ព័ត៌មានក្នុងខេត្ត

បាត់ដំបង ៖ ការិយាល័យសុខាភិបាលស្រុកប្រតិបត្តិសំពៅលូន សហការជាមួយ អង្គការ RACHA ក្រោមការគាំទ្រពី UNICEF បានបន្តអនុវត្តសកម្មភាពអភិបាលគាំទ្រ និងបង្វឹកបង្ហាញផ្ទាល់នៅមណ្ឌលសុខភាពបួរ ស្រុកសំពៅលូន ខេត្តបាត់ដំបង ដើម្បីពង្រឹងសមត្ថភាពមន្ត្រីសុខាភិបាល និងលើកកម្ពស់គុណភាព សុវត្ថិភាពនៃសេវាថែទាំសុខភាពមាតា និងទារក ។

បាត់ដំបង៖មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំវគ្គបណ្តុះបណ្តាលស្តីពី «ការគ្រប់គ្រងការធ្លាក់ឈាមក្រោយសម្រាល (PPH)» ក្រោមអធិបតីភាព លោកសាស្ត្រាចារ្យជំនួយ ជា ពៅ អនុប្រធានមន្ទីរសុខាភិបាលនៃរដ្ឋបាលខេត្តបាត់ដំបង និង លោកវេជ្ជបណ្ឌិត ហាន ឧត្តម ប្រធានមន្ទីរពេទ្យបង្អែកខេត្តបាត់ដំបង ។

បាត់ដំបង៖ នាព្រឹកថ្ងៃទី៤ ខែវិច្ឆិកា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាគណៈអធិបតីក្នុងពិធីសំណេះសំណាល និងជូនដំណើរប្រជាពលរដ្ឋដែលត្រូវចូលបំពេញកាតព្វកិច្ចយោធានៅសាលាហ្វឹកហ្វឺនកងទ័ព។ ពិធីនេះបានប្រារព្ធធ្វើឡើងនៅទីបញ្ជាការដ្ឋានតំបន់ប្រតិបត្តិការសឹករងខេត្តបាត់ដំបង។

បាត់ដំបង៖នៅថ្ងៃទី៣ ខែវិច្ឆិកា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបងនាំយកពូជស្រូវដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈប្រព័ន្ធស្បៀងបម្រុងកម្ពុជាផ្ដល់ជូនដល់ប្រជាកសិករចំនួន៨៩៩គ្រួសារ ក្នុងឃុំអន្លង់វិល ឃុំកំពង់ព្រៀង និងឃុំកំពង់ព្រះ ស្រុកសង្កែ ខេត្តបាត់ដំបង ដើម្បីជួយសម្រួលដល់ការបង្កបង្កើនផលស្តារឡើងវិញបន្ទាប់ពីរងផលប៉ះពាល់ដោយជំនន់ទឹកភ្លៀង។

ខេត្តបាត់ដំបង៖ ក្រោយពីបានទទួលព័ត៌មានតាមបណ្តាញសង្គម ហ្វេសប៊ុក (Facebook) ពាក់ព័ន្ធនឹងស្ថានភាពជីវភាពរស់នៅ របស់គ្រួសារ លោក អ៊ួន ដានឿន, ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត នៅព្រឹកថ្ងៃទី០៣ ខែវិច្ឆិកា ឆ្នាំ២០២៦ បានចាត់ឱ្យ ឯកឧត្តម ផេង សិទ្ធី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្ត និងសហការី រួមជាមួយមន្ត្រីអនុសាខាកាកបាទក្រហមកម្ពុជាស្រុកថ្មគោល ចុះសួរសុខទុក្ខ និងពិនិត្យមើលស្ថានភាព រស់នៅផ្ទាល់ របស់គ្រួសារប្រជាពលរដ្ឋរងគ្រោះខាងលើ ដែលស្ថិតនៅភូមិកោងកាង ឃុំបន្សាយត្រែង ស្រុកថ្មគោល ខេត្តបាត់ដំបង ដើម្បីផ្តល់ការឧបត្ថម្ភ ជួយសម្រាលទុក្ខលំបាក និងលើកទឹកចិត្តឱ្យមានលទ្ធភាពគ្រប់គ្រាន់ ក្នុងការប្រកបមុខរបរប្រចាំថ្ងៃ។

វឌ្ឍនភាពនៃការផ្តល់សេវាសាធារណៈលើវិស័យទាំង ១៤

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង បានជំរុញដល់អាជ្ញាធរក្រុង ស្រុក មន្ទីរ អង្គភាព ត្រូវពង្រឹងកិច្ចសហការជាមួយមន្ទីរព័ត៌មានខេត្តដើម្បីបណ្ដុះបណ្ដាលមន្រ្តីទទួលបន្ទុកកិច្ចការព័ត៌មាន និងសាធារណមតិសំដៅរួមគ្នាពន្លឿនការក្ដាប់សភាពការណ៍ និងដោះស្រាយបញ្ហាសាធារណមតិតាមបណ្ដាញសង្គមឱ្យបានលឿនរហ័ស និងមានប្រសិទ្ធភាព។

