ព័ត៌មានក្នុងខេត្ត

បាត់ដំបង៖សមាគមអ្នកផ្គត់ផ្គង់ទឹកស្អាតកម្ពុជា បើកកិច្ចប្រជុំថ្នាក់តំបន់ដើម្បីជំរុញឱ្យមានកំណើនប្រជាពលរដ្ឋទទួលបានទឹកស្អាតប្រកបដោយគុណភាព សុវត្ថិភាព និរន្តរភាពនិងថ្លៃសមរម្យដើម្បីឈានទៅរកការសម្រេចបាននូវគោលដៅអភិវឌ្ឍន៍ប្រកបដោយចីរភាពកម្ពុជា ដែលកំណត់ថា ប្រជាពលរដ្ឋត្រូវមានទឹកស្អាតប្រើទាំងអស់គ្នា នៅត្រឹមឆ្នាំ២០៣០។ កិច្ចប្រជុំថ្នាក់តំបន់នេះធ្វើឡើងនៅថ្ងៃទី១៦ ខែកក្កដា ឆ្នាំ២០២៦ នៅក្រុងបាត់ដំបង ក្រោមអធិបតីឯកឧត្តម តន់ សុខជា អគ្គនាយក នៃអគ្គនាយកដ្ឋានទឹកស្អាតក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដោយមានការចូលរួមពីលោកអភិបាលរងខេត្តបាត់ដំបង ពោធិ៍សាត់ កំពង់ឆ្នាំង មន្ទីរអង្គភាពពាក់ព័ន្ធ និងប្រតិបត្តិករផ្គត់ផ្គង់ទឹកស្អាតឯកជន ដែលអញ្ជើញមកពីខេត្តចំនួន ៤ រួមមាន៖ ខេត្តបាត់ដំបង ខេត្តពោធិ៍សាត់ ខេត្តកំពង់ឆ្នាំង និងខេត្តប៉ៃលិន។

បាត់ដំបង៖មន្ទីរទេសចរណ៍ខេត្តបាត់ដំបងសហការជាមួយអង្គការសហប្រជាជាតិដើម្បីអភិវឌ្ឍន៍ឧស្សាហកម្ម ហៅកាត់ថា យូនីដូ(UNIDO)បានរៀបចំបើកវគ្គបណ្តុះបណ្តាលស្តីពីគោលការណ៍អនុវត្តអនាម័យល្អសម្រាប់ការគ្រប់គ្រងអាហារដ្ឋាននិងគោលដៅទេសចរណ៍ សម្របសម្រួល និងបង្រៀនដោយ លោក ហាក់ សុខជា តំណាងអង្គការយូនីដូ និងលោកស្រី យង់ រតនា គ្រូបង្គោល។វគ្គបណ្តុះបណ្តាលនេះធ្វើឡើងរយៈពេលពីរថ្ងៃគឺចាប់ពីថ្ងៃទី១៤ ដល់ ១៥ ខែកក្កដា ឆ្នាំ២០២៦ នៅមន្ទីរទេសចរណ៍ខេត្តបាត់ដំបង។

លោក ខៃ សុដា ប្រធានមន្ទីរធនធានទឹក និងឧតុនិយមខេត្តបាត់ដំបង បានធ្វើការបំភ្លឺជុំវិញចម្ងល់ ទឹកក្នុងស្ទឹង

បាត់ដំបង ៖ ស្ថានភាពទឹកជំនន់ស្ទឹងសង្កែ បានធ្វើឱ្យហេដ្ឋារចនាសម្ព័ន្ធផ្លូវថ្នល់មួយចំនួនក្នុងស្រុកឯកភ្នំ រងផលប៉ះពាល់ និងខូចខាតយ៉ាងខ្លាំង។ អាជ្ញាធរស្រុកបានចុះពិនិត្យផ្ទាល់ និងបញ្ជាឱ្យកងកម្លាំងទាំងអស់ត្រៀមលក្ខណៈអន្តរាគមន៍ជួយសង្គ្រោះប្រជាពលរដ្ឋទាន់ពេលវេលា។

