ព័ត៌មានក្នុងខេត្ត

ក្នុងកិច្ចប្រជុំប្រចាំថ្ងៃទី១៩ ខែសីហា ឆ្នាំ២០២៦ របស់ក្រុមការងារបច្ចេកទេសសុខាភិបាលថ្នាក់ខេត្ត (Pro-TWGH) គណៈកម្មាធិការសម្របសម្រួលសកម្មភាពសុខភាព (HACC) បានធ្វើបទបង្ហាញអំពីវឌ្ឍនភាពគម្រោង FoNPAMs និង DFoNPAMs ដែលផ្តោតលើការពង្រឹងភាពជាម្ចាស់ និងការចូលរួមរបស់សហគមន៍ក្នុងការឆ្លើយតបនឹងមេរោគអេដស៍។

ពង្រឹងសមត្ថភាពមន្ត្រីសុខាភិបាលថ្នាក់មូលដ្ឋាន ក្នុងការស្រាវជ្រាវរកជំងឺមហារីកមាត់ស្បូន ដោយប្រើតេស្ត HPV ក្នុងស្រុកសង្កែ

បាត់ដំបង ៖ រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ ឈាង រ៉ា បានបញ្ជាក់ថា នៅក្នុងស្ថានភាពលំបាក ឬមិនប្រាកដប្រជា មេដឹកនាំត្រូវបម្លែងខ្លួនឱ្យក្លាយទៅជាស្ពាន សម្រាប់គាំទ្រក្រុមការងារ ឱ្យជម្នះបាននូវឧបសគ្គទាំងនោះ ។ ការថ្លែងនេះបានធ្វើឡើងនារសៀលថ្ងៃទី១៨ ខែសីហា ឆ្នាំ២០២៦ ក្នុងឱកាសដែលឯកឧត្តមសាស្ត្រាចារ្យរដ្ឋមន្ត្រី បានដឹកនាំវគ្គបណ្តុះបណ្តាល ភាពជាអ្នកដឹកនាំ និងនវានុវត្តន៍ លើកទី១២៨ ដោយមានមន្ត្រីសុខាភិបាលគ្រប់លំដាប់ថ្នាក់ចំនួន ២,៨០៣នាក់ ចូលរួមតាមប្រព័ន្ធវីដេអូសន្និសីទ (Zoom) ។

ការចូលនិវត្តន៍ គឺជាក្រិតក្រមរបស់មន្ត្រីរាជការ គ្រប់ក្រសួងមន្ទីរ ទូទាំងប្រទេស ដែលតែងតែអនុវត្តជារៀងរាល់ឆ្នាំ ចំពោះមន្ត្រីដល់អាយុចូលនិវត្តន៍។ នេះជាច្បាប់រដ្ឋ។

ដោយមានការជំរុញជាបន្តបន្ទាប់ពីមន្ទីរសុខាភិបាល នៃរដ្ឋបាលខេត្តបាត់ដំបង និងការចូលរួមគាំទ្រពីអង្គការ CHC នៅថ្ងៃទី ១៧ ខែសីហា ឆ្នាំ ២០២៦ កន្លងទៅនេះ មន្ត្រីមណ្ឌលសុខភាព ឃុំបួរ ស្រុកភ្នំព្រឹក ខេត្តបាត់ដំបង បានចុះអប់រំ និងផ្សព្វផ្សាយដល់ប្រជាពលរដ្ឋក្នុងសហគមន៍ អំពីជំងឺរបេង រោគសញ្ញាសង្ស័យ និងវិធានការស្វែងរកអ្នកជំងឺ ដើម្បីព្យាបាលឲ្យបានត្រឹមត្រូវ។

បាត់ដំបង ៖ រដ្ឋបាលមន្ទីរចំនួន៣ ដែលមានទីតាំងនៅក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង ត្រូវបានមន្ត្រីជំនាញរបស់មន្ទីរសុខាភិបាលនៃរដ្ឋបាលខេត្តបាត់ដំបង ចុះបាញ់ថ្នាំសម្លាប់សត្វមូស ដើម្បីបង្ការ និងទប់ស្កាត់ជំងឺគ្រុនឈាម កាលពីល្ងាចថ្ងៃទី១៧ ខែសីហា ឆ្នាំ២០២៦ ។