បាត់ដំបង៖ មន្ទីរផែនការខេត្តបាត់ដំបង នាព្រឹកថ្ងៃទី០៣ ខែវិច្ឆិកា ឆ្នាំ២០២៦ បានបើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២៧-២០២៩) ក្រុង សង្កាត់ នៅថ្នាក់ក្រុង សម្រាប់ឆ្នាំ២០២៦ ដែលរៀបចំឡើង នៅសាលប្រជុំសាលាក្រុងបាត់ដំបង ដោយមានការអញ្ជើញចូលរួមពី លោក ធុច រ៉ា ប្រធានក្រុមប្រឹក្សាក្រុងបាត់ដំបង លោក ធុច វណ្ណារ៉ាត់ អភិបាលរងក្រុងបាត់ដំបង លោក សុខ រិត អនុប្រធានមន្ទីរផែនការខេត្តបាត់ដំបង និងមានការចូលរួមពី លោក លោកស្រី ប្រធានអនុប្រធាន ឬតំណាងមន្ទីរអង្គភាពជុំវិញខេត្ត លោក ចៅសង្កាត់ និងសហការី ព្រមទាំងតំណាងអង្គការដៃគូរអភិវឌ្ឍន៍ ជាច្រើនរូបទៀត។

បាត់ដំបង ៖ រយៈពេល២ថ្ងៃ ចាប់ពីថ្ងៃទី០៣ ដល់០៤ ខែវិច្ឆិកា ឆ្នាំ២០២៦នេះ មណ្ឌលសុខភាពកំពង់ព្រៀង បានចាប់ផ្ដើមធ្វើការពិនិត្យស្រាវជ្រាវរកជំងឺមហារីកមាត់ស្បូនដោយតេស្ត HPV ជូនដល់ស្ត្រីគ្រប់រូប ដែលមានអាយុចាប់ពី៣០ឆ្នាំ ដល់៤៩ឆ្នាំ នៅគ្រប់ភូមិ ស្ថិតក្នុងមូលដ្ឋានឃុំកំពង់ព្រៀង នៃស្រុកសង្កែ ខេត្តបាត់ដំបង ដោយមិនគិតថវិកាឡើយ ។

បាត់ដំបង៖ស្របតាមអនុសាសន៍ដ៏ខ្ពង់ខ្ពស់របស់ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការណែនាំផ្ទាល់ពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ប៉ូវ វណ្ណឌី ស្នងការរងទទួលផែនការងារសណ្តាប់ធ្នាប់ សហការជាមួយលោកនាយការិយាល័យនគរបាលចរាចរណ៍ផ្លូវគោក ដឹកនាំកម្លាំងនគរបាលចរាចរណ៍ផ្លូវគោក ចុះសម្រួលចរាចរណ៍ និងអប់រំណែនាំច្បាប់ចរាចរណ៍ផ្លូវគោកដល់បងប្អូនប្រជាពលរដ្ឋអ្នកប្រើប្រាស់ផ្លូវទាំងអស់ នៅតាមចំណុចគោលដៅស្តុប និងក្បាលស្ពាននានា ក្នុងភូមិសាស្ត្រក្រុងបាត់ដំបងកាលពីថ្ងៃទី២ ខែវិច្ឆិកា ឆ្នាំ២០២៦។

បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅព្រឹកថ្ងៃទី២ ខែវិច្ឆិកា ឆ្នាំ២០២៦ លោក តេង គឹមស៊ាន ប្រធានគណៈកម្មាធិការអនុសាខាកាកបាទក្រហមកម្ពុជាស្រុកថ្មគោល និងសហការី បានអញ្ជើញចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនប្រជាជាពលរដ្ឋរងគ្រោះដោយអគ្គិភ័យ(ឆេះផ្ទះ)១ខ្នង ដែលបានរងគ្រោះ កាលពីថ្ងៃទី១ ខែវិច្ឆិកា ឆ្នាំ២០២៦ កន្លងទៅ ស្ថិតនៅភូមិព្រៃទទឹង ឃុំអូរតាគី ស្រុកថ្មគោល ខេត្តបាត់ដំបង។

បាត់ដំបង៖ កាលពីថ្ងៃទី១ ខែវិច្ឆិកា ឆ្នាំ២០២៦ លោក ទេព ហន អភិបាលរងខេត្តបាត់ដំបង និងជាតំណាងដ៏ខ្ពង់ខ្ពស់របស់ឯកឧត្តម សុខ លូ អភិបាលខេត្តបាត់ដំបង បានអញ្ជើញដឹកនាំពិធីសំណេះសំណាល និងចែកពូជស្រូវជូនប្រជាពលរដ្ឋដែលរងផលប៉ះពាល់ដោយសារជំនន់ទឹកភ្លៀង ស្ថិតនៅឃុំកកោះ ស្រុកមោងឫស្សី ខេត្តបាត់ដំបង។