ព័ត៌មានក្នុងខេត្ត

បាត់ដំបង៖ ក្រុមការងារមន្ទីរព័ត៌មានខេត្តបាត់ដំបង នារសៀលថ្ងៃទី០៣ ខែសីហា ឆ្នាំ២០២៦ បានចុះពិនិត្យមើលទីតាំងចំនួនពីរ ដើម្បីត្រៀមរៀបចំយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នាពេលខាងមុខនេះ ទីតាំងទី១ ស្ថិតនៅបរិវេណវិទ្យាល័យសង្កែ ស្រុកសង្កែ និងទីតាំងទី២ ស្ថិតនៅបរិវេណវិទ្យាល័យសម្តេចតេជោ ហ៊ុន សែន ភ្នំសំពៅ ស្រុកបាណន់ ខេត្តបាត់ដំបង។

បាត់ដំបង៖វិទ្យាស្ថានជាតិវិជ្ជាជីវៈបាត់ដំបងសហការជាមួយអង្គការអន្តរជាតិទេសន្តរប្រវេសន៍(IOM)រៀបចំសិក្ខាសាលាកសាងសមត្ថភាពសម្រាប់យុវជនស្ម័គ្រចិត្តមកពី១០៣ឃុំ សង្កាត់ទូទាំងខេត្តបាត់ដំបងស្ដីពីសេវាកម្មសមាហរណកម្ម និងការសម្របសម្រួលការបញ្ជូនសេវា។

បាត់ដំបង ៖ អនុរដ្ឋលេខាធិការក្រសួងអប់រំ យុវជន និងកីឡា ឯកឧត្តម វង ភិរុណ បានចាត់ទុកថា ការផ្តល់ជំនាញធ្វើផែនការអាជីវកម្ម ដើម្បីអភិវឌ្ឍមូលធនមនុស្សដល់យុវជន ឱ្យចេះសរសេរគម្រោងអាជីវកម្ម ដែលអាចយកទៅអនុវត្តបាន និងឆ្លើយតបទៅនឹងតម្រូវការសេដ្ឋកិច្ចទីផ្សារបច្ចុប្បន្ន និងអនាគត ។

សិស្សានុសិស្សវិទ្យាល័យនេតយ៉ង់ ក្រុងបាត់ដំបង បានសម្តែងការគាំទ្រយ៉ាងពេញទំហឹងចំពោះយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ដោយផ្តោតសំខាន់លើការអប់រំអំពីផលប៉ះពាល់នៃព័ត៌មានមិនពិត និងលើកកម្ពស់សមត្ថភាពក្នុងការផ្ទៀងផ្ទាត់ព័ត៌មានសម្រាប់សិស្សានុសិស្សក្នុងសម័យឌីជីថល។ យុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ បានរៀបចំឡើង ក្នុងគោលបំណងលើកកម្ពស់ការយល់ដឹងជាសាធារណៈ អំពីគ្រោះថ្នាក់នៃព័ត៌មានក្លែងក្លាយ របៀបការពារខ្លួនពីការបំភាន់នានាក្នុងយុគសម័យឌីជីថល ព្រមទាំងពង្រឹងសមត្ថភាពប្រជាពលរដ្ឋក្នុងការទទួល និងប្រើប្រាស់ព័ត៌មានដោយស្មារតីទទួលខុសត្រូវខ្ពស់។

បាត់ដំបង ៖ ស្ថានទូតឥណ្ឌាប្រចាំកម្ពុជា និងសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានចុះហត្ថលេខាលើអនុស្សរណៈនៃការយោគយល់គ្នា (MoU) ដើម្បីអនុវត្ត «គម្រោងផ្តល់ផលរហ័ស» ក្នុងគោលបំណងលើកកម្ពស់គុណភាពជីវភាពរស់នៅ និងការសិក្សារបស់និស្សិតស្រី ។ ពិធីនេះបានធ្វើឡើងរវាងឯកឧត្តម Vanlalvawna Bawitlung ឯកអគ្គរដ្ឋទូតនៃសាធារណរដ្ឋឥណ្ឌា ប្រចាំព្រះរាជាណាចក្រកម្ពុជា និងព្រះយសបញ្ញាបណ្ឌិត វី សុវិជ្ជា ព្រះប្រធានសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង កាលពីថ្ងៃទី១៥ ខែកក្កដា ឆ្នាំ២០២៦ កន្លងមកថ្មីៗនេះ ដោយមានការចូលរួមជាសាក្សីពីសំណាក់តំណាងគណៈគ្រប់គ្រងសាកលវិទ្យាល័យ និងមន្ត្រីស្ថានទូតឥណ្ឌា ជាច្រើនទៀត ។