បាត់ដំបង ៖ សហគមន៍កសិកម្មតាសីសាមគ្គី នៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង បានផ្តល់វគ្គបណ្តុះបណ្តាលស្តីពីការដាំដុះបន្លែក្នុងផ្ទះសំណាញ់ ជូនដល់ប្រជាកសិករជាជនភាសសឹកចំនួន២៦នាក់ ដែលជាក្រុមផលិត មកពីភូមិតាកឹងបៃតង ឃុំថ្មី ស្រុកគូលែន ខេត្តព្រះវិហារ ដើម្បីឱ្យពួកគាត់មានជំនាញដាំដុះច្បាស់លាស់សម្រាប់ផ្គត់ផ្គង់ជីវភាពគ្រួសារ និងទីផ្សារក្នុងស្រុក ។

បាត់ដំបង៖ ឯកឧត្តម ទេព អស្នារិទ្ធ និងឯកឧត្តម ជា លីសែ អនុរដ្ឋលេខាធិការក្រសួងព័ត៌មាន នាព្រឹកថ្ងៃទី១៧ ខែកក្កដា ឆ្នាំ២០២៦ បានដឹកនាំកិច្ចប្រជុំតម្រង់ទិស កិច្ចការព័ត៌មាន និងសាធារណៈមតិ ក្នុងភូមិសាស្ត្រខេត្តបាត់ដំបង ដែលរៀបចំឡើង នៅសាលប្រជុំស្ថានីយ វិទ្យុជាតិកម្ពុជាខេត្តបាត់ដំបង មានការចូលរួមពីថ្នាក់ដឹកនាំមន្ទីរព័ត៌មានខេត្ត និងមន្រ្តីរាជការនៃមន្ទីរព័ត៌មានខេត្តបាត់ដំបងជាច្រើនរូបទៀត។

បាត់ដំបង៖ ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន គឺជាប្រធានបទមួយ ដែលមន្ទីរព័ត៌មានខេត្តបាត់ដំបង យកមកដាក់ ក្នុងពិធីបើកយុទ្ធនាការ «និយាយថាទេចំពោះ ព័ត៌មានក្លែងក្លាយ» ជំហានទី២ ប្រព្រឹត្តទៅនាព្រឹកថ្ងៃទី១៦ ខែកក្កដា ឆ្នាំ២០២៦ នៅបរិវេណវិទ្យាល័យនេតយ៉ង់ ក្រុងបាត់ដំបង ក្រោមអធិបតីភាព ឯកឧត្តម ទេព អស្នារិទ្ធ និងឯកឧត្តម ជា លីសែ អនុរដ្ឋលេខាធិការក្រសួងព័ត៌មាន និងដោយមានការអញ្ជើញចូលរួមពី លោក ទេព ហន អភិបាលរងខេត្តបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង, លោកប្រធានមន្ទីរអប់រំ យុវ ជន និងកីឡាខេត្ត, ថ្នាក់ដឹកនាំមន្ទីរព័ត៌មានខេត្ត ព្រមទាំងលោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

‎បាត់ដំបង៖នៅថ្ងៃទី១៦ ខែកក្កដា ឆ្នាំ២០២៦ មន្ទីរព័ត៌មានខេត្តបាត់ដំបង បានបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យ នេត យ៉ង់ ក្រុងបាត់ដំបង ដោយផ្តោតសំខាន់លើការអប់រំអំពីផលប៉ះពាល់នៃព័ត៌មានមិនពិត និងការបង្កើនជំនាញផ្ទៀងផ្ទាត់ព័ត៌មានសម្រាប់សិស្សានុសិស្សក្នុងសម័យឌីជីថល។កម្មវិធីនេះមានការអញ្ជើញចូលរួមពីសំណាក់ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន, ឯកឧត្តម ជា លីសែ អនុរដ្ឋលេខាធិការក្រសួងព័ត៌មាន,លោក ទេព ហន អភិបាលរងខេត្តបាត់ដំបង លោក សុវណ្ណ វិទិត្យា ប្រធានមន្ទីរព័ត៌មានខេត្ត តំណាងមន្ទីរអង្គភាពជុំវិញខេត្ត ព្រមទាំងលោកគ្រូ អ្នកគ្រូ និងសិស្សានុសិស្សប្រមាណជាង១,០០០នាក់។

