ព័ត៌មានក្នុងខេត្ត

បន្ទាប់ពីបញ្ចប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នាព្រឹកថ្ងៃដំបូងនេះ បេក្ខជនជាច្រើនបានចាកចេញពីមណ្ឌលប្រឡងប្រកបដោយទឹកមុខរីករាយ និងភាពជឿជាក់ ដោយពួកគេរំពឹងថានឹងទទួលបានលទ្ធផលល្អ។

បាត់ដំបង ៖ ការប្រឡងសញ្ញាបត្រមធ្យមសិក្សាទុតិយភូមិ ហៅថា BacII ឆ្នាំ២០២៦ នេះ ខេត្តបាត់ដំបង មានបេក្ខជនសរុបជាង ៩ ពាន់នាក់បានចូលរួមប្រឡង និងមានមណ្ឌលប្រឡងសរុបចំនួន១៤មណ្ឌល ដោយ ចែកចេញជា៣៨០បន្ទប់ នាសម័យប្រឡងរយៈពេល២ថ្ងៃ ចាប់ពីថ្ងៃទី១០ ដល់ថ្ងៃទី១១ ខែសីហា ឆ្នាំ២០២៦ ។

បាត់ដំបង៖នៅព្រឹកថ្ងៃទី១០ ខែសីហា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញកាត់កញ្ចប់វិញ្ញាសារជានិមិត្តរូបសម្រាប់ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ឆ្នាំ២០២៦នៅមណ្ឌលប្រឡងវិទ្យាល័យនេត យ៉ង់ ស្ថិតក្នុងក្រុងបាត់ដំបង។

បាត់ដំបង៖ នៅថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)សម័យប្រឡង ១០ សីហា ២០២៦ បេក្ខជននៅខេត្តបាត់ដំបង បានភ្ញាក់ពីព្រលឹមស្រាងៗមកចូលរួមប្រឡងគ្រប់ៗគ្នា នៅតាមមណ្ឌលនានា នៃក្រុងបាត់ដំបង ប្រកបទៅដោយទឹកមុខសប្បាយរីករាយ និងមានអាណាព្យាបាល របស់បេក្ខជន ចាំលើកទឹកចិត្តឱ្យពួកគាត់មានស្មារតី ក្នុងការប្រឡង ដើម្បីទទួលបាននូវលទ្ធផលល្អប្រសើរ។

បាត់ដំបង ៖ យុវជនសហភាពសហព័ន្ធយុវជនកម្ពុជា ស្រុកបាណន់ ប្រចាំវិទ្យាល័យសម្តេចតេជោ ហ៊ុន សែន ភ្នំសំពៅ ស្ថិតក្នុងឃុំភ្នំសំពៅ ស្រុកបាណន់ ខេត្តបាត់ដំបង បានបង្ហាញនូវការគាំទ្រយ៉ាងពេញទំហឹង ចំពោះមន្ទីរព័ត៌មានខេត្តបាត់ដំបង ដែលបានបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ។

បាត់ដំបង៖ ឯកឧត្តមបណ្ឌិត សៀង សុវណ្ណា ប្រធានគណៈមេប្រយោគទូទាំងប្រទេសប្រចាំខេត្តបាត់ដំបងបានដឹកនាំកិច្ចប្រជុំពិភាក្សាស្តីពីកិច្ចសហការដើម្បីការពារសន្តិសុខ សណ្តាប់ធ្នាប់ ចរាចរណ៍ និងសុវត្ថិភាពតាមមណ្ឌលប្រឡងនីមួយៗ ជាមួយគណៈអភិបាលខេត្តបាត់ដំបង ដឹកនាំដោយលោក ធូ ភា អភិបាលរងខេត្ត និងលោក យឹម សុខគ្រី ឧបការីអង្គភាពប្រឆាំងអំពើពុករលួយដោយមានការចូលរួមពីតំណាង ស.ស.យ.ក.ខេត្ត មន្ទីរសុខាភិបាល គណៈអភិបាលក្រុង កងកម្លាំងនគបាល និងរាជអាវុធហត្ថខេត្ត ដែលកិច្ចប្រជុំនេះធ្វើឡើងនៅសាលប្រជុំសាលាខេត្តបាត់ដំបងនៅរសៀលថ្ងៃទី៧ ខែសីហា ឆ្នាំ២០២៦។

បាត់ដំបង ៖ ដើម្បីចូលរួមចំណែកដល់ការលើកកម្ពស់សម្រាប់ការសិក្សាបំណិនផ្នែកសិល្បៈដូរតន្ត្រីសម្រាប់កុមារថ្នាក់បឋមសិក្សា នោះ ប្រតិភូនៃប្រទេសជប៉ុន បាននាំយកឧបរកណ៍ភ្លេង ចំនួន ១០០ គ្រឿង យកមកប្រគល់ជូនដល់គណៈគ្រប់គ្រងវិទ្យាស្ថានគរុកោសល្យបាត់ដំបង ។ ពិធីប្រគល់ និងទទួលឧបករណ៍ភ្លេងនេះ បានធ្វើឡើងនៅវិទ្យាស្ថានគរុកោសល្យបាត់ដំបង ដោយមានវត្តមានចូលរួមពី ឯកឧត្តម ពឹង គឹមឆេន អនុរដ្ឋលេខាធិការក្រសួងអប់រំយុវជន និងកីឡា លោកជំទាវ អ៊ីស៊ីអ៊ី ម៉េជុមី សមាជិកព្រឹទ្ធសភានៃប្រទេសជប៉ុន ឯកឧត្តម ជា រដ្ឋា នាយកវិទ្យាស្ថានគរុកោសល្យបាត់ដំបង និងអ្នកពាក់ព័ន្ធជាច្រើនទៀត កាលពីរសៀលថ្ងៃទី៤ ខែសីហា ឆ្នាំ២០២៦ ។

