ព័ត៌មានក្នុងខេត្ត

បាត់ដំបង៖ ឥទ្ធិពលព្យុះទី២៦ ឈ្មោះ «ស៊ូរីហ្គាអេ» (Surigae) បានបង្កឱ្យមានភ្លៀងធ្លាក់ និងរលឹមជាបន្តបន្ទាប់ ចាប់តាំងពីយប់រហូតដល់ថ្ងៃត្រង់ នាថ្ងៃទី២៤ ខែកញ្ញា ឆ្នាំ២០២៦ នៅតាមតំបន់មួយចំនួនក្នុងខេត្តបាត់ដំបង ជាពិសេសក្នុងក្រុងបាត់ដំបង។ ទោះជាយ៉ាងណា អាជ្ញាធរបញ្ជាក់ថា កម្ពស់ទឹកស្ទឹងសង្កែនៅតែធម្មតា និងមិនទាន់ប្រឈមនឹងជំនន់ទឹកភ្លៀងឡើយ។

បាត់ដំបង៖ សមត្ថកិច្ចចម្រុះខេត្តបាត់ដំបង កំពុងធ្វើការស្រាវជ្រាវយ៉ាងយកចិត្តទុកដាក់ លើករណីកញ្ឆាក្រៀមចំនួន ៥០ កញ្ចប់ (ស្មើនឹង ១ ការុង) ដែលត្រូវបានភាគីទាហានថៃបន្លំផ្ញើតាមអីវ៉ាន់របស់ពលករខ្មែរ ពេលបញ្ជូនត្រឡប់មកស្រុកកំណើត តាមច្រករបៀងក្នុងស្រុកកំរៀង។

ការថែទាំ ជួសជុល និងអភិវឌ្ឍន៍ផ្លូវ ក្នុងខេត្តបាត់ដំប

សមាគមអតីតយុទ្ធជន និងនិវត្តជនកម្ពុជា ស្រុករតនៈមណ្ឌល ខេត្តបាត់ដំបង ដឹកនាំដោយលោក នូវ ឫទ្ធី អភិបាលរងនៃគណៈអភិបាលស្រុករតនៈមណ្ឌល បាននាំយកថវិកាមរណៈសង្គ្រោះរបស់ អ.ន.ក. ទៅប្រគល់ជូនគ្រួសារសពអតីតយុទ្ធជន ឈ្មោះ ឆក វឿន ភេទប្រុស អាយុ ៦១ ឆ្នាំ អត្តលេខ HA ៩០០០០៨៨៣ (ជនពិការ) ដែលបានទទួលមរណភាពកាលពីថ្ងៃទី ២១ ខែកញ្ញា ឆ្នាំ ២០២៦ ដោយជរាពាធ។

បាត់ដំបង៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីសំណេះសំណាលជាមួយគណៈគ្រប់គ្រងសាលា និងសិស្សានុសិស្សដែលទទួលបាននិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី ១០ សីហា ២០២៦ កន្លងទៅ។ ពិធីនេះបានប្រព្រឹត្តទៅនៅព្រឹកថ្ងៃទី ២២ ខែកញ្ញា ឆ្នាំ ២០២៦។

បាត់ដំបង៖ រដ្ឋបាលក្រុងបាត់ដំបង នាព្រឹកថ្ងៃទី២៣ ខែកញ្ញា ឆ្នាំ២០២៦ បានរៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាក្រុងបាត់ដំបង អាណត្តិទី៤ សម្រាប់ឆ្នាំ២០២៦ ក្រោមប្រធានបទ ស្តីពី “យើងរួមគ្នាអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព ពិសេសលុបបំបាត់ការឆបោកតាមប្រព័ន្ធបច្ចេកវិទ្យា” ដោយមានការអញ្ជើញចូលរួមពី លោក ធុច រ៉ា ប្រធានក្រុមប្រឹក្សាក្រុងបាត់ដំបង លោក លាង វាសនា អភិបាលក្រុងបាត់ដំបង លោក លោកស្រី សមាជិកក្រុមប្រឹក្សាក្រុង លោក លោកស្រី អភិបាលរងក្រុង ប្រធាន អនុប្រធានការិយាល័យ មន្រ្តីរាជការ ប្រធានក្រុមប្រឹក្សាសង្កាត់ សមាជិកក្រុមប្រឹក្សាសង្កាត់ ថ្នាក់ដឹកនាំភូមិ យុវជន និងប្រជាពលរដ្ឋយ៉ាងច្រើនកុះករ។

បាត់ដំបង ៖ ប្រធានមន្ទីរសុខាភិបាលនៃរដ្ឋបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានលើកទឹកចិត្តដល់មន្ត្រីសុខាភិបាលខេត្តបាត់ដំបង យ៉ាងដូច្នេះថា មន្ត្រីសុខាភិបាលអាចទ្រាំនឹងផ្សែងថ្នាំបាញ់មូសបាន តែមិនចង់ឃើញប្រជាពលរដ្ឋ ទ្រាំនឹងការឈឺចាប់ដោយជំងឺគ្រុនឈាមនោះទេ ។

