ព័ត៌មានក្នុងខេត្ត

បាត់ដំបង ៖ រដ្ឋបាលស្រុកឯកភ្នំ បានរៀបចំយុទ្ធនាការដាំកូនឈើក្រោមប្រធានបទ «ផ្ទះ ១ ខ្នង ដើមឈើ ១ ដើម» នៅភូមិទួលស្បូវ ឃុំសំរោងក្នុង ស្រុកឯកភ្នំ ខេត្តបាត់ដំបង ដោយមានអ្នកចូលរួមសរុបចំនួន ៦១៩ នាក់ កាលពីថ្ងៃសៅរ៍ ទី ១ ខែសីហា ឆ្នាំ ២០២៦។

បាត់ដំបង៖ ដើម្បីឆ្លើយតបបានទាន់ពេលវេលាចំពោះតម្រូវការទឹកស្រោចស្រពដំណាំស្រូវរបស់ប្រជាកសិករ នាថ្ងៃទី២៨ ខែកក្កដា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំប្រតិភូអមដំណើរដោយ លោក សុវណ្ណ វិទិត្យា ប្រធានមន្ទីរព័ត៌មានខេត្តបាត់ដំបង ព្រមទាំងមន្ត្រីជំនាញ និងអាជ្ញាធរដែនដីពាក់ព័ន្ធ ចុះពិនិត្យដោយផ្ទាល់ពីស្ថានភាពទឹក នៅអាងទឹកពហុបំណងបាត់ដំបង(សេកសក) ប្រព័ន្ធធារាសាស្រ្តអាងកំពីងពួយ ការបញ្ជូនទឹកសង្រ្គោះស្រូវនៅស្រុកថ្មគោល និងស្រុកបាណន់ និងការបូមទឹកសង្រ្គោះស្រូវនៅស្រុកបវេល ។

បាត់ដំបង៖នៅថ្ងៃទី២៨ ខែកក្កដា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំមន្រ្តីជំនាញនិងអាជ្ញាធរចុះពិនិត្យស្ថានភាពទឹកនៅអាងទឹកពហុបំណងបាត់ដំបង(សេកសក) ប្រព័ន្ធធារាសាស្រ្តអាងកំពីងពួយ ការបញ្ជូនទឹកសង្រ្គោះស្រូវនៅស្រុកថ្មគោល និងស្រុកបាណន់ និងការបូមទឹកសង្រ្គោះស្រូវនៅស្រុកបវេល។

ដើម្បីលើកកម្ពស់ជីវភាពរស់នៅរបស់គ្រួសារអតីតយុទ្ធជនឱ្យកាន់តែប្រសើរឡើង ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តបាត់ដំបង បានអញ្ជើញដឹកនាំកិច្ចប្រជុំផ្ទាល់ដី ដើម្បីពន្លឿនការផ្តល់សេវាសាធារណៈជូនបងប្អូនអតីតយុទ្ធជនដែលកំពុងរស់នៅលើដីសម្បទានសង្គមកិច្ចក្នុងស្រុកគាស់ក្រឡ។

បាត់ដំបង៖នៅថ្ងៃទី២៧ ខែកក្កដា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំមន្រ្តីជំនាញចុះពិនិត្យស្ថានភាពទឹកនៅប្រព័ន្ធធារាសាស្រ្តកង្ហត ស្ថិតក្នុងស្រុកបាណន់ និងទំនប់ស្ទាក់ទឹកមួយចំនួនដើម្បីបន្តអន្តរាគមន៍បញ្ជូនទឹកសង្រ្គោះស្រូវរបស់ប្រជាកសិករឱ្យអស់លទ្ធភាព និងត្រឹមត្រូវតាមលក្ខណៈបច្ចេកទេស។

បាត់ដំបង៖ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំក្រុមការងារអញ្ជើញចុះពិនិត្យស្ថានភាពកង្វះទឹកសម្រាប់ស្រោចស្រពស្រែស្រូវរបស់ប្រជាកសិករ នៅតាមទីតាំងមួយចំនួនក្នុងខេត្តបាត់ដំបង ដើម្បីវាយតម្លៃស្ថានភាពជាក់ស្តែង និងជំរុញវិធានការអន្តរាគមន៍ឱ្យបានទាន់ពេលវេលា នៅព្រឹកថ្ងៃសៅរ៍ ទី២៥ ខែកក្កដា ឆ្នាំ២០២៦ ។