បាត់ដំបង ៖ អភិបាលរងខេត្តបាត់ដំបង លោក ហេង វណ្ណនី បានលើកឡើងថា ជាយុវជន Digital មិនត្រូវចែកចាយព័ត៌មានក្លែងក្លាយ ដែលនាំឱ្យប៉ះពាល់ដល់សង្គមជាតិនោះទេ ហើយត្រូវយកព័ត៌មានពិត ព័ត៌មានមានប្រភពច្បាស់លាស់មកចែកចាយបន្ត ទើបផ្តល់នូវផលប្រយោជន៍សម្រាប់ប្រជាពលរដ្ឋ និងសង្គមជាតិ ។

បាត់ដំបង ៖ អនុរដ្ឋលេខាធិការក្រសួងព័ត៌មាន ឯកឧត្តម ជា លីសែ នៅចំពោះមុខសិស្សានុសិស្សវិទ្យាល័យសម្តេចតេជោ ហ៊ុន សែន ភ្នំសំពៅ ប្រមាណ៨០០នាក់ បានលើកបង្ហាញថា ដើម្បីប្រយុទ្ធប្រឆាំងនឹងព័ត៌មានក្លែងក្លាយ យើងត្រូវរួមគ្នាបង្កើតវប្បធម៌ថ្មីមួយ គឺវប្បធម៌មុននឹងជឿត្រូវគិត មុននឹងចែករំលែកត្រូវផ្ទៀងផ្ទាត់ មុននឹងផ្សព្វផ្សាយត្រូវទទួលខុសត្រូវ ដើម្បីបញ្ចៀសគ្រោះថ្នាក់ និងផលប៉ះពាល់បង្កឡើងដោយព័ត៌មានក្លែងក្លាយ ។

បាត់ដំបង៖ យុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ រៀបចំឡើង ក្នុងគោលបំណងធំ គឺការពង្រឹងអក្ខរកម្មព័ត៌មាន នឹងប្រព័ន្ធផ្សព្វផ្សាយ ដោយមានវិធានបីកុំមួយការពារ នេះជាការលើកឡើង របស់ ឯកឧត្តម ជា លីសែ អនុរដ្ឋលេខាធិការក្រសួងព័ត៌មាន ទទួលបន្ទុកមន្ទីរព័ត៌មានខេត្តបាត់ដំបង កាលព្រឹកថ្ងៃទី០៥ ខែសីហា ឆ្នាំ២០២៦ ក្នុងឱកាស ដែលឯកឧត្តមបានអញ្ជើញចូលរួមជាគណៈអធិបតី ក្នុងយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យសម្តេចតេជោ ហ៊ុន សែន ភ្នំសំពៅ ស្រុកបាណន់ ខេត្តបាត់ដំបង ដោយមានការចូលរួមពី លោក ហេង វណ្ណនី អភិបាលរងខេត្តបាត់ដំបង លោក សុវណ្ណ វិទិត្យា ប្រធានមន្ទីរព័ត៌មានខេត្តបាត់ដំបង តំណាងប្រធាន មន្ទីរអប់រំ យុវជន កីឡាខេត្ត លោកនាយកសាលា លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

បាត់ដំបង៖នៅព្រឹកថ្ងៃទី០៤ ខែសីហា ឆ្នាំ២០២៦ មន្ទីរព័ត៌មានខេត្តបាត់ដំបង បានបន្តធ្វើយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» នៅវិទ្យាល័យសង្កែ ស្រុកសង្កែ ក្រោម​អធិបតី​ ឯកឧត្តម ជា លីសែ អនុរដ្ឋលេខាធិការក្រសួងព័ត៌មាន ទទួលបន្ទុកមន្ទីរព័ត៌មានខេត្តបាត់ដំបង លោក​ ហេង​ វណ្ណនី​ អភិបាល​រង​ខេត្ត​បាត់ដំបង​ លោក សុវណ្ណ វិទិត្យា ប្រធានមន្ទីរព័ត៌មានខេត្តបាត់ដំបង លោក ឆន ឈាង តំណាងប្រធាន មន្ទីរអប់រំ យុវជន កីឡាខេត្ត លោកនាយកស្ដីទីសាលា លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

បាត់ដំបង៖ លោក ហេង វណ្ណនី អភិបាលរងខេត្តបាត់ដំបង នាព្រឹកថ្ងៃទី០៤ ខែសីហា ឆ្នាំ២០២៦ បានសម្តែងនូវការកោតសរសើរ ចំពោះក្រសួងព័ត៌មាន និងមន្ទីរព័ត៌មានខេត្តបាត់ដំបង បានបន្តធ្វើយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន» ការលើកឡើងនេះ ក្នុងឱកាសដែលលោកបានអញ្ជើញចូលរួមជាគណៈអធិបតី ក្នុងយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យសង្កែ ស្រុកសង្កែ ខេត្តបាត់ដំបង ដោយមានការចូលរួមពី ឯកឧត្តម ជា លីសែ អនុរដ្ឋលេខាធិការក្រសួងព័ត៌មាន ទទួលបន្ទុកមន្ទីរព័ត៌មានខេត្តបាត់ដំបង លោក សុវណ្ណ វិទិត្យា ប្រធានមន្ទីរព័ត៌មានខេត្តបាត់ដំបង លោក ឆន ឈាង តំណាងប្រធាន មន្ទីរអប់រំ យុវជន កីឡាខេត្ត លោកនាយកសាលា លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។