បាត់ដំបង ៖ អនុរដ្ឋលេខាធិការក្រសួងព័ត៌មាន ឯកឧត្តម ទេព អស្នារិទ្ធ បានលើកទឹកចិត្តដល់សិស្សានុសិស្ស និងយុវជនកម្ពុជា គ្រប់រូប នាសម័យ Digital ត្រូវពិនិត្យតាមដានប្រភពព័ត៌មានឱ្យបានច្បាស់លាស់ មុន Like Comment និងShare ចែករំលែក ចៀសវាងការចែកព័ត៌មានក្លែងក្លាយ ដែលនាំឱ្យមានផលប៉ះពាល់ដល់សង្គមជាតិ។

បាត់ដំបង៖ ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន គឺជាប្រធានបទមួយ ដែលមន្ទីរព័ត៌មានខេត្តបាត់ដំបង យកមកដាក់ ក្នុងពិធីបើកយុទ្ធនាការ «និយាយថាទេចំពោះ ព័ត៌មានក្លែងក្លាយ» ជំហានទី២ ប្រព្រឹត្តទៅនាព្រឹកថ្ងៃទី១៦ ខែកក្កដា ឆ្នាំ២០២៦ នៅបរិវេណវិទ្យាល័យនេតយ៉ង់ ក្រុងបាត់ដំបង ក្រោមអធិបតីភាព ឯកឧត្តម ទេព អស្នារិទ្ធ និងឯកឧត្តម ជា លីសែ អនុរដ្ឋលេខាធិការក្រសួងព័ត៌មាន និងដោយមានការអញ្ជើញចូលរួមពី លោក ទេព ហន អភិបាលរងខេត្តបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង, លោកប្រធានមន្ទីរអប់រំ យុវ ជន និងកីឡាខេត្ត, ថ្នាក់ដឹកនាំមន្ទីរព័ត៌មានខេត្ត ព្រមទាំងលោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

បាត់ដំបង ៖ រដ្ឋលេខាធិការក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលកម្ពុជា ចុះមូលដ្ឋានស្រុកបាណន់ ឯកឧត្តមសន្តិបណ្ឌិត សុខ ផល បានធ្វើការដាស់តឿនដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ ហៅថា បាក់ឌុប ត្រូវស្រាវជ្រាវឯកសារសំខាន់ៗ និងរៀនខ្លួនឯងបន្ថែមទៀត ដើម្បីការប្រឡងទទួលបានជោគជ័យ ខណៈក្រសួងអប់រំ យុវជន និងកីឡា នៅតែប្រកាន់យកគោលការណ៍កំណែទម្រង់នៃការប្រឡង គឺអ្នកចេះជាប់ ។

បាត់ដំបង ៖ រដ្ឋលេខាធិការក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលកម្ពុជា ចុះមូលដ្ឋានស្រុកបាណន់ ឯកឧត្តមសន្តិបណ្ឌិត សុខ ផល បានថ្លែងថា បេក្ខជនប្រឡងសញ្ញាបត្រមធ្យមសិក្សាទុតិយភូមិ ហៅថា បាក់ឌុប នៅស្រុកបាណន់ ប្រឡងជាប់មាននិទ្ទេស A នឹងទទួលបានម៉ូតូមួយគ្រឿង និងរង្វាន់លើកទឹកចិត្តមួយចំនួនទៀត ពីក្រុមការងាររាជរដ្ឋាភិបាលកម្ពុជា ចុះមូលដ្ឋានស្រុកបាណន់ ។ ការលើកទឹកចិត្តជារង្វាន់ម៉ូតូ និងរង្វាន់ផ្សេងទៀតនោះ បានធ្វើឡើងក្នុងពេលដែលឯកឧត្តមសន្តិបណ្ឌិត សុខ ផល និងក្រុមការងារចុះមូលដ្ឋានគ្រប់ជាន់ថ្នាក់នៃស្រុកបាណន់ ចុះជួបសំណេះសំណាលជាមួយសិស្សានុសិស្ស ថ្នាក់ទី១២ ជាបេក្ខជន ត្រៀមប្រឡងសញ្ញាបត្រមធ្យមសិក្សាទុតិយភូមិ នាថ្ងៃទី១០ ខែសីហា ឆ្នាំ២០២៦ និងលោកគ្រូ អ្នកគ្រូ នៃវិទ្យាល័យចំនួន២ ក្នុងស្រុកបាណន់ គឺវិទ្យាល័យសម្ដេចតេជោ ហ៊ុន សែន ភ្នំសំពៅ និងវិទ្យាល័យសម្ដេចក្រឡាហោម ស ខេង កន្ទឺ២ កាលពីចុងសប្តាហ៍ទី២ ខែកក្កដា ឆ្នាំ២០២៦ នៅសាលាស្រុកបាណន់ ខេត្តបាត់ដំបង ។

