ព័ត៌មានក្នុងខេត្ត

បាត់ដំបង៖ ម៉ូតូសណ្តោងរ៉ឺម៉កដឹកខ្សាច់មួយគ្រឿង បានបើកឆ្លងកាត់ស្ពានយោលស្ទឹងសង្កែ ជិតដល់ចុងស្ពានម្ខាងហើយ ក៏ស្រាប់តែបាក់ក្ដារស្ពាន ធ្លាក់ទាំងម៉ូតូ និងរ៉ឺម៉កចូលទៅក្នុងស្ទឹងសង្កែ។ ប៉ុន្តែសំណាងល្អ អ្នកបើកបរបានស្រវ៉ាតោងខ្សែស្ពានយោលជាប់ ទើបមិនបណ្តាលឱ្យមានគ្រោះថ្នាក់ដល់ជីវិត។

ឯកឧត្តម សុខ លូ អភិបាលខេត្តបាត់ដំបង បានមានប្រសាសន៍ថា យុទ្ធនាការ «ផ្ទះ ១ ខ្នង ដើមឈើ ១ ដើម» ដែលបានដាក់ឲ្យអនុវត្ត មានរយៈពេល ៣ ឆ្នាំកន្លងមកហើយ ប៉ុន្តែរហូតមកដល់ពេលនេះ នៅមិនទាន់មានចំនួនជាផ្លូវការទេ។

ការត្រៀមខ្លួនរបស់សិស្សបន្តសិក្សាថ្នាក់ ឧត្តមសិក្សា

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អញ្ជើញជាអធិបតីក្នុងទិវាសំអាតពិភពលោកលើកទី៩ ឆ្នាំ២០២៦ ក្រោមប្រធានបទ ៥%នៃការចូលរួមពីសំណាក់ប្រជាពលរដ្ឋនៃប្រទេសនីមួយៗ ដែលទិវានេះធ្វើឡើងនៅថ្ងៃទី២១ ខែកញ្ញា ឆ្នាំ២០២៦ នៅបរិវេណអនុវិទ្យាល័យសោហឺ ក្រុងបាត់ដំបង។

ការអភិវឌ្ឍហេដ្ឋារចនាសម្ព័ន្ធផ្លូវថ្នល់ គឺជាកាតាលីករដ៏សំខាន់ក្នុងការជំរុញកំណើនសេដ្ឋកិច្ច និងលើកកម្ពស់ជីវភាពរស់នៅរបស់ប្រជាពលរដ្ឋ។ ក្នុងឆ្នាំ២០២៦នេះ ក្រុងបាត់ដំបងទទួលបានគម្រោងសាងសង់ផ្លូវជាច្រើនពីរាជរដ្ឋាភិបាលកម្ពុជា ដែលក្នុងនោះ សង្កាត់អូរចារទទួលបានផ្លូវបេតុងចំនួន ៦ ខ្សែ។

បាត់ដំបង៖ បន្ទាប់ពីបានទទួលព័ត៌មាន ស្តីពីស្ថានភាពលំបាក របស់ប្រជាពលរដ្ឋងាយរងគ្រោះបំផុតចំនួន ២នាក់ ម្តាយនិងកូន ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង បានចាត់ក្រុមការងារឱ្យចុះពិនិត្យ និងតាមដានស្ថានភាពនេះ ជាបន្ទាន់។ ជាក់ស្តែង នៅរសៀលថ្ងៃទី១៩ ខែកញ្ញា ឆ្នាំ២០២៦ ឯកឧត្តម ផេង សិទ្ធី អនុប្រធានអចិន្រ្តៃយ៍គណៈកម្មាធិការសាខាកាកបាទក្រហមកម្ពុជា ខេត្តបាត់ដំបង និងសហការី ដោយមានការចូលរួមពីអនុសាខាកាកបាទក្រហមកម្ពុជាស្រុកមោងឫស្សី បានអញ្ជើញចុះជួបសំណេះសំណាល និងសួរសុខទុក្ខដោយផ្ទាល់ជាមួយគ្រួសាររងគ្រោះ ដែលជាស្ត្រីជាម្តាយ និងកូនស្រី ដែលមានផ្ទៃពោះ មានជីវភាពទីទ័លក្រ ស្ថិតក្នុងនៅភូមិទួលព្រំពីរ ឃុំកកោះ ស្រុកមោងឫស្សី ខេត្តបាត់ដំបង។

បាត់ដំបង៖ អគារបណ្ណាល័យមួយខ្នងមានបណ្តោយប្រវែង៣៦ម៉ែត្រ ជម្រៅ ១៨ម៉ែត្រ កម្ពស់បីជាន់ របស់អង្គការពុទ្ធសាសនា ដើម្បីការអប់រំនៃកម្ពុជា ហៅកាត់ថា(ព.អ.ក) ដែលមានទីតាំងស្ថិតនៅក្នុងភូមិកំពង់សីមា សង្កាត់វត្តគរ ក្រុងបាត់ដំបង ត្រូវបានធ្វើពិធីបុណ្យបញ្ចុះបឋសិលាសាងសងជាផ្លូវការ នារសៀលថ្ងៃ ទី១៩ ខែកញ្ញា ឆ្នាំ២០២៦ ក្រោមអធិបតីភាព ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងដោយមានការអញ្ជើញចូលរួមពីលោក លោកស្រី ប្រធាន អនុប្រធាន មន្ទីរជុំវិញខេត្ត ព្រមទាំងពុទ្ធបរិស័ទជិតឆ្ងាយយ៉ាងច្រើនកុះករ។

