ព័ត៌មានក្នុងខេត្ត

ខេត្តបាត់ដំបង៖ រយៈពេលពីរថ្ងៃជាប់ៗគ្នា គឺនៅថ្ងៃទី១៦ និងថ្ងៃទី១៧ ខែមិថុនា ឆ្នាំ២០២៦ ក្រុមការងារចម្រុះខេត្តបាត់ដំបង បានបន្តចុះពិនិត្យតាមទីតាំងលក់ និងស្តុកផលិតផលនានា ក្នុងគោលបំណងស្វែងរកទំនិញបង្កកដែលនាំចូលដោយមិនស្របច្បាប់ ឬទំនិញខូចគុណភាព ដែលអាចបង្កផលប៉ះពាល់ធ្ងន់ធ្ងរដល់សុខភាពរបស់អ្នកប្រើប្រាស់។

បាត់ដំបង៖ អនុវត្តន៏តាមអនុសាសន៍របស់ឯកឧត្តម សុខ លូ អភិបាលខេត្តនិងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង នៅព្រឹកថ្ងៃទី១៧ ខែមិថុនា ឆ្នាំ២០២៦ ក្រុមការងារអនុសាខាកាកបាទក្រហមកម្ពុជា ស្រុកសង្កែ ដឹកដោយ លោក នាង ចន្ទថារ៉ា អភិបាលស្រុកនិងជាប្រធានគណៈកម្មាធិការអនុសាខាកាកបាទក្រហមកម្ពុជា ស្រុកសង្កែ បាននាំយកអំណោយមនុស្សធម៌របស់សប្បុរសជនតាមរយៈអនុសាខាស្រុកផ្តល់ជូនប្រជាពលរដ្ឋចំនួន២០គ្រួសារដែលមានជីវភាពខ្វះខាត ចាស់ជរាគ្មានទីពឹង ក្នុងនោះ១៩គ្រួសារមកពីភូមិចំនួន៦ ក្នុងឃុំកំពង់ព្រៀង និង១គ្រួសាទៀតរស់នៅឃុំតាប៉ុនស្រុកសង្កែ ខេត្តបាត់ដំបង។

បាត់ដំបង៖ មន្ទីរទេសចរណ៍ខេត្ត បាត់ដំបង អំពាវនាវ ឱ្យ សាធារណជន ចូលរួមក្នុងការតាំងបង្ហាញផែនទីលំហូរភ្ញៀវទេសចរក្នុងខេត្តបាត់ដំបងសម្រាប់ពិភាក្សា ចែករំលែកគំនិត និងមតិយោបល់អំពីការអភិវឌ្ឍលំហូរទេសចរជាយុទ្ធសាស្ដ្រ នៅថ្ងៃទី ២០ ខែ មិថុនា ឆ្នាំ ២០២៦ ចាប់ពី ម៉ោង៩ព្រឹកដល់ម៉ោង៤រសៀល នៅមន្ទីរទេសចរណ៍ ខេត្តបាត់ដំបង ។

យុទ្ធសាស្ត្រជម្រុញទេសចរណ៍បៃតង ក្នុងរដូវវស្សា ក្នុងភូមិសាស្រ្តខេត្តបាត់ដំបង

ខេត្តបាត់ដំបង៖កម្លាំងនគរបាលស្រុកមោងឫស្សី បានបើកប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ក្នុងភូមិសាស្ត្រមូលដ្ឋាន ដោយបានឃាត់ខ្លួនជនសង្ស័យចំនួន ០២នាក់ ដើម្បីចាត់ការទៅតាមផ្លូវច្បាប់។

បាត់ដំបង៖ រដ្ឋបាលខេត្តបាត់ដំបង សហការជាមួយសាខាកាកបាទក្រហមកម្ពុជាខេត្ត និងមន្ត្រីរាជការតាមមន្ទីរ-អង្គភាព បានរៀបចំពិធីបុណ្យចម្រើនព្រះជន្មថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងជាព្រះប្រធានកិត្តិយសកាកបាទក្រហមកម្ពុជា ក្នុងឱកាសគម្រប់ ៩០ ព្រះវស្សា យាងចូល ៩១ ព្រះវស្សា ។

បាត់ដំបង ៖ កម្លាំងអធិការក្រុងបាត់ដំបង និងនគបាលប៉ុសក្តុលដូនទាវបានឃាត់ខ្លួនជនសង្ស័យជាបងថ្លៃម្នាក់ ដែលបានប្រើកាំបិតកែច្នៃកាប់ទៅលើប្អូនថ្លៃបណ្តាលឱ្យរងរបួសដៃធ្ងន់ធ្ងរ ដោយសាររឿងចាក់សោទ្វារបងកាលពីព្រលប់ នៅថ្ងៃទី១៤ ខែមិថុនា ឆ្នាំ២០២៦ ។