បាត់ដំបង ៖ សិក្ខាសាលាថ្នាក់ជាតិ ស្តីពីកិច្ចជួយសង្គ្រោះជនរងគ្រោះដោយសារមីន និងសំណល់ជាតិផ្ទុះពីសង្គ្រាម ដែលបានប្រព្រឹត្តទៅនៅសណ្ឋាគារក្លាស់ស៊ី ខេត្តបាត់ដំបង ចាប់ពីថ្ងៃទី២២ ដល់ថ្ងៃទី២៣ ខែកញ្ញា ឆ្នាំ២០២៦ ។ មានគោលបំណងដើម្បីពង្រឹងយន្តការ និងបទដ្ឋានគតិយុត្ត ជំរុញការផ្តល់សេវាដល់ជនមានពិការភាព និងអនុវត្តវិធីសាស្ត្រនានា ដែលគាំទ្រដល់ការគោរពសិទ្ធិ និងការឧបត្ថម្ភគាំទ្រ ព្រមទាំងលើកកម្ពស់ជីវភាពរស់នៅរបស់ជនរងគ្រោះដោយសារមីន និងសំណល់ជាតិផ្ទុះពីសង្គ្រាម រួមទាំងជនមានពិការភាពទូទៅផងដែរ ។

បាត់ដំបង៖ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អញ្ជើញជាអធិបតីក្នុងពិធីសំណេះសំណាលជាមួយគណៈគ្រប់គ្រង និងបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិ(និទ្ទេសA) សម័យប្រឡង៖១០ សីហា ២០២៦ ដែលពិធីនេះធ្វើឡើងនៅសាលប្រជុំសាលាខេត្តបាត់ដំបង នៅថ្ងៃទី២២ ខែកញ្ញា ឆ្នាំ២០២៦។

បាត់ដំបង៖ អង្គការអុកស្វាមកម្ពុជា អង្គការបន្ទាយស្រី និងសមាគមសម្ព័ន្ធសហគមន៍កសិករកម្ពុជា បានសហការគ្នារៀបចំ វេទិកាសំឡេងស្រ្តីជនបទ ស្តីពី ការងារសមរម្យ និងភាពធន់ របស់ស្រ្តីជនបទ ក្នុងយោគសម័យឌីជីថល ប្រព្រឹត្តទៅនាព្រឹកថ្ងៃទី២២ ខែកញ្ញា ឆ្នាំ២០២៦ នៅសាលមហោស្រពស្ទឹងសង្កែ ខេត្តបាត់ដំបង ដោយមានការអញ្ជើញចូលរួមពី លោកជំទាវ សុវឌ្ឍ សុបញ្ញារ័ត្ន អនុរដ្ឋលេខាធិការក្រសួងកិច្ចការនារី លោកជំទាវ ឃ្លោក ប៉េងថុល អនុរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ លោកស្រី កែវ ដាណា អភិបាលរងខេត្តបាត់ដំបង និងលោក លោកស្រី តំណាងក្រសួងស្ថាប័នពាក់ព័ន្ធ ដៃគូអភិវឌ្ឍន៍ វិស័យឯកជន ព្រមទាំងបងប្អូនស្រ្តីជនបទយ៉ាងច្រើនកុះករ។

បាត់ដំបង៖ ក្រុមមន្ត្រីជំនាញក្រសួងបរិស្ថាន សហការជាមួយអាជ្ញាធរ និងសមត្ថកិច្ចពាក់ព័ន្ធ កំពុងបន្តបេសកកម្មយ៉ាងសកម្ម ដើម្បីទប់ស្កាត់ និងសម្អាតសំណល់ប្រេងម៉ាស៊ូតប្រមាណ ១៩៨,០០០ លីត្រ ដែលបានលេចធ្លាយចេញពីទូរថភ្លើងក្រឡាប់ ស្ថិតក្នុងភូមិអណ្តូងចេញ សង្កាត់អូចារ ក្រុងបាត់ដំបង។

បាត់ដំបង៖ ក្រសួងបរិស្ថាន និងក្រសួងធម្មការ និងសាសនា បានចែកធុងសំរាមចំនួន ៩១៦ធុង ដល់វត្តទាំង១៤ ក្រុង ស្រុក នៃខេត្តបាត់ដំបង ក្នុងការលើកកម្ពស់ភាពស្អាត បៃតង និរន្តភាព ស្របទៅនឹងយុទ្ធសាស្រ្តចក្រាវិស័យបរិស្ថាន ដែលប្រព្រឹត្តទៅនារសៀលថ្ងៃទី២១ ខែកញ្ញា ឆ្នាំ២០២៦ នៅបរិវេណវត្តពោធិ៍វាល ក្រុងបាត់ដំបង ដោយមានការនិមន្តអញ្ជើញចូលរួមពីលោក គុណសម្បត្តិ មុន្នីរ័ត្ន ប្រធានមន្ទីរធម្មការ និងសាសនាខេត្តបាត់ដំបង លោក អៀ គឹមឆេង អនុប្រធានមន្ទីរបរិស្ថានខេត្តបាត់ដំបង និងព្រះចៅអធិការវត្តទាំង១៤ក្រុង ស្រុកនៃខេត្តបាត់ដំបង។