បាត់ដំបង៖ ដើម្បីកាត់បន្ថយហានិភ័យអំឡុងពេលសម្រាល និងពង្រឹងសុខភាពម្តាយព្រមទាំងទារក មណ្ឌលសុខភាពជ្រៃ ស្ថិតនៅស្រុកថ្មគោល ខេត្តបាត់ដំបង បានជំរុញយ៉ាងសកម្មឲ្យស្ត្រីមានផ្ទៃពោះចាប់ពី៦សប្តាហ៍ឡើងទៅ និងស្ត្រីទើបសម្រាលកូនចូលរួមក្នុងវគ្គអប់រំពិសេសមួយ ដែលហៅថា «ថ្នាក់អប់រំសុខភាពម្តាយ (Mother Class)»។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីប្រគល់បណ្ណសរសើរជូនសិស្សជ័យលាភី សិស្សពូកែ សិស្ស៣ល្អ យុវជនឆ្នើម កីឡាករ កីឡាការិនី និងសិស្សពិការ គ ថ្លង់ នៃវិទ្យាល័យសម្ដេចឪ ខេត្តបាត់ដំបង ដែលពិធីនេះធ្វើឡើងនៅក្នុងសាលប្រជុំវិទ្យាល័យសម្ដេចឪ នៅថ្ងៃទី១៨ ខែកញ្ញា ឆ្នាំ២០២៦។

បាត់ដំបង៖ អគ្គនាយកដ្ឋានពន្ធដារ បានរៀបចំសិក្ខាសាលា ស្តីពី “ច្បាប់ និងលិខិតបទដ្ឋានគតិយុត្តស្តីពីពន្ធដារថ្មីៗ ការដោះស្រាយបណ្តឹងតវ៉ាពន្ធដារ និងការប្រឆាំងបទល្មើសពន្ធដារ និងបទល្មើសសម្អាតប្រាក់” ប្រព្រឹត្តិទៅនាព្រឹកថ្ងៃទី១៨ ខែកញ្ញា ឆ្នាំ២០២៦ នៅសាលប្រជុំសណ្ឋាគារស្ទឹងសង្កែខេត្តបាត់ដំបង ដោយមានការអញ្ជើញចូលរួមពី លោក សុខ ឆៀង អនុប្រធាននាយកដ្ឋាននីតិកម្ម គោលនយោបាយសារពើពន្ធ និងសហប្រតិបត្តិការអន្តរជាតិ និងជាតំណាងដ៏ខ្ពង់ខ្ពស់ របស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ លោក ស្រេង ហុង អភិបាលរងខេត្តបាត់ដំបង និងលោក លោកស្រី ប្រធាន អនុប្រធាន មន្ទីរ អង្គភាពជុំវិញខេត្ត កងកម្លាំងប្រដាប់អាវុធក្នុងខេត្ត ព្រមទាំងលោក លោកស្រី មកពីវិស័យឯកជនជាច្រើនរូបទៀត។

ការផ្តល់សេវា ច្រកចេញចូល តែមួយ រដ្ឋបាលក្រុងបាត់ដំបង

បាត់ដំបង៖ បន្ទាប់ពីបានសិក្សាច្បាប់អន្តរជាតិផ្នែកអន្តរជាតិសាធារណៈរួចមក សាមណៈនិស្សិត និស្សិតឆ្នាំទី៣ នៃសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានរៀបចំកម្មវិធីប្រកួតសវនាការប្រឌិដ្ឋតុលាការយុត្តិធម៌អន្តរជាតិ ហៅកាត់ថា ICJ ដែលបានប្រព្រឹត្តទៅនាព្រឹកថ្ងៃទី១៧ ខែកញ្ញា ឆ្នាំ២០២៦។ ដោយក្នុងនោះ ប្រធានបទដែលត្រូវយកមកធ្វើការប្រកួតចំនួន៥ រួមមាន ការបកស្រាយសន្ធិសញ្ញា និងសិទ្ធិមនុស្ស វិវាទរវាងសាធារណៈរដ្ឋលីបេរ៉ា និងសហព័ន្ធអ័រមីដា ប្រធានបទការបំពុលឆ្លងដែន និងការទទួលខុសត្រូវ របស់រដ្ឋភាគី វិវាទរវាងព្រះរាជាណាចក្រហ្រ្គីនវ៉ាល់ និងសាធារណៈរដ្ឋឥណ្ឌុស ប្រធានបទជំលោះទឹកដី និងអធិបតេយ្យភាព រវាងសាធារណៈរដ្ឋវ៉ាល់ឌ័រ និងសហព័ន្ធម៉ារីណា ប្រធានបទព្រំដែនសមុទ្រ និងតំបន់សេដ្ឋកិច្ចពិសេស រវាងសាធារណៈរដ្ឋអូស៊ីអា និងព្រះរាជាណាចក្រប៉ាស៊ីហ្វីកា ហើយនិងប្រធានបទ ស្តីពីការប្រើប្រាស់កំលាំង និងការការពារខ្លួន វិវាទរវាងសាធារណៈរដ្ឋនូរា និងសហភាពរាល់ថេរ៉ា។