បាត់ដំបង៖ ឯកឧត្តមបណ្ឌិត អៀង ស៊ុនលី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលរដ្ឋាករទឹកបាត់ដំបង អាណត្តិទី១ បានដឹកនាំគណៈប្រតិភូចុះត្រួតពិនិត្យសមិទ្ធិផល និងដំណើរការសង្វាក់ផលិតកម្មរបស់ «រោងចក្រប្រព្រឹត្តកម្មទឹកស្អាតកំពង់សីមា» កាលពីថ្ងៃទី១៥ ខែមិថុនា ឆ្នាំ២០២៦ ដែលមានទីតាំងស្ថិតនៅភូមិកំពង់សីមា សង្កាត់វត្តគរ ក្រុងបាត់ដំបង។

បាត់ដំបង ៖ អនុរដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាសមាគមគ្រូពេទ្យកុមារកម្ពុជា ឯកឧត្តម ហេង សុទ្ធី បានថ្លែងថា គ្រូពេទ្យគ្រប់រូបត្រូវតែមានក្រមសីលធម៌ ដើម្បីធានាថា ការបំពេញវិជ្ជាជីវៈប្រកបដោយការទទួលខុសត្រូវ គុណភាព និងជៀសវាងកំហុសឆ្គងវិជ្ជាជីវៈ ដែលនាំឱ្យបាត់បង់នូវជំនឿទុកចិត្តពីប្រជាពលរដ្ឋ ។ ថ្លែងបែបនេះក្នុងពិធីបើកសិក្ខាសាលាអភិវឌ្ឍវិជ្ជាជីវៈបន្ត (CPD) ផ្នែកវេជ្ជសាស្ត្រកុមារ ឆ្នាំ២០២៦ កាលពីថ្ងៃទី ១៥ ខែមិថុនា ឆ្នាំ២០២៦ នៅមន្ទីរសុខាភិបាលនៃរដ្ឋបាលខេត្តបាត់ដំបង ដោយមានការចូលរួមពីវេជ្ជបណ្ឌិតជាសមាជិកសមាគមគ្រូពេទ្យកុមារកម្ពុជា មកពីមន្ទីរពេទ្យនានា ក្នុងភូមិភាគបាត់ដំបង សរុបចំនួន៣០រូប ។ កម្មវិធីនេះបានរួមចំណែកយ៉ាងសំខាន់ ក្នុងការលើកកម្ពស់គុណភាពសេវាសុខាភិបាលកុមារ និងការអភិវឌ្ឍន៍សមត្ថភាពមន្ត្រីសុខាភិបាលឱ្យស្របតាមការវិវឌ្ឍន៍នៃវិទ្យាសាស្ត្រ និងបច្ចេកវិទ្យាសុខាភិបាលសម័យទំនើប ។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង បានអញ្ជើញជាអធិបតីដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តប្រចាំខែឧសភា និងលើកទិសដៅការងារអនុវត្តន៍បន្តដែលកិច្ចប្រជុំនេះធ្វើឡើងនៅថ្ងៃទី១៥ ខែមិថុនា ឆ្នាំ២០២៦ នៅសាលប្រជុំសាលាខេត្តបាត់ដំបង។

បាត់ដំបង៖ ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) លើកទី៩ ឆ្នាំ២០២៦ ត្រូវបានប្រារព្ធឡើងនៅព្រឹកថ្ងៃទី១៥ ខែមិថុនា ឆ្នាំ២០២៦ ដោយមានគោលបំណងលើកកម្ពស់គុណភាព គុណតម្លៃ និងកិត្តិនាមនៃការអប់រំបណ្តុះបណ្តាលបច្ចេកទេស និងវិជ្ជាជីវៈ ព្រមទាំងជំរុញការអភិវឌ្ឍធនធានមនុស្សប្រកបដោយជំនាញ និងគុណភាព ដើម្បីឆ្លើយតបទៅនឹងតម្រូវការទីផ្សារការងារទាំងក្នុង និងក្រៅប្រទេស។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីអបអរសាទរទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ TVETផ្ដល់ជំនាញ ការងារ និងប្រាក់ចំណូល ដែលពិធីនេះធ្វើឡើងនៅបរិវេណវិទ្យាស្ថានពហុបច្ចេកទេសភូមិភាគតេជោសែនបាត់ដំបង នាថ្ងៃទី១៥ ខែមិថុនា ឆ្នាំ២០២៦។