ព័ត៌មានក្នុងខេត្ត

បាត់ដំបង ៖ ក្រោយពីសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតថ្មី នៅរោងចក្រប្រព្រឹត្តកម្មទឹកស្អាតកំពង់សីមា ស្ថិតក្នុងភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង កាលពីថ្ងៃទី៣០ ខែមេសា ឆ្នាំ២០២៦កន្លងមកនោះ ឯកឧត្តម ហ៊ុល បុណ្ណារិទ្ធ អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជានាយកគម្រោងផ្គត់ផ្គង់ទឹកស្អាត និងអនាម័យ ហៅកាត់ថា PMU (ភី អឹម យូ) នាថ្ងៃទី០១ ខែកក្កដា ឆ្នាំ២០៦ បានដឹកនាំក្រុមការងារម្ចាស់គម្រោងទីភ្នាក់ងារបារាំងសម្រាប់ការអភិវឌ្ឍន៍ ហៅកាត់ថា AFD(អាហ្វេសដេ)នៃគម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាត និងអនាម័យខេត្តបាត់ដំបង បានចុះបំពេញទស្សនកិច្ចសិក្សាស្វែងយល់អំពីខ្សែច្រវាក់ផលិតកម្មរោងចក្រប្រព្រឹត្តកម្មទឹកស្អាតកំពង់សីមា ស្ថិតនៅភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង ។

បាត់ដំបង៖លោក ហម អរុណ អនុប្រធានមន្ទីរទេសចរណ៍ខេត្តបាត់ដំបង បានឱ្យដឹងថា ក្នុងឆមាសទី១ឆ្នាំ២០២៦ ភ្ញៀវទេសចរដែលបានអញ្ជើញមកទស្សនាកម្សាន្ត និងស្នាក់នៅក្នុងខេត្តបាត់ដំបងមានចំនួនប្រមាណជិត២៨ម៉ឺននាក់ ក្នុងនោះភ្ញៀវទេសចរអន្តរជាតិប្រមាណជិត១៧,០០០នាក់។ លោក ហម អរុណ ឱ្យដឹងបន្ថែមថា ភ្ញៀវទេសចរជាតិ និងអន្តរជាតិនៅតែបន្តដើរលេងកម្សាន្ត និងទស្សនានៅតាមគោលដៅសក្ដានុពលសំខាន់ៗនៅក្នុងខេត្តបាត់ដំបង ជាពិសេសគោលដៅដែលមានការរៀបចំអភិវឌ្ឍន៍ថ្មីបានស្រូបទាញភ្ញៀវទេសចរឱ្យទៅទស្សនាកម្សាន្តយ៉ាងច្រើនកុះករប្រកបទៅដោយសន្តិសុខសណ្ដាប់ធ្នាប់ និងសុខសុវត្ថិភាព។

បាត់ដំបង៖ រដ្ឋបាលស្រុកបវេល បានបើកយុទ្ធនាការទ្រង់ទ្រាយធំមួយ ដោយធ្វើតេស្តរហ័សរកសារធាតុញៀនលើមន្ត្រីរដ្ឋបាល និងអាជ្ញាធរមូលដ្ឋានគ្រប់លំដាប់ថ្នាក់ សរុបជាង ៤០០ នាក់។ គោលបំណងគឺដើម្បីបង្ហាញភាពជាគំរូ និងប្តេជ្ញាចិត្តយ៉ាងម៉ឺងម៉ាត់ក្នុងការលុបបំបាត់គ្រឿងញៀនពីរង្វង់រាជការ។ ការត្រួតពិនិត្យនេះបានប្រព្រឹត្តទៅ កាលពីរសៀលថ្ងៃទី ៣០ ខែមិថុនា ឆ្នាំ ២០២៦ នៅបរិវេណសាលាស្រុកបវេល ដោយមានកិច្ចសហការពីកម្លាំងជំនាញនៃស្នងការដ្ឋាននគរបាលខេត្តបាត់ដំបង។

ជាមួយគ្នានេះដែរ ក្នុង«ព្រឹត្តិការណ៍ផ្លែឈើបាត់ដំបង ២០២៦» នេះ រដ្ឋបាលខេត្តក៏បានរៀបចំឱ្យមាន កម្មវិធីប៊ូហ្វេទុរេន រយៈពេល០៣ថ្ងៃ គឺថ្ងៃទី១០-១១-១២ ខែកក្កដា ឆ្នាំ២០២៦ ដើម្បីឱ្យបងប្អូនប្រជាពលរដ្ឋមានឱកាសទទួលទានទុរេនដ៏មានឱជារសផ្អែមឆ្ងាញ់ ជាទុរេនមានប្រភពច្បាស់លាស់មកពីចំការរបស់អ្នកបាត់ដំបងផ្ទាល់១០០% ព្រមទាំងផ្លែឈើជាច្រើនមុខទៀតផងដែរ។

ក្រសួងព័ត៌មានបានសង្កេតឃើញ អង្គភាពអាជីវកម្មពាក់ព័ន្ធនឹងវិស័យព័ត៌មាននិងសោតទស្សន៍មួយចំនួន បាននិងកំពុងធ្វើអាជីវកម្មដោយមិន មានអាជ្ញាបណ្ណ ដែលធ្វើឱ្យប៉ះពាល់សណ្តាប់ធ្នាប់ និងការប្រកួតប្រជែងមិនស្មោះត្រង់។

បាត់ដំបង៖ លោក ជួង សុភា នាយខណ្ឌរដ្ឋបាលជលផលខេត្តបាត់ដំបង បានឱ្យដឹងថា នៅថ្ងៃទី ០១ កក្កដា ២០២៦ សាលាដំបូងខេត្តបានសម្រេចដោះលែងជនសង្ស័យចំនួន ៤០ នាក់ ដែលបានលួចប្រើឧបករណ៍ឆក់ត្រីខុសច្បាប់ នៅអតីតតំបន់លេខ ២។ ការដោះលែងនេះធ្វើឡើងក្រោយមានការអនុញ្ញាតពីព្រះរាជអាជ្ញា និងបង់ការផាកពិន័យតាមច្បាប់រួចរាល់ កាលពីល្ងាចថ្ងៃទី ២៩ មិថុនា ២០២៦។

បាត់ដំបង៖ របាំបញ្ជាន់ស្រូវ គឺជារបាំប្រជាប្រិយមួយ ដែលឆ្លុះបញ្ចាំងពីទិដ្ឋភាពជីវភាពសហគមន៍កសិករ និងភាពសប្បាយរីករាយ ក្នុងរដូវប្រមូលផល នេះបើតាមការលើកឡើង របស់លោក គួយ វិច្ឆិកា អនុប្រធានការិយាល័យសិល្បៈទស្សនីយភាពនៃមន្ទីរវប្បធម៌ និងវិចិត្រសិល្បៈខេត្តបាត់ដំបង។ របាំនេះ ដើមឡើយត្រូវបានបង្កើតឡើង ដោយជនជាតិភាគតិចព័រ ក្នុងស្រុកសំឡូត ខេត្តបាត់ដំបង ដែលបង្ហាញអំពីវិធី សាស្ត្រនៃការប្រមូលផលស្រូវបែបបុរាណ និងសាមគ្គីភាព ការជួយយកអាសារគ្នា របស់ប្រជាកសិករ ក្នុងសហគមន៍ ជាពិសេសចង់បង្ហាញ អំពីតម្លៃនៃស្រូវអង្ករ ដែលជា “មាសស” របស់កម្ពុជា។

បាត់ដំបង៖ ដើម្បីការពារកេរ្តិ៍ឈ្មោះ និងទប់ស្កាត់ការបន្លំកសិផលបោកប្រាស់ភ្នែកភ្ញៀវទេសចរ ក្នុងខណៈពេលដែល «ទុរេនសំឡូត» កំពុងទទួលបានការគាំទ្រយ៉ាងខ្លាំង រដ្ឋបាលស្រុកសំឡូតបានបើកប្រតិបត្តិការចុះពិនិត្យតូបលក់ទុរេនជាង ៦០ កន្លែង។ ក្នុងនោះបានរកឃើញ និងចាត់វិធានការលើតូបមួយកន្លែង ដែលបានលួចនាំចូលទុរេនខុសប្រភពជាង ១ តោន មកបន្លំដាក់ស្លាកយីហោ «ទុរេនសំឡូត»។

ការប្រយុទ្ធប្រឆាំង នឹងបទល្មើសនេសាទ

បាត់ដំបង: នៅសល់តែ ១០ថ្ងៃទៀតប៉ុណ្ណោះ! ព្រឹត្តិការណ៍ផ្លែឈើបាត់ដំបង ឆ្នាំ២០២៦ ដែលគ្រប់គ្នាទន្ទឹងរង់ចាំ នឹងឈានចូលមកដល់។ ពេលនេះ ក្រុមម្ចាស់ចំការទុរេន និងផ្លែឈើល្បីៗទូទាំងស្រុកសំឡូត បានប្រមូលផល និងត្រៀមខ្លួនរួចជាស្រេច ក្នុងការនាំយកផ្លែឈើល្បីៗ ពិសេសផ្លែទុរេន ដែលមានឱជារសឈ្ងុយឆ្ងាញ់បំផុត មកតាំងបង្ហាញ និងលក់ជូនភ្ញៀវទេសចរជាតិ និងអន្តរជាតិ ដើម្បីបានភ្លក់កម្សាន្តយ៉ាងពេញចិត្ត។

បាត់ដំបង៖ នៅព្រឹកថ្ងៃទី៣០ ខែមិថុនា ឆ្នាំ២០២៦ ឯកឧត្តម អ៊ុក ឃ្នួច អគ្គលេខាធិការរង សមាគមអតីតយុទ្ធជន និងនិវត្តជនកម្ពុជា តំណាងដ៏ខ្ពង់ខ្ពស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា បានដឹកនាំក្រុមការងារអ.ន.ក.ខេត្ត, ក្រុង, ស្រុក, ឃុំ សង្កាត់ ចុះប្រគល់ផ្ទះចំនួន ៤ខ្នងជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ជូនសមាជិកមានជីវភាពខ្វះខាត ដែលមានដីអត់ផ្ទះ ចំនួន៤ខ្នង ទី១ ឈ្មោះ ផូ សុផល ភេទប្រុស អាយុ៦២ឆ្នាំ ជានិវត្តជន រស់នៅភូមិអង់ សង្កាត់អូរចារ ក្រុងបាត់ដំបង, ទី២ ឈ្មោះ សឿន វ៉ាត់ ភេទប្រុស អាយុ៧១ឆ្នាំ ជានិវត្តជន រស់នៅភូមិបល្ល័ង្គ សង្កាត់វត្តគរ ក្រុងបាត់ដំបង, ទី៣ ឈ្មោះ ឈន ឆេង ភេទប្រុស អាយុ៦៨ឆ្នាំ មានទីលំនៅភូមិរំចេក៣ សង្កាត់រតនៈ ក្រុងបាត់ដំបង និងទី៤ ឈ្មោះ ថោង យឿត ភេទ ប្រុស អាយុ ៥១ឆ្នាំ ជនពិការ មានទីលំនៅភូមិបាក់រទេះ ឃុំព្រែកហ្លួង ស្រុកឯកភ្នំ។

បាត់ដំបង៖ រដ្ឋបាលខេត្តបាត់ដំបង នាព្រឹកថ្ងៃទី៣០ ខែមិថុនា ឆ្នាំ២០២៦ បានបើកសិក្ខាសាលាផ្សព្វផ្សាយ ស្តីពី តួនាទី ភារកិច្ច និងសិទ្ធិអំណាច របស់ការិយាល័យប្រជាពលរដ្ឋ និងកម្មវិធីទូរសព្ទដៃ «មតិយើង» ដែលប្រព្រឹត្តិទៅនៅសាលប្រជុំសាលាខេត្តបាត់ដំបង ក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង និងដោយមានការអញ្ជើញចូលរួមពី លោក ធូ ភា អភិបាលរងខេត្តបាត់ដំបង លោក លោកស្រី ឯកឧត្តម លោកជំទាវសមាជិកក្រុមប្រឹក្សាខេត្ត លោក លោកស្រី ប្រធានក្រុមប្រឹក្សាក្រុងស្រុកទាំង១៤ គណៈភិបាលអភិបាលក្រុងស្រុកទាំង១៤ និងលោក លោកស្រី មកពីមន្ទីរអង្គភាពនានាក្នុងខេត្ត។