ព័ត៌មានក្នុងខេត្ត

លោក មូល ធន អភិបាលរងខេត្តបាត់ដំបង និងជាតំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញបើកកម្មវិធី រត់១ម៉ឺនជំហាន ដើម្បីសិស្ស១ម៉ឺននាក់ ក្រោមប្រធានបទ “រត់ ដើរ ដើម្បីលើកកម្ពស់ការអាន និងសារមន្ទីរ ស.ស.រ (សារមន្ទីរសេដ្ឋកិច្ច និងរូបយវត្ថុ ព្រះស្រីឦសានវរ្ម័ន)” ដែលប្រព្រឹត្តទៅនាព្រឹកថ្ងៃទី២៤ ខែឧសភា ឆ្នាំ២០២៦ នៅបរិវេណវិមានឯករាជ្យ ក្រុងបាត់ដំបង។

ឯកឧត្តម កែវ រ៉េមី ទេសរដ្ឋមន្រ្តី ប្រធានគណៈកម្មាធិការសិទ្ធិមនុស្សកម្ពុជា នាព្រឹកថ្ងៃទី២៦ ខែឧសភា ឆ្នាំ២០២៦ បានអញ្ជើញបើកសិក្ខាសាលាផ្សព្វផ្សាយរបាយការណ៍ជាតិ ស្តីពី ការត្រួតពិនិត្យជា សកលតាមកាលកំណត់(UPR) ប្រព្រឹត្តិទៅនៅសាលប្រជុំសាលាខេត្តបាត់ដំបងអាគារE ដោយមានការចូលរួមពី លោក យឹម សៀប អភិបាលរងខេត្តបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង លោក លោកស្រី សិក្ខាកាមមកពីបណ្តាមន្ទីរអង្គភាពពាក់ព័ន្ធក្នុងខេត្តជាច្រើនរូបទៀត។

លោក មូល ធន អភិបាលរងខេត្តបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញបិទការប្រកួតកីឡាសិស្សមធ្យមសិក្សាជ្រើសរើសជើងឯកថ្នាក់ខេត្ត ឆ្នាំ២០២៦ ក្រោមប្រធានបទ “កីឡាបង្កើនបញ្ញាស្មារតី” ដែលប្រព្រឹត្តទៅនាព្រឹកថ្ងៃទី៣០ ខែឧសភា ឆ្នាំ២០២៦ នៅបរិវេណសាកលវិទ្យាល័យជាតិបាត់ដំបង ដោយមានការចូលរួមពី លោក លោកស្រី អភិបាល អភិបាលរង ក្រុង ស្រុក លោក លោកស្រី តំណាងមន្ទីរអង្គភាពនានាជុំវិញខេត្ត ប្រតិភូកីឡា លោកគ្រូ អ្នកគ្រូ កីឡាករ កីឡាការិនី សិស្សានុសិស្ស និងបងប្អូនទស្សនិជនយ៉ាងច្រើនកុះករ។