ព័ត៌មានក្នុងខេត្ត

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង សហការជាមួយនាយកដ្ឋានសុខភាពផ្លូវចិត្ត និងការបំពានគ្រឿងញៀន បានរៀបចំវគ្គបណ្ដុះបណ្ដាលទី១ ស្ដីពី «ការគាំទ្រផ្លូវចិត្ត និងសង្គមដល់ក្រុមទ្រទ្រង់សុខភាពភូមិ» រយៈពេល២ថ្ងៃ ដោយផ្ដោតលើការសិក្សាទ្រឹស្ដីក្នុងថ្នាក់១ថ្ងៃ និងការចុះអនុវត្តជាក់ស្ដែងក្នុងសហគមន៍១ថ្ងៃ ។

បាត់ដំបង ៖ មន្ត្រីសុខាភិបាលនៃមន្ទីរសុខាភិបាលខេត្តបាត់ដំបង និងក្រុមទ្រទ្រង់សុខភាពភូមិ (VHSG) កាលពីថ្ងៃទី២០ ខែតុលា ឆ្នាំ២០២៦ បានចុះអប់រំប្រជាពលរដ្ឋ អំពីសុខភាពផ្លូវចិត្ត សម្គាល់សញ្ញាសង្ស័យនៃបញ្ហាសុខភាពផ្លូវចិត្ត និងណែនាំអ្នកដែលត្រូវការជំនួយឱ្យទៅទទួលការវាយតម្លៃ និងថែទាំបន្តនៅមណ្ឌលសុខភាព ។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំបន្តវគ្គបណ្តុះបណ្តាលស្តីពី «ការជូនដំណឹងកំណើតរស់ និងមរណភាព តាមប្រព័ន្ធ NCOD» ដោយមានការគាំទ្រផ្នែកបច្ចេកទេសពីក្រសួងសុខាភិបាល និងអង្គការ Vital Strategies កាលពីថ្ងៃទី២២ ខែតុលា ឆ្នាំ២០២៦ នៅមន្ទីរសុខាភិបាលខេត្តបាត់ដំបង ។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង សហការជាមួយនាយកដ្ឋានសុខភាពផ្លូវចិត្ត និងការបំពានគ្រឿងញៀន បានរៀបចំវគ្គបណ្ដុះបណ្ដាលស្តីពី «ការគាំទ្រចិត្តសង្គមដល់ក្រុមទ្រទ្រង់សុខភាពភូមិ» ចាប់ពីថ្ងៃទី១៩ ដល់ថ្ងៃទី២២ ខែតុលា ឆ្នាំ២០២៦ ដើម្បីពង្រឹងសមត្ថភាព និងការចូលរួមរបស់សហគមន៍ ក្នុងការលើកកម្ពស់សុខភាពផ្លូវចិត្ត និងការឆ្លើយតបចំពោះបញ្ហាពាក់ព័ន្ធនឹងការប្រើប្រាស់គ្រឿងញៀន ។

បាត់ដំបង ៖ ការិយាល័យសុខាភិបាលស្រុកប្រតិបត្តិថ្មគោល ខេត្តបាត់ដំបង បានបើកកិច្ចប្រជុំពិនិត្យវឌ្ឍនភាពប្រចាំត្រីមាស នៃការអនុវត្តគម្រោងបង្ការ និងគ្រប់គ្រងជំងឺមិនឆ្លង (NCD) ដែលរៀបចំដោយមូលនិធិ Heart to Heart Foundation (HHF) សហការជាមួយដៃគូសុខាភិបាល ដើម្បីពង្រឹងកិច្ចសហការ និងកែលម្អគុណភាពសេវាជាបន្តបន្ទាប់ ក្នុងការបង្ការ និងគ្រប់គ្រងជំងឺមិនឆ្លង ប្រកបដោយប្រសិទ្ធភាព ។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំកិច្ចប្រជុំប្រចាំខែតុលា ឆ្នាំ២០២៦ នៃក្រុមការងារបច្ចេកទេសសុខាភិបាលថ្នាក់ខេត្ត ដើម្បីពិនិត្យវឌ្ឍនភាពការងារ បញ្ហាប្រឈម និងដំណោះស្រាយ ព្រមទាំងពង្រឹងកិច្ចសហប្រតិបត្តិការជាមួយអង្គការដៃគូអភិវឌ្ឍន៍ ក្នុងការលើកកម្ពស់គុណភាព និងការគ្របដណ្តប់សេវាសុខាភិបាលជូនប្រជាជន ។

ខេត្តបាត់ដំបង៖ ព្រឹកថ្ងៃសៅរ៍ ទី៣ ខែតុលា ឆ្នាំ២០២៦ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញអមដំណើរ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងថ្នាក់ដឹកនាំ ព្រមទាំងមន្ត្រីបច្ចេកទេស ចុះពិនិត្យ វឌ្ឍនភាពស្ថានភាព និងការដាក់ឱ្យដំណើរការបម្រើសេវាសុខាភិបាលឡើងវិញ នៅមណ្ឌលសុខភាពព្រែកហ្លួង ខេត្តបាត់ដំបង បន្ទាប់ពីរងផលប៉ះពាល់ ដោយសារទឹកជំនន់។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង សហការជាមួយការិយាល័យសុខាភិបាលស្រុកប្រតិបត្តិបាត់ដំបង បានចុះអនុវត្តសកម្មភាពអប់រំសុខភាព ចែកមុងជ្រលក់ថ្នាំ និងផ្តល់ថ្នាំបង្ការជំងឺគ្រុនចាញ់ដល់អ្នកចូលព្រៃ នៅស្រុកសំឡូត ក្នុងគោលបំណងពង្រឹងការការពារប្រជាពលរដ្ឋ ដែលមានហានិភ័យ និងទប់ស្កាត់ការកើតជំងឺគ្រុនចាញ់ឡើងវិញ ។

បាត់ដំបង ៖ ក្រុមការងារមន្ទីរសុខាភិបាលនៃរដ្ឋបាលខេត្តបាត់ដំបង សហការជាមួយស្រុកប្រតិបត្តិសង្កែ បានចុះពិនិត្យសុខភាពជូនប្រជាពលរដ្ឋ ដែលបានជម្លៀសទៅស្នាក់នៅទីទួលសុវត្ថិភាពលើផ្លូវហាយវៃ ក្នុងឃុំអូរដំបង២ ស្រុកសង្កែ ខេត្តបាត់ដំបង ថ្ងៃទី០១ ខែតុលា ឆ្នាំ២០២៦ ។

បាត់ដំបង ៖ ប្រធានមន្ទីរសុខាភិបាលនៃរដ្ឋបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានលើកទឹកចិត្តដល់មន្ត្រីសុខាភិបាលខេត្តបាត់ដំបង យ៉ាងដូច្នេះថា មន្ត្រីសុខាភិបាលអាចទ្រាំនឹងផ្សែងថ្នាំបាញ់មូសបាន តែមិនចង់ឃើញប្រជាពលរដ្ឋ ទ្រាំនឹងការឈឺចាប់ដោយជំងឺគ្រុនឈាមនោះទេ ។

បាត់ដំបង៖ ដើម្បីកាត់បន្ថយហានិភ័យអំឡុងពេលសម្រាល និងពង្រឹងសុខភាពម្តាយព្រមទាំងទារក មណ្ឌលសុខភាពជ្រៃ ស្ថិតនៅស្រុកថ្មគោល ខេត្តបាត់ដំបង បានជំរុញយ៉ាងសកម្មឲ្យស្ត្រីមានផ្ទៃពោះចាប់ពី៦សប្តាហ៍ឡើងទៅ និងស្ត្រីទើបសម្រាលកូនចូលរួមក្នុងវគ្គអប់រំពិសេសមួយ ដែលហៅថា «ថ្នាក់អប់រំសុខភាពម្តាយ (Mother Class)»។

បាត់ដំបង៖ មណ្ឌលសុខភាពស្វាយប៉ោ ស្ថិតក្នុងក្រុងបាត់ដំបង បាននិងកំពុងបើកផ្តល់សេវាពិនិត្យ តាមដាន និងផ្តល់ថ្នាំព្យាបាលជំងឺទឹកនោមផ្អែម និងជំងឺលើសសម្ពាធឈាម ជូនប្រជាពលរដ្ឋដោយផ្ទាល់។ សេវានេះកំពុងទទួលបានការគាំទ្រយ៉ាងខ្លាំងពីសំណាក់ប្រជាពលរដ្ឋក្នុងមូលដ្ឋាន និងតំបន់ជុំវិញ ដោយសារការយកចិត្តទុកដាក់ និងភាពរហ័សរហួនរបស់ក្រុមគ្រូពេទ្យក្នុងការផ្តល់សេវា។