ព័ត៌មានក្នុងខេត្ត

បាត់ដំបង៖ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងសហការី បានអញ្ជើញចុះចែកស្រូវពូជដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈប្រព័ន្ធស្បៀងបម្រុងកម្ពុជា ជូនដល់ប្រជាកសិករចំនួន ៣៧៦គ្រួសារ ក្នុងឃុំវត្តតាមិម និងឃុំរកា ស្រុកសង្កែ ខេត្តបាត់ដំបង ដើម្បីជួយសម្រួលដល់ការស្តារឡើងវិញនូវការបង្កបង្កើនផល និងជីវភាពរស់នៅរបស់ប្រជាពលរដ្ឋដែលរងផលប៉ះពាល់ដោយទឹកជំនន់ នាព្រឹកថ្ងៃទី២ ខែវិច្ឆិកា ឆ្នាំ២០២៦។

បាត់ដំបង៖ រដ្ឋបាលស្រុកឯកភ្នំ សហការជាមួយធនាគារជាតិនៃកម្ពុជា សាខាខេត្តបាត់ដំបង នឹងរៀបចំយុទ្ធនាការផ្សព្វផ្សាយ និងជំរុញការប្រើប្រាស់ប្រព័ន្ធទូទាត់ឌីជីថល KHQR និង បាគង ព្រមទាំងផ្តល់សេវាប្តូរក្រដាសប្រាក់រៀលចាស់ ទក់ រហែក ជូនប្រជាពលរដ្ឋ និងសាធារណជន ដោយមិនគិតកម្រៃសេវា។

បាត់ដំបង ៖ មន្ទីរអប់រំយុវជន និងកីឡាខេត្តបាត់ដំបង នាថ្ងៃទី១ ខែវិច្ឆិកា ឆ្នាំ២០២៦ បានរៀបចំប្រារព្ធពិធីបើកបវេសនកាលឆ្នាំសិក្សាថ្មី ឆ្នាំ២០២៦-២០២៧ នៅវិទ្យាល័យសម្តេចឪ ក្រោមវត្តមានចូលរួមពីលោក ធូ ភា អភិបាលរងខេត្ត ជាតំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អ្នកពាក់ព័ន្ធ និងលោកគ្រូ អ្នកគ្រូ ព្រមទាំងសិស្សានុសិស្សមកពីវិទ្យាល័យនានា ក្នុងក្រុងបាត់ដំបង ខេត្តបាត់ដំបង ។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានបើកវគ្គបណ្តុះបណ្តាលស្តីពី«ជំងឺឡើងសម្ពាធឈាម និងជំងឺទឹកនោមផ្អែម» នៅសាលប្រជុំបណ្តុះបណ្តាលបន្តនៃមន្ទីរសុខាភិបាលខេត្តបាត់ដំបង កាលពី ថ្ងៃទី៣១ ខែតុលា ឆ្នាំ២០២៦ ។ កិច្ចនេះបានដំណើរការទៅ ក្រោមវត្តមានចូលរួមពី ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល និងជាតំណាងសមាគមជំងឺទឹកនោមផ្អែម ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង រដ្ឋបាលស្រុកសង្កែ ស្រុករតនមណ្ឌល ព្រមទាំងថ្នាក់ដឹកនាំមូលដ្ឋាន គ្រូឧទ្ទេស មន្ត្រីសុខាភិបាល និងអ្នកពាក់ព័ន្ធជាច្រើនទៀត ។

បាត់ដំបង ៖ ប្រធានមន្ទីរសុខាភិបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានធ្វើការជំរុញ និងណែនាំ ដល់មន្ត្រីក្រោមឱវាទ ត្រូវយកចិត្តទុកដាក់ រួមគ្នាគិត រួមធ្វើ និងរួមទទួលខុសត្រូវ ដើម្បីពង្រឹងអង្គភាពមន្ទីរកណ្តាលឱ្យក្លាយជាកម្លាំងស្នូលក្នុងការដឹកនាំ និងគាំទ្រប្រព័ន្ធសុខាភិបាលទូទាំងខេត្ត ប្រកបដោយគុណភាព ប្រសិទ្ធភាព និងគណនេយ្យភាព ។