បាត់ដំបង ៖ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្ត្រមណ្ឌលបាត់ដំបង និងលោកជំទាវ ញ៉ែម សាខន សម្តេចក្រឡាហោម ព្រមទាំងមន្ត្រីរាជការទាំងអស់ក្នុងខេត្តបាត់ដំបង បានប្រារព្ធពិធីប្រគេនទៀនចំណាំព្រះវស្សាចំនួន៣៩គូរ រួមជាមួយនឹងទេយ្យទាន ទេយ្យវត្ថុ និងបច្ច័យមួយចំនួនទៀតដល់វត្តចំនួន៣៩ នៃក្រុង ស្រុកទាំង១៤ ក្នុងខេត្តបាត់ដំបង ប្រកបដោយសទ្ធាជ្រះថ្លា ។

បាត់ដំបង៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអំពាវនាវឱ្យបងប្អូនប្រជាពលរដ្ឋយោគយល់ចំពោះបញ្ហាខ្វះខាតទឹកសម្រាប់ស្រោចស្រពដំណាំស្រូវ ខណៈដែលមន្ត្រីជំនាញកំពុងសហការចុះអន្តរាគមន៍សង្គ្រោះយ៉ាងសកម្ម។ ទន្ទឹមនឹងនេះ ឯកឧត្តមក៏បានណែនាំដល់ប្រជាកសិករទាំងអស់ឱ្យបង្កើនការប្រុងប្រយ័ត្ន និងចេះគិតគូរក្នុងការរក្សាទុកទឹកប្រើប្រាស់ដោយសន្សំសំចៃខ្ពស់ផងដែរ។

បាត់ដំបង៖នៅថ្ងៃទី១៩ ខែកក្កដា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំមន្រ្តីជំនាញពាក់ព័ន្ធចុះពិនិត្យស្ថានភាពទឹកនៅទំនប់ដូនទ្រី អាងបាសាក់ ព្រមទាំង អាងទឹកនិងទំនប់ស្ទាក់ទឹកមួយចំនួននៅស្រុករុក្ខគីរី និងស្រុកមោងឫស្សី ដើម្បីខិតខំជួយសង្រ្គោះស្រូវរបស់បងប្អូនប្រជាពលរដ្ឋឱ្យអស់ពីលទ្ធភាព និងត្រឹមត្រូវតាមលក្ខណៈបច្ចេកទេស ធានាបានទឹកប្រើប្រាស់ ហូបចុករបស់សត្វ ព្រមទាំងមនុស្សផងដែរ នៅរដូវប្រាំងខាងមុខនេះ។

ក្នុងព្រឹត្តិការណ៍ដ៏មហោឡារិក «ពិព័រណ៍ផ្លែឈើបាត់ដំបង ២០២៦» ក្រុមការងារមន្ទីរព័ត៌មានខេត្តបាត់ដំបង បាននិងកំពុងដើរតួនាទីយ៉ាងសំខាន់ មិនត្រឹមតែជាអ្នករាយការណ៍ព័ត៌មានប៉ុណ្ណោះទេ ថែមទាំងជាដៃគូយុទ្ធសាស្ត្រ ជាមួយអាជ្ញាធរគ្រប់លំដាប់ថ្នាក់ ដើម្បីលើកកម្ពស់សក្តានុពលកសិទេសចរណ៍នៃខេត្តបាត់ដំបងឱ្យកាន់តែល្បីល្បាញ។

នៅរសៀលថ្ងៃទី០៩ ខែកក្កដា ឆ្នាំ២០២៦ នេះ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំក្រុមការងារពិនិត្យការរៀបចំទីតាំង និងចូលរួមការហាត់សមក្បួនដង្ហែផ្លែឈើតំណាងក្រុង-ស្រុកទាំង ១៤ ក្នុងព្រឹត្តិការណ៍ផ្លែឈើបាត់ដំបង២០២៦ មុនការបើកព្រឹត្តិការណ៍ឈានចូលមកដល់នៅថ្ងៃទី១០ ខែកក្កដា ស្អែកនេះដើម្បីធ្វើយ៉ាងណាឱ្យការបើកព្រឹត្តិការណ៍ផ្លែឈើបាត់ដំបង ឆ្នាំ២០២៦ បានដំណើរការទៅប្រកបដោយភាពរលូន និងទទួលបានជោគជ័យ ។

បាត់ដំបង៖ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលស្រុកឯកភ្នំ ដែលពិធីនេះធ្វើឡើងនៅបរិវេណសាលាស្រុកឯកភ្នំ នាថ្ងៃទី២៦ ខែមិថុនា ឆ្នាំ២០២៦។