ព័ត៌មានក្នុងខេត្ត

ក្រុមការងារវាយតម្លៃគុណភាពសេវាសុខាភិបាល នៃមន្ទីរសុខាភិបាលរដ្ឋបាលខេត្តបាត់ដំបង បានចុះបំពេញបេសកកម្មវាយតម្លៃគុណភាពសេវាសុខាភិបាល ប្រចាំឆមាសទី២ នៅ មន្ទីរសុខាភិបាលខេត្តកោះកុង និង មន្ទីរពេទ្យបង្អែកខេត្តកោះកុង កាលពីថ្ងៃទី ០២ ខែកញ្ញា ឆ្នាំ២០២៦ ។

បាត់ដំបង ៖ ថ្នាក់ដឹកនាំមន្ទីរសុខាភិបាលខេត្តបាត់ដំបង ចាត់ទុកថា ការចូលរួមរបស់ស្វាមី ក្នុងការគាំទ្រ ថែទាំភរិយាមានផ្ទៃពោះ ក៏ដូចជាក្នុងពេលសម្រាល និងក្រោយការសម្រាល គឺជាចំណុចគួរឱ្យលើកទឹកចិត្ត ព្រោះសុខភាពមាតា និងទារក មិនមែនជាការទទួលខុសត្រូវរបស់ម្តាយតែម្នាក់ឯងប៉ុណ្ណោះទេ ប៉ុន្តែត្រូវការការយល់ដឹង ការគាំទ្រ និងការសម្រេចចិត្តរួមពីក្រុមគ្រួសារ ដើម្បីសុវត្ថិភាពមាតា និងទារក ទើបគ្រួសារមានសុភមង្គល ។

បាត់ដំបង៖ កិច្ចប្រជុំពិភាក្សាជាមួយក្រុមការងារបច្ចេកទេស របស់ក្រសួងមហាផ្ទៃ ដែលមាន លោក សៀងប៊ុនធឿន អភិបាលស្ដីទីស្រុករតនៈមណ្ឌល និងលោក វៀនប្រាណ អភិបាលរងស្រុករតនៈមណ្ឌល ព្រមទាំងមន្ត្រីរដ្ឋបាលមួយចំនួន បានអញ្ជើញចូលរួមនាព្រឹកថ្ងៃទី៣ ខែកញ្ញា ឆ្នាំ២០២៦ ។

បាត់ដំបង ៖ ថ្នាក់ដឹកនាំការិយាល័យសុខាភិបាលស្រុកប្រតិបត្តិសំពៅលូន នៃខេត្តបាត់ដំបង បានរៀបចំវគ្គបណ្តុះបណ្តាលស្តីពីការធ្វើតេស្តរកវីរុស HPV ដើម្បីបង្ការ និងគ្រប់គ្រងជំងឺមហារីកមាត់ស្បូន ជូនដល់បុគ្គលិកសុខាភិបាល មកពីមណ្ឌលសុខភាព ដើម្បីពង្រឹងចំណេះដឹង និងសមត្ថភាពក្នុងការអនុវត្តកម្មវិធីពិនិត្យស្រាវជ្រាវរកវីរុស HPV សំដៅរួមចំណែកបង្ការ និងគ្រប់គ្រងជំងឺមហារីកមាត់ស្បូន ។

បាត់ដំបង៖ កិច្ចប្រជុំគណៈបញ្ជាការ ឯកភាពរដ្ឋបាលស្រុករតនៈមណ្ឌល បានប្រព្រឹត្តទៅ នាព្រឹកថ្ងៃទី២ ខែកញ្ញា ឆ្នាំ២០២៦ ក្រោមអធិបតីភាព លោក សើរសាម៉េត អភិបាលនៃគណៈអភិបាលស្រុករតនៈមណ្ឌល។ កិច្ចប្រជុំនេះជាការប្រជុំប្រចាំខែសីហា និងកំណត់ទិសដៅផែនការអនុវត្តបន្តសម្រាប់ខែកញ្ញា។

ខេត្តបាត់ដំបង៖ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ១០-១១ សីហា ឆ្នាំ២០២៦ ទទួលបានលទ្ធផលគួរឱ្យកត់សម្គាល់ ដោយបេក្ខជនក្នុងខេត្តបាត់ដំបងប្រឡងជាប់រហូតដល់ ៨១.៣៩% ខ្ពស់ជាងអត្រាជាប់ជាមធ្យមភាគនៅទូទាំងប្រទេស។ យោងតាមទិន្នន័យផ្លូវការពីមន្ទីរអប់រំ យុវជន និងកីឡា ខេត្តបាត់ដំបង នាព្រឹកថ្ងៃទី០២ ខែកញ្ញា ឆ្នាំ២០២៦ ក្នុងចំណោមបេក្ខជនមកប្រឡងសរុប ៩,៣៤៣នាក់ (ស្រី ៥,៤៧៨នាក់) មានបេក្ខជនប្រឡងជាប់ចំនួន ៧,៦០៤នាក់ (ស្រី ៤,៧៤១នាក់ ត្រូវជា ៨៦.៥៥%)។ អត្រាជោគជ័យនេះ បានស្តែងឱ្យឃើញពីការខិតខំប្រឹងប្រែងយ៉ាងសកម្មរបស់សិស្សានុសិស្ស លោកគ្រូ-អ្នកគ្រូ និងការយកចិត្តទុកដាក់ខ្ពស់ពីអាជ្ញាធរខេត្ត។

បាត់ដំបង ៖ ដើម្បីលើកកម្ពស់គុណភាព និងសុវត្ថិភាពនៃការថែទាំមាតា និងទារកឱ្យកាន់តែល្អប្រសើរនោះ មន្ទីរសុខាភិបាលនៃរដ្ឋបាលខេត្តបាត់ដំបង នាថ្ងៃទី០១ ខែកញ្ញា ឆ្នាំ២០២៦ បានរៀបចំកិច្ចប្រជុំក្រុមសម្របសម្រួលសម្ព័ន្ធឆ្មប ហៅកាត់ថា MCAT ត្រូវបានរៀបចំធ្វើឡើងនៅស្រុកប្រតិបត្តិថ្មគោល ដើម្បីពង្រឹងការសម្របសម្រួល និងការងារជាក្រុម រវាងមណ្ឌលសុខភាព មន្ទីរពេទ្យបង្អែកស្រុក មន្ទីរពេទ្យបង្អែកខេត្ត និងមន្ទីរសុខាភិបាលនៃរដ្ឋបាលខេត្តបាត់ដំបង ។

បាត់ដំបង ៖ លោកឱសថបណ្ឌិត វឿង ប៊ុនរ៉េត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង រួមជាមួយក្រុមការងារមណ្ឌលសុខភាពគាស់ក្រឡ នៅថ្ងៃទី០១ ខែកញ្ញា ឆ្នាំ២០២៦ បានចុះពិនិត្យទីតាំងប៉ុស្តិ៍សុខភាពឆ្នាល់មាន់ ស្ថិតក្នុងឃុំឆ្នាល់មាន់ ស្រុកគាស់ក្រឡ ដើម្បីពិនិត្យស្ថានភាពជាក់ស្តែង និងពិចារណាអំពីការរៀបចំសេវាសុខភាពឱ្យសមស្របនឹងតម្រូវការរបស់ប្រជាពលរដ្ឋនៅតំបន់នេះ ។

ការញែក និងទុកដាក់សម្រាម ដើម្បីចូលរួមសម្អាតបរិស្ថាន

ក្រុងបាត់ដំបង៖ ក្រុមអនាម័យចល័តក្រុងបាត់ដំបង បានបន្តអនុវត្តសកម្មភាពថែទាំ និងសម្អាតបរិស្ថាន ដើម្បីរក្សាអនាម័យ និងភាពស្រស់ស្អាតក្នុងទីក្រុង។ ការងារដែលបានបន្តនិង អនុវត្តជាប្រចាំក្នុង ខែកញ្ញា ឆ្នាំ ២០២៦ រួមមាន៖

បាត់ដំបងៈ ក្រុមការងារនៃមន្ទីររ៉ែ និងថាមពលខេត្តបាត់ដំបង នាព្រឹកថ្ងៃទី០២ ខែកញ្ញា ឆ្នាំ២០២៦ បានចុះផ្សព្វផ្សាយច្បាប់ និងលិខិតបទដ្ឋានបច្ចេកទេសពាក់ព័ន្ធនឹងការគ្រប់គ្រងស្ថានីយប្រេងឥន្ធនៈ និងឧស្ម័នឥន្ធនៈ នៅតាមបណ្តាក្រុង ស្រុកនៃខេត្តបាត់ដំបង។

បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅរសៀលថ្ងៃទី១ ខែកញ្ញា ឆ្នាំ២០២៦ លោកឡុង សុភឺន ប្រធានស្តីទីគណៈកម្មាធិការអនុសាខាកាកបាទក្រហមកម្ពុជា ស្រុកមោងឬស្សី និងសហការីបានចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជន ផ្តល់ជូនគ្រួសារ ប្រជាពលរដ្ឋរងគ្រោះ និងងាយរងគ្រោះបំផុត ( ចាស់ជរា ជំងឺរ៉ាំរៃ ជនមានពិការភាព ស្រ្តីមេម៉ាយកូនច្រើន គ្រួសារទីទាល់ក្រ) ដែលកំពុងជួបការលំបាក ក្នុងជីវភាពរស់នៅប្រចាំថ្ងៃ មកពីភូមិចំនួន៤ក្នុង ឃុំគារ ស្រុកមោងស្សី ខេត្តបាត់ដំបង។