បាត់ដំបង៖ ក្រុមការងារជំនាញនៃមន្ទីររ៉ែ និងថាមពលខេត្តបាត់ដំបង បានចុះត្រួតពិនិត្យជាថ្មីលើទីតាំងដំឡើងសម្ភារសម្រាប់ធ្វើអាជីវកម្មរ៉ែមាសដោយគ្មានច្បាប់អនុញ្ញាតមួយកន្លែង ស្ថិតនៅភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ដែលអាជ្ញាធរធ្លាប់បានបង្ក្រាបកន្លងមក។

វិធានការការពារជម្រក សុវត្ថិភាព និងការរៀបចំលំនៅដ្ឋានឡើងវិញក្រោយរងផលប៉ះពាល់ និងរងគ្រោះដោយទឹកជំនន់

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ថ្លែងឱ្យដឹងថា ផ្លូវដែលខូចខាតដោយសារទឹកជំនន់នៅតាមបណ្ដាស្រុក កន្លងមកត្រូវបានជួសជុលប្រើប្រាស់ជាបណ្តោះអាសន្នមួយ ចំនួនដោយអាជ្ញាធរមូលដ្ឋាន ជាមួយក្រុមការងារ និងមួយចំនួនទៀត បានជួសជុលលុបសំបុកមាន់ដោយ មន្ទីរសាធារណការ និងដឹកជញ្ជូនខេត្ត ហើយកំពុងរង់ចាំការស្តារនិងជួសជុលឡើងវិញពីក្រសួងអភិវឌ្ឍន៍ ជនបទ និងក្រសួងសាធារណការនិងដឹកជញ្ជូន។

បាត់ដំបង៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបសំណេះសំណាល និងចែកពូជស្រូវ ព្រមទាំងកញ្ចប់ស្បៀងជូនប្រជាពលរដ្ឋដែលរងគ្រោះដោយទឹកជំនន់ ចំនួន១០ ៧០០ គ្រួសារ ក្នុងខេត្តបាត់ដំបង នាព្រឹកថ្ងៃសុក្រទី៣០ ខែតុលា ឆ្នាំ២០២៦។

ខេត្តបាត់ដំបង៖ ដើម្បីសម្រាលការលំបាក និងជួយស្តារជីវភាពប្រជាពលរដ្ឋដែលរងផលប៉ះពាល់ដោយគ្រោះទឹកជំនន់ទឹកភ្លៀង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីសំណេះសំណាល និងចែកពូជស្រូវ ព្រមទាំងស្បៀងអាហារ ជូនប្រជាពលរដ្ឋដែលរងផលប៉ះពាល់ដោយសារគ្រោះទឹកជំនន់ទឹកភ្លៀងក្នុងខេត្តបាត់ដំបង។

បាត់ដំបង ៖ វគ្គបណ្តុះបណ្តាលស្តីពី ការកំណត់រោគសញ្ញាជំងឺស្រូវ និងការវិភាគរកមេរោគដោយប្រើប្រាស់បច្ចេកវិទ្យាម៉ូលេគុលជីវសាស្រ្ត មានរយៈពេល៧ថ្ងៃ ចាប់ពីថ្ងៃទី២៥ ដល់ថ្ងៃទី៣១ ខែតុលា ឆ្នាំ២០២៦ ស្ថិតក្រោមការរៀបចំឡើងដោយសាកលវិទ្យាល័យជាតិបាត់ដំបង វិទ្យាស្ថានស្រាវជ្រាវ ដើម្បីអភិវឌ្ឍន៍នៃប្រទេសបារាំង និងស្ថានទូតបារាំងនៅកម្ពុជា ។

បាត់ដំបង ៖ មន្ត្រីផ្នែកសុវត្ថិភាពចំណីអាហារនៃការិយាល័យនិយ័តកម្មសុខាភិបាល មន្ទីរសុខាភិបាលនៃរដ្ឋបាលខេត្តបាត់ដំបង បានបន្តចុះត្រួតពិនិត្យ ណែនាំ និងផ្សព្វផ្សាយអំពីអនាម័យ និងសុវត្ថិភាពចំណីអាហារ នៅតាមអាហារដ្ឋាន និងភោជនីយដ្ឋានក្នុងក្រុងបាត់ដំបង ចាប់ថ្ងៃទី២៦-២៨ ខែតុលា ឆ្នាំ២០២៦ ។