បាត់ដំបង ៖ ប្រធានមន្ទីរសុខាភិបាលនៃរដ្ឋបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានលើកទឹកចិត្តដល់មន្ត្រីសុខាភិបាល ត្រូវបង្កើនសមត្ថភាពរបស់ខ្លួន តាមរយៈការរៀនសូត្របន្ថែម ក្នុងការពង្រឹងគុណភាព ការថែទាំផ្ទៃពោះមុនសម្រាល ដើម្បីសុវត្ថិភាពមាតា និងទារក ។

បាត់ដំបង ៖ អនុវត្តតាមការណែនាំពីឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នោះ ថ្នាក់ដឹកនាំក្រសួង រួមជាមួយថ្នាក់ដឹកនាំមន្ទីរសុខាភិបាលនៃរដ្ឋបាលខេត្តបាត់ដំបង និងក្រុមការងារ បានបន្តសកម្មភាពចុះអភិបាលគាំទ្រ និងពង្រឹងការឆ្លើយតបចំពោះជំងឺគ្រុនឈាម ចាប់ពីសហគមន៍ មណ្ឌលសុខភាព ស្រុកប្រតិបត្តិ មន្ទីរពេទ្យបង្អែក រហូតដល់ការចូលរួមរបស់សេវាសុខាភិបាលឯកជន ។

បាត់ដំបង ៖ អនុវត្តតាមការណែនាំរបស់ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នៅថ្ងៃទី១៣ ខែសីហា ឆ្នាំ២០២៦ ថ្នាក់ដឹកនាំក្រសួង និងមន្ទីរសុខាភិបាលនៃរដ្ឋបាលខេត្តបាត់ដំបង និងក្រុមការងារ បានចុះអភិបាលគាំទ្រ ត្រួតពិនិត្យ និងអប់រំសុខភាពដល់ប្រជាពលរដ្ឋតាមខ្នងផ្ទះ ដើម្បីពង្រឹងវិធានការបង្ការ និងទប់ស្កាត់ជំងឺគ្រុនឈាមនៅសហគមន៍ ។

បាត់ដំបង ៖ ដើម្បីធានាបាននូវប្រសិទ្ធភាពការបង្ការជំងឺគ្រុនឈាមនោះ មន្ត្រីជំនាញសុខាភិបាលតែងតែបានចុះត្រួតពិនិត្យអាបែត និងដង្កូវទឹកតាមខ្នងផ្ទះ ជាពិសេសការអប់រំសុខភាពដល់ប្រជាពលរដ្ឋ នៅតាមក្រុង ស្រុក នៃខេត្តបាត់ដំបង បានយល់អំពីវិធីលុបបំបាត់ប្រភពទឹកដក់ ដែលជាជម្រកមូសពងកូន និងវិធីការពារ ដើម្បីកុំឱ្យឆ្លងជំងឺគ្រុនឈាម ។

បាត់ដំបង ៖ ជំងឺគ្រុនឈាម ជាជំងឺឆ្លងបង្កឡើងដោយមេរោគគ្រុនឈាម និងចម្លងមកមនុស្សតាមរយៈ មូសខ្លាញីខាំ ។ ដូច្នេះ ការកាត់ផ្តាច់ការចម្លងត្រូវចាប់ផ្តើមពីការកាត់បន្ថយមូស និងលុបបំបាត់ជម្រកបង្កាត់ពូជមូសខ្លានៅក្នុងផ្ទះ និងជុំវិញផ្ទះរបស់យើង ។

បាត់ដំបង ៖ លោក ឱសថបណ្ឌិត វឿង ប៊ុនរ៉េត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង បានបញ្ជាក់ថា ពីការបាត់បង់មួយករណី ទៅជាមេរៀនការពារជីវិតមនុស្សជាច្រើន ដើម្បីរួមគ្នាទប់ស្កាត់ ការពារការឆ្លងជំងឺគ្រុនឈាម ក្នុងគ្រួសារ និងសហគមន៍ ។