បាត់ដំបង៖ សាកលវិទ្យាល័យ ឯកទេស នៃកម្ពុជា (CUS) សាខាខេត្តបាត់ដំបង បានបើកបាឋកថា ស្តីពី «ជំហាននៃការសម្រេចចិត្តបន្តការសិក្សានៅឧត្តមសិក្សា» ជូនដល់សិស្សានុសិស្សរៀនថ្នាក់ទី១២ មកពីបណ្តាវិទ្យាល័យនៃខេត្តបាត់ដំបង ដែលប្រព្រឹត្តិទៅនាព្រឹកថ្ងៃទី១១ ខែកក្កដា ឆ្នាំ២០២៦ ដោយមានការអញ្ជើញចូលរួមពី លោក ឆាយ ម៉ាទីណាល់ អភិបាលរងខេត្តបាត់ដំបង ឯកឧត្តម ជា មានិត សាកលវិទ្យាធិការរងប្រតិបត្តិ នៃសាកលវិទ្យាល័យ ឯកទេស នៃកម្ពុជា និងដោយមានការចូលរួមពី លោកនាយកសាខាសាកលវិទ្យាល័យ ឯកទេស នៃកម្ពុជា សាខាខេត្តបាត់ដំបង លោកបណ្ឌិត សាស្ត្រាចារ្យ លោកគ្រូ-អ្នកគ្រូ និងបុគ្គលិកសិក្សា វាគ្មិនកិត្តិយស តំណាងមន្ទីរអប់រំ យុវជន និងកីឡាខេត្ត។

បាត់ដំបង៖ វគ្គបណ្តុះបណ្តាល ស្តីពី «ការអប់រំអំពីហានិភ័យនៃគ្រាប់មីន សំណល់ជាតិផ្ទុះពី សង្គ្រាម និងប្រតិបត្តិការមនុស្សធម៌ប្រកបដោយសុវត្ថិភាព» ដែលបានប្រព្រឹត្តទៅអស់រយៈពេល ៤ថ្ងៃកន្លងមកនេះ ត្រូវបានធ្វើពិធីបិទបញ្ចប់វគ្គបណ្តុះបណ្តាលជាស្ថាពរ នៅថ្ងៃទី ៩ខែកក្កដា ឆ្នាំ២០២៦ ក្រោមអធិបតីភាព ឯកឧត្តម ផេង សិទ្ធី អនុប្រធានអចិន្រ្តៃយ៍គណៈកម្មាធិការសាខាកាកបាទក្រហមកម្ពុជា ខេត្តបាត់ដំបង តំណាង ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង លោក ប៊ីស្នុ ម៉ាហាត (Bishnu Mahat) អ្នកជំនាញផ្នែកអាវុធយុទ្ធភណ្ឌនៃគណៈកម្មាធិការអន្តរជាតិនៃកាកបាទក្រហម(ICRC)ទទួលបន្ទុកកិច្ចប្រតិបត្តិការមនុស្សធម៌ និងសុវត្ថិភាពអាវុធយុទ្ធភណ្ឌ លោក មុំ ភិរក្ស នាយករងនាយកដ្ឋានទំនាក់ទំនង នៃទីស្នាក់ការកណ្តាលកាកបាទក្រហមកម្ពុជា។

បាត់ដំបង៖ដំណើរការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) សម័យប្រឡងសម័យប្រឡង ថ្ងៃទី០៦ និងទី០៧ ខែកក្កដា ឆ្នាំ២០២៦ នៅក្នុងខេត្តបាត់ដំបង បានប្រព្រឹត្តទៅដោយរលូន ស្ងប់ស្ងាត់ និងមានសណ្តាប់ធ្នាប់ល្អប្រសើរ។ នេះបើយោងតាមការលើកឡើងរបស់ លោក ឆោម វីរីយា ប្រធានការិយាល័យប្រឡង នៃមន្ទីរអប់រំយុវជននិងកីឡាខេត្តបាត់ដំបង ។