បាត់ដំបង៖ លោកស្រី ឌី សាគាន អាជីវករលក់ដូរសម្ភារៈប្រើប្រាស់ កែច្នៃចេញពីវល្លិ៍ល្បាក់ មកពីខេត្តសៀបរាប នារសៀលថ្ងៃទី១៥ ខែកក្កដា ឆ្នាំ២០២៦ បានថ្លែងអំណរគុណដល់រដ្ឋបាលខេត្តបាត់ដំបង ដែលបានរៀបចំព្រឹត្តិការណ៍ពិព័រណ៍ផ្លែឈើបាត់ដំបង ឆ្នាំ២០២៦ នេះឡើង ដើម្បីឱ្យគាត់បានដាក់តាំងលក់ នូវ ផលិតផល ដែលផលិតដោយស្នាដៃកូនខ្មែរ ក៏ដូចជាការជួយលើកទឹកចិត្តបង្កើននូវការផលិត និងរកប្រាក់ចំណូល សម្រាប់ផ្គត់ផ្គង់ជីវភាពគ្រួសារប្រចាំថ្ងៃ។

បាត់ដំបង៖ នៅថ្ងៃទី ១៥ ខែកក្កដា ២០២៦ រដ្ឋបាលស្រុកឯកភ្នំបានចេញសេចក្តីជូនដំណឹងបន្ទាន់ ស្តីពីការត្រៀមបង្ការគ្រោះធម្មជាតិ និងការរឹតបន្តឹងចរាចរណ៍ ដោយសារទឹកស្ទឹងសង្កែកំពុងកើនឡើងខ្លាំង។

បាត់ដំបង ៖ ភ្លៀងធ្លាក់ជាច្រើនថ្ងៃបន្តបន្ទាប់ បង្កជាជំនន់ទឹកភ្លៀងបានប៉ះពាល់ដល់ផលដំណាំ និងហេដ្ឋារចនាសម្ព័ន្ធផ្លូវថ្នល់ជាច្រើន នៅឃុំចំនួន ៥ ក្នុងស្រុកសំឡូត ខេត្តបាត់ដំបង ខណៈអាជ្ញាធរបានចុះអន្តរាគមន៍ និងស្រង់ទិន្នន័យបន្ថែម។

ស្របពេលដែលរដូវវស្សាចូលមកដល់ និងស្ថានភាពអាកាសធាតុមានភ្លៀងធ្លាក់ខ្លាំងជាប់ៗគ្នា ជាពិសេសតាមតំបន់ភ្នំ និងស្រុកស្រែចម្ការ ដូចជា ស្រុកសំឡូត ដែលបណ្តាលឲ្យទឹកជំនន់លិចផ្លូវ ស្ពាន ចម្ការផលដំណាំ និងធ្វើឲ្យកម្រិតទឹកស្ទឹងសង្កែឡើងខ្ពស់គួរឲ្យកត់សម្គាល់។ សូមបងប្អូនប្រជាពលរដ្ឋទាំងអស់បង្កើនការប្រុងប្រយ័ត្នខ្ពស់បំផុត ដើម្បីធានាសុវត្ថិភាពដល់ជីវិត សមាជិកគ្រួសារ និងកាត់បន្ថយការខូចខាតទ្រព្យសម្បត្តិ។