ព័ត៌មានក្នុងខេត្ត

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង បានអញ្ជើញជាអធិបតីដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តប្រចាំខែឧសភា និងលើកទិសដៅការងារអនុវត្តន៍បន្តដែលកិច្ចប្រជុំនេះធ្វើឡើងនៅថ្ងៃទី១៥ ខែមិថុនា ឆ្នាំ២០២៦ នៅសាលប្រជុំសាលាខេត្តបាត់ដំបង។

បាត់ដំបង៖ សកម្មភាពនាំមនុស្សឆ្លងដែនខុសច្បាប់ទៅរកការងារធ្វើនៅប្រទេសថៃ តាមរយៈមេខ្សល់ ក្នុងភូមិសាស្ត្រខេត្តបាត់ដំបង នៅតែបន្តមាន ទោះបីមានកម្លាំងប្រដាប់អាវុធឈរជើងតាមបន្ទាត់ព្រំដែន និងមានការរឹតបន្តឹងយ៉ាងណាក៏ដោយ។

បាត់ដំបង៖ ជនសង្ស័យម្នាក់ បានលួចឆ្កឹះយកគំរបលូធ្វើពីស្ពាន់ នៅមុខផ្ទះប្រជាពលរដ្ឋនៅក្នុងក្រុងបាត់ដំបង១១ទីតាំង ដើម្បីយកទៅលក់អេតចាយ ត្រូវបានកម្លាំងអធិការក្រុងបាត់ដំបងធ្វើការស្រាវជ្រាវឃាត់ខ្លួនបាន រៀបចំសំណុំរឿងចាត់ការតាមច្បាប់ ។

បាត់ដំបង ៖ មន្រ្តីអាវុធហត្ថឱ្យដឹងថាជនសង្ស័យពីរនាក់ មុខសញ្ញាលក់គ្រឿងញៀនសកម្ម និងជក់ខ្លួនឯងផង នៅក្នុងប្លុករ៉ារថភ្លើង ស្ថិតនៅក្រុងបាត់ដំបង ត្រូវបានឃាត់ខ្លួនបញ្ជូនទៅកាន់ តុលាការដើម្បីចាត់ការតាមច្បាប់ហើយនៅថ្ងៃចន្ទទី១៥ខែមិថុនានេះ។

បាត់ដំបង – កម្លាំងអធិការស្រុកបវេល ខេត្តបាត់ដំបង បានឃាត់ខ្លួនជនជាប់ចោទម្នាក់ពាក់ព័ន្ធនឹងការជួញដូរគ្រឿងញៀន នៅភូមិសាស្រ្ត ស្រុកបវេល ខេត្តបាត់ដំបង នៅម៉ោងជាង ១០ ព្រឹក ថ្ងៃទី ១១ ខែមិថុនា ឆ្នាំ ២០២៦ តាមដីការចាប់ខ្លួនចំនួន ៣ របស់សាលាដំបូងខេត្តបាត់ដំបង។

បាត់ដំបង៖កម្លាំងកងរាជអាវុធហត្ថស្រុកសង្កែ បានបើកប្រតិបត្តិការឃាត់ខ្លួនជនសង្ស័យម្នាក់ ខណៈដែលរូបគេកំពុងតែធ្វើសកម្មភាពកាត់ដំបូលសំយាបផ្ទះរបស់ប្រជាពលរដ្ឋ ដើម្បីចូលលួចទ្រព្យសម្បត្តិ។

បាត់ដំបង៖ កម្លាំងសមត្ថកិច្ចស្រុកបាណន់ បានបើកប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនមួយករណី ដោយឃាត់ខ្លួនជនសង្ស័យបានចំនួន ០២នាក់ ក្នុងបទល្មើសជាក់ស្តែង។ ប្រតិបត្តិការនេះបានធ្វើឡើងកាលពីវេលាម៉ោង ១១:១០ នាទី ថ្ងៃទី០៧ ខែមិថុនា ឆ្នាំ២០២៦ នៅចំណុចភូមិឈើទាល ឃុំឈើទាល ស្រុកបាណន់ ខេត្តបាត់ដំបង។

បាត់ដំបង៖ គ្រាប់យុទ្ធភណ្ឌមិនទាន់ផ្ទុះចំនួន ៥ គ្រាប់ ដែលសល់ពីសម័យសង្គ្រាមយូរឆ្នាំ ត្រូវបានប្រជាពលរដ្ឋប្រទះឃើញនៅចំណុចខាងក្រោយផ្ទះរបស់ខ្លួន កាលពីថ្ងៃទី ០៧ ខែមិថុនា ឆ្នាំ ២០២៦។ ការប្រទះឃើញនេះបានបង្កការភ្ញាក់ផ្អើល និងរាយការណ៍ជូនសមត្ថកិច្ច ដើម្បីចុះអន្តរាគមន៍ជាបន្ទាន់។

