ព័ត៌មានក្នុងខេត្ត

រដ្ឋបាលស្រុកមោងឫស្សី ខេត្តបាត់ដំបង ដឹកនាំដោយលោក ទុន សុផន អភិបាលស្រុកមោងឫស្សី បាននាំមន្ត្រី និងក្រុមការងារចូលរួមដាំបង្គោលសូឡា តាមបណ្ដោយផ្លូវជាតិលេខ ៥។ ការងារនេះធ្វើឡើងក្នុងកិច្ចសហការជាមួយក្រុមហ៊ុនឯកជន ដើម្បីលើកកម្ពស់សោភ័ណភាព និងកាត់បន្ថយអត្រាគ្រោះថ្នាក់ចរាចរណ៍នៅ ព្រឹកថ្ងៃទី ២៨ ខែកញ្ញា ឆ្នាំ ២០២៦ ។

បាត់ដំបង៖ នៅព្រឹកថ្ងៃទី ២៨ ខែកញ្ញា ឆ្នាំ២០២៦ លោក ញឹក សារ៉ែន អភិបាលស្រុកគាស់ក្រឡ និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុក និងសហការី បានអញ្ជីញជួបសំណេះសំណាល និងនាំយកអំណោយមនុស្សធម៌ របស់សប្បុរសជនតាមរយៈអនុសាខាស្រុកផ្តល់ជូនដល់គ្រួរសាប្រជាពលរដ្ឋមានជីវភាពក្រីក្រ ដែលរងគ្រោះដោយទឹកជំនន់ ចំនួន ៧១គ្រួសារ រស់នៅចំណុចភូមិគោកត្រុំ ឃុំហប់ស្រុកគាស់ក្រឡ ខេត្តបាត់ដំបង។ ពីធីនេះ បានប្រារព្វធ្វើនៅទីទួលសុវត្ថិភាព ស្ថិតក្នុងបរិវេនទីស្នាក់ការអង្គការទស្សនៈពិភពលោក ស្ថិតនៅភូមិសាមគ្គី ឃុំហប់ ស្រុកគាស់ក្រឡ។

រដ្ឋបាលស្រុកបានណន់ ខេត្តបាត់ដំបង បានជូនដំណឹង ស្ដីពី ការដាក់ពាក្យសុំចូល បំពេញកាតព្វកិច្ចយោធា សម្រាប់យុវជនស្ម័គ្រចិត្ត បំពេញកាតព្វកិច្ចយោធា ដែលចាប់ផ្ដើម ចែកពាក្យ ចាប់ពីថ្ងៃទី ១ ខែតុលាឆ្នាំ ២០២៦ ខាងមុខនេះតទៅ នៅមូលដ្ឋាន កងរាជអាវុធហត្ថ ស្រុកបាណន់ខេត្តបាត់ដំបង៕

បាត់ដំបង៖ កម្ពស់ទឹកស្ទឹងសង្កែ ខេត្តបាត់ដំបង បានឡើងដល់ ១៤,២០ ម៉ែត្រ កាលពីថ្ងៃទី២៧ ខែកញ្ញា ខណៈកម្រិតប្រកាសអាសន្នមានត្រឹម ១៣,៥០ ម៉ែត្រ។ ទោះជាយ៉ាងណា មន្ត្រីជំនាញបង្ហាញថា កម្រិតទឹកភ្លៀងនៅផ្នែកខាងលើស្ទឹងសង្កែបានថយចុះ ហើយបើគ្មានភ្លៀងបន្ថែម ទឹកនឹងស្រកចុះក្នុងរយៈពេលពីរថ្ងៃទៀត។

ខេត្តបាត់ដំបង៖ នៅរសៀលថ្ងៃទី២៧ ខែកញ្ញា ឆ្នាំ២០២៦ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងជាប្រធានគណៈកម្មាធិការសាខាកាកបាទ ក្រហមកម្ពុជាខេត្ត និងសហការី បានអញ្ជើញចុះសួរសុខទុក្ខ និងនាំយកអំណោយ មនុស្សធម៌ទៅចែក ជូនប្រជាពលរដ្ឋក្រីក្រ និងងាយរងគ្រោះដោយសារទឹកជំនន់ទឹកភ្លៀងចំនួន ៧៥គ្រួសារ ដែលបានជម្លៀសមកកាន់ទីទួលសុវត្ថិភាព ក្នុងស្រុកចំនួន២ គឺស្រុកបាណន់ និងស្រុកបវេល។

សម្តេចក្រឡាហោម ស ខេង ឧត្តមក្រុមប្រឹក្សាផ្ទាល់ព្រះមហាក្សត្រ និងជាតំណាងរាស្ត្រមណ្ឌលបាត់ដំបង បានអញ្ជើញជាអធិបតីក្នុងពិធីសំណេះសំណាល និងប្រគល់រង្វាន់ដល់សិស្សប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ដែលបានជាប់និទ្ទេស A ចំនួន ៩០ នាក់ (ស្រី ៤៣ នាក់) ក្នុងខេត្តបាត់ដំបងនាព្រឹកថ្ងៃទី ២៧ ខែកញ្ញា ឆ្នាំ ២០២៦ ។

ប្រសាសន៍ លោក ខៃ សុដា ប្រធានមន្ទីរធនធានទឹក និងឧតុនិយម ខេត្តបាត់ដំបង ពីស្ថានភាពទឹក នៅផ្នែកខាងលើ និងស្ទឹងសង្កែ

លទ្ធផលនៃការចូលរួមរបស់ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៅក្នុងកិច្ចពិភាក្សាទូទៅនៃមហាសន្និបាត អ.ស.ប. លើកទី៨១ នៅទីក្រុងញូវយ៉ក Outcomes of the Participation of H.E. Mr. PRAK Sokhonn, Deputy Prime Minister, Minister of Foreign Affairs and International Cooperation in the General Debate of the UNGA 81 in New York

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បាននិងកំពុងបន្តតាមដានយ៉ាងយកចិត្តទុកដាក់លើស្ថានភាពជំនន់ទឹកភ្លៀង ដែលបានប៉ះពាល់ដល់មូលដ្ឋានសុខាភិបាលមួយចំនួនក្នុងខេត្តបាត់ដំបង ។

បាត់ដំបង៖ នាព្រឹកថ្ងៃទី២៧ ខែកញ្ញា ឆ្នាំ២០២៦ លោកជំទាវ ម៉េតរ៉ា វីចិត្រសុខ លូ បានអញ្ជើញចូលរួមពិធីរាប់បាត្របុណ្យកាន់បិណ្ឌវេនទី១ របស់រដ្ឋបាលខេត្តបាត់ដំបង នៅក្នុងបរិវេណវត្តពោធិ៍វាល ស្ថិតក្នុងក្រុងបាត់ដំបង ខេត្តបាត់ដំបង ដោយមានការចូលរួមពីថ្នាក់ដឹកនាំ មន្ត្រីរាជការ និងពុទ្ធបរិស័ទជាច្រើនរូប។

បាត់ដំបង៖នៅថ្ងៃទី២៦ ខែកញ្ញា ឆ្នាំ២០២៦ លោក ប៊ី សុភាព អភិបាលនៃគណៈអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុកឯកភ្នំ បានបន្តដឹកនាំកម្លាំងគណៈបញ្ជាការឯកភាពរដ្ឋបាលស្រុក ចុះពិនិត្យស្ថានភាពទឹកជំនន់ស្ទឹងសង្កែដែលធ្វើឱ្យប៉ះពាល់ដល់ផ្ទះបងប្អូនប្រជាពលរដ្ឋ ហេដ្ឋារចនាសម្ព័ន្ធផ្លូវថ្នល់ និងដំណាំជាច្រើន។

បាត់ដំបង៖ វេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ «ខ្មែរជួយរកការងារ និងផ្តល់ការងារឱ្យខ្មែរ» ត្រូវបានរៀបចំឡើង នាថ្ងៃទី២៥-២៦ ខែកញ្ញា ឆ្នាំ២០២៦ ដោយបាននាំយកឱកាសការងារទូទាំងប្រទេស ចំនួន ៩០,០២៤កន្លែង និងក្រុមហ៊ុនជ្រើសរើស តម្រូវការកម្លាំងពលកម្មភ្លាមៗចំនួន ជាង ៤ពាន់កន្លែង ជូនដល់បងប្អូនអតីតពលករ យុវជន និងប្រជាពលរដ្ឋមូលដ្ឋាន ក្នុងស្រុកបាណន់ និងស្រុកមោងឫស្សី មានការអញ្ជើញចូលរួមជាគណៈអធិបតីពី ឯកឧត្តម លី សុធា រដ្ឋលេខាធិការ និងលោកជំទាវ ឃ្លោក ប៉េងថុល អនុរដ្ឋលេខាធិការ នៃក្រសួងការងារ និងបណ្តុះបណ្តាលវិជ្ជាជីវៈ លោក ទីន សារ៉ាវុធ អភិបាលរងខេត្តបាត់ដំបង លោក លោកស្រី អភិបាលរងស្រុក មន្ត្រីរាជការ សមត្ថកិច្ច អាជ្ញាធរមូលដ្ឋាន តំណាងវិទ្យាស្ថានទាំងបីក្នុងខេត្ត ប.ស.ស NEA ស.ស.យ.កស្រុក តំណាងរោងចក្រ សហគ្រាស ក្រុមហ៊ុន អតីតពលករ យុវជន និងប្រជាពលរដ្ឋមូលដ្ឋាន។