ។

បាត់ដំបង៖ កម្លាំងជំនាញនៃអធិការដ្ឋាននគរបាលស្រុកកំរៀង ខេត្តបាត់ដំបង កំពុងបន្តការស្រាវជ្រាវស្វែងរកជនសង្ស័យ ពាក់ព័ន្ធនឹងករណីរត់ពន្ធ ឬប៉ុនប៉ងរត់ពន្ធទំនិញ (បារី) ឆ្លងដែន ខុសច្បាប់។

បាត់ដំបង៖ ក្រោយមានការបង្ហោះវីដេអូ TikTok ព្រះសង្ឃមួយអង្គគង់នៅវត្តសំរោងលើ ចាក់សាក់លើរាងកាយស្ត្រីម្នាក់ បង្កការរិះគន់ថាខុសពីវិន័យសង្ឃ មន្រ្តីជំនាញ និងអាជ្ញាធរស្រុកគាស់ក្រឡ ខេត្តបាត់ដំបង បានចុះស្រាវជ្រាវភ្លាមៗ និងរកឃើញថាមានករណីនេះពិត។ បន្ថែមពីនេះ ក៏បានរកឃើញថាព្រះសង្ឃអង្គនោះ និងព្រះសង្ឃ ៤ អង្គផ្សេងទៀតមានប្រើប្រាស់សារធាតុញៀនផងដែរ។