បាត់ដំបង៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តបាត់ដំបង សូមជម្រាបជូនសាធារណជន និងអ្នកសារព័ត៌មានឱ្យបានជ្រាបថា នាពេលថ្មីៗនេះ មានការបង្ហោះ និងចែករំលែកជាច្រើននៅលើបណ្តាញសង្គមនូវព័ត៌មានមិនពិតមួយ ដែលបានអះអាងថា មានករណីចាប់កូនក្មេងនៅក្នុងភូមិសាស្ត្រស្រុកឯកភ្នំ ដែលបង្កឱ្យមានការភ្ញាក់ផ្អើល និងបង្កើតក្តីព្រួយបារម្ភដល់ប្រជាពលរដ្ឋ។

បាត់ដំបង៖ មជ្ឈមណ្ឌលកំចាត់មីនកម្ពុជា(ស៊ីម៉ាក)បាន រៀបចំពិធីផ្ទេរ និងប្រគល់សមិទ្ធផល គម្រោងសមាហរណកម្ម ការបោសម្អាតមីន និងសង្គ្រោះជន ពិការដោយសារមីនដំណាក់ កាលទី ពីរ អនុវត្តន៍នៅខេត្តចំនួនបី តម្លៃជិត១៧ លាន ដុល្លារ កាលថ្ងៃទី១៨ខែឧសភាឆ្នាំ២០២៦ នៅ ស្រុកគាស់ក្រឡខេត្តបាត់ដំបង ។

បាត់ដំបង៖ ថ្នាក់ដឹកនាំ និងមន្ត្រីជំនាញនៃមន្ទីរកិច្ចការនារីខេត្តបាត់ដំបង នៅថ្ងៃទី២៥ ខែឧសភា ឆ្នាំ២០២៦ នេះ បានរៀបចំវេទិកាអប់រំផ្សព្វផ្សាយ ស្តីពី «ការទប់ស្កាត់គ្រឿងញៀន និងអំពើជួញដូរមនុស្សតាមប្រព័ន្ធអនឡាញ» ដល់សិស្សានុសិស្សចំនួន ១០០នាក់ នៅសាលាវិទ្យាល័យក្តុលដូនទាវ ស្ថិតក្នុងក្រុងបាត់ដំបង។ ពិធីនេះត្រូវបានរៀបចំឡើងក្រោមអធិបតីភាព លោកស្រី កែវ ដាណា អភិបាលរងនៃគណៈអភិបាលខេត្តបាត់ដំបង និង លោកស្រី អ៊ាន ណារៀង ប្រធានមន្ទីរកិច្ចការនារីខេត្ត ដោយមានការសហការសម្របសម្រួលពីមន្ទីរអប់រំ យុវជន និងកីឡាខេត្ត ព្រមទាំងលោកនាយកវិទ្យាល័យក្តុលដូនទាវ។

បាត់ដំបង៖ ជារៀងរាល់ថ្ងៃគណៈបញ្ជាការឯកភាពរដ្ឋបាលខេត្តបាត់ដំបងបានធ្វើសកម្មភាពត្រួតពិនិត្យលើដងផ្លូវ ត្រួតពិនិត្យរដ្ឋបាល និងស៊ើបអង្កេតស្រាវជ្រាវនៅទូទាំងខេត្តដើម្បីបង្ការ ទប់ស្កាត់ និងបង្ក្រាបបទល្មើស Online Scams ។ ដោយមានមូលដ្ឋានពីវិធានការស្រាវជ្រាវនេះនៅព្រឹកថ្ងៃទី ២៨ ខែឧសភា ឆ្នាំ២០២៦ ក្រោមបញ្ជាផ្ទាល់របស់ឯកឧត្ដម សុខ លូ អភិបាលនៃគណៈអភិបាលខេត្តនិងជាប្រធានគណៈបញ្ជាការឯកភាពរដ្ឋបាលខេត្តបានចុះប្រតិបត្តិការលើទីតាំងផ្ទះវីឡាមួយខ្នងនៅភូមិចំការសំរោង២ សង្កាត់ចំការសំរោង ក្រុងបាត់ដំបង រកឃើញជនជាតិកូរ៉េចំនួន៦ នាក់ភេទប្រុសជាមុខសញ្ញា Online Scams ដែលទើបមកស្នាក់នៅនាថ្ងៃទី ២២ ខែឧសភា ឆ្នាំ២០២៦ ហើយត្រូវបានសង្ស័យជាប់ប្រតិវេទក្រហមដែលត្រូវបញ្ជូនទៅអគ្គស្នងការនគរបាលជាតិទាំងមនុស្ស ទាំងវត